Nigba ti Anabi - ki ikẹ ati ọla Ọlọhun maa ba a - rán muaz ọmọ Jabal - ki Ọlọhun yọnu si i - lọ sí ilu Yemen lati lọ kéde ẹ̀sìn Ọlọhun fún wọn, kí ó sì kọ́ wọn ní ìmọ̀ ẹ̀sìn Islam, ó ṣalaye fun un pé dajudaju ó máa ṣalabapade awọn ọmọ Kristẹni kan nibẹ; nitori naa, ki o gbaradi fun wọn, lẹyin naa, ki o bẹrẹ ikede ẹsin Islam fun wọn pẹlu sísọ nkan tó pataki julọ, lẹyin naa ki o wá sọ nkan tó pataki tèlé e, Kí ó kọ́kọ́ pè wọ́n lọ síbi ṣiṣatunṣe igbagbọ wọn; iyẹn ni pé kí wọ́n jẹrii pé dajudaju kò sí ọlọhun miran ayafi Ọlọhun Allah, ati pé dajudaju Anabi Muhammad Ojiṣẹ Ọlọhun ní n ṣe; Nítorí pé eyi ni ó máa mú wọn wọ inu ẹsin Islam, tí wọ́n bá ti gbà lati ṣe iyẹn, kí ó ṣẹ̀ṣẹ̀ waa pa wọ́n laṣẹ pé kí wọ́n maa gbé ìrun duro; nitori pe irun ni iṣẹ ọranyan tí ó tóbi jùlọ lẹyin tí a bá ti ṣe Ọlọhun lọ́kan, tí wọ́n bá gbé irun naa duro, kí o pa àwọn olówó inu wọn láṣẹ pé kí wọ́n yọ zakat owó wọn fún àwọn tálákà inu wọn, lẹ́yìn náà, Anabi ṣe ìkìlọ̀ fún Muaz pé kó má ṣe gba owó tó níye lórí jù lọ; nitori pe eyi tó jẹ́ ọranyan ni eyi tó wà ní iwọntun-wọnsì lẹyin naa, ó tún gbà á nímọ̀ràn pé kó jìnà sí àbòsí; nitori ki ẹni tí ó bá ṣabosi sí má baa ṣepe fun un, nitori pé dajudaju adura rẹ̀ maa gbà.

• Itumọ ijẹrii pé kò sí ọlọhun miran ayafi Ọlọhun Allah ni pé ki a ṣe Ọlọhun lọ́kan ṣoṣo nibi ijọsin wa, kí a sì gbé ijọsin ohun tó yatọ si I jù sílẹ̀.
• Itumọ ijẹrii pé Anabi Muhammad Ojiṣẹ Ọlọhun ní ń ṣe ni pé kí a ní igbagbọ si i, kí a sì ní igbagbọ sí ohun tí ó mú wá, kí a sì pè é lódodo, ati pé oun ni ikẹhin awọn Ojiṣẹ Ọlọhun sí gbogbo ènìyàn.
• Bí a ṣe maa bá oní mímọ̀ sọ̀rọ̀ ati ẹniti ó ní ìrújú, ó yatọ si bi a ṣe maa bá alaimọkan sọrọ; nítorí náà ni Anabi ṣe ṣalaye fún Muaz pé: “Ìwọ yóò lọ bá àwọn ènìyàn tí wọ́n jẹ́ oni-tira sánmọ̀”.
• Pàtàkì kí musulumi jẹ́ onimimọ nipa ẹsin rẹ̀; kí ó lè móríbọ́ kuro nibi ìrújú awọn onírújú, látara wíwá ìmọ̀.
• Bíbàjẹ́ ẹsin awọn Yahudi ati Nasara lẹyin tí Ọlọhun ti gbé Anabi Muhammad dìde - ki ikẹ ati ọla Ọlọhun maa ba a - ati pé wọn kò sí ninu awọn ti yoo là ní ọjọ igbende ayafi tí wọ́n bá wọ inu ẹsin Islam, kí wọ́n sì gba Anabi gbọ - ki ikẹ ati ọla Ọlọhun maa ba a.

1. Ilé
2. Adisọkan
3. Àwọn orúkọ ati awọn ìdájọ́
4. Ẹsin Isilaamu
5. Hadiisi

• emi ni Dimaam ọmọ Tha’labah, láti ìdílé Banuu Sahd ọmọ Bakr
• Wọn pa mi láṣẹ lati ba awọn eniyan ja titi wọn maa fi jẹrii pe ko si ẹnikan ti ijọsin tọ si afi Allahu, ati pe dajudaju Muhammad ojiṣẹ Ọlọhun ni, ti wọn si n gbe irun duro, ti wọn si n yọ saka
• Dajudaju nkan ti o n sọ ti o si n pepe si, nkan ti o daa ni, ti o ba fun wa niroo pe aforijin n bẹ fun nkan ti a ṣe
• Awọn Juu ni awọn ti a binu si, ti awọn Nasara jẹ awọn ẹni anu