Nde Nelaaɗo neli Mu'aaju(mu,aazu) Ibnu Jabal ( yo allah yardo he makko)faade Yaman ngam noddude faade e Alla e jannginde, o holli mbo wonde ma o hawru e yimɓe Nassara en; ngam o heblanooɓe, refti o fuɗɗoro noddaandu mum ko ɓuri himmude refti ko himmi, O noddaɓe e sellinde fiɓnde ko adi; ndeɓe ceedoto deweteeɗo e goongo alah mbo wonah Alla, e wonde Muhamadu ko nelaaɗo Alla; Sabu ko ɗuum ɓe naatrata islaam, siɓe njaɓii ɗuum o yamiraɓe juulde; sabu ko kannde ɓuri teddude e baɗɗii ɗi caggal wootadinde, Siɓe ñiiɓnii juulde o yamira alɗuɓe maɓɓe tottirde askal jawɗeele maɓɓe faade e waasɓe maɓɓe, refti o reentini nanngude jawdi ɓurndi moƴƴude ndi; sabu waɗɗii ko ka hakandii ko, refti o wasayii mbo accude tooñannge; haa tooñaaɗo o waasa huɗde mbo, pellet ñaagunde makko ko ka jaabate.

• Faanda e seedaade wonde alah dewateeɗo e goongo mbo wonah Alla ko teelɗinande Alla dewal Alla, e accude rewde mbo wonah Alla.
• Faanda e seedaade Muhamadu ko Nelaaɗo Alla ɗuum woni gooŋɗinde mbo e ko o addi ko e wonde ko kanko woni cakkatiiɗo e Nelaaɓe faade e yimɓe he.
• Haaldude e ganndo nanndatah e haaldude e majjuɗo; ko ɗuum waɗi o findini Mu'aaju e konngol makko: " Pellet haɗa ara e yimɓe jom en defte".
• Himmude nde juulɗo wonata jom yi'annde e diine makko; ngam seerde e jiɓuyaaji jiɓooɓe ɓe, ɗuum noon wonirta ko ɗaɓɓude ganndal.
• Bonde diine Yahuud en e Annasaara en caggal neleede Nelaaɗo yo o his, e wonde ɓe njeyaako e yimɓe daɗooɓe ñande darngo haa ɓe naata e diine islaam, ɓe ngooŋɗina Nelaaɗo yo jam e kisal won e makko.