ఈ హదీథులో ప్రవక్త సల్లల్లాహు అలైహి వసల్లం ఇలా తెలియజేస్తున్నారు: ఉదూ చేసిన తరువాత ఒక ముస్లిం తన రెండు పాదాలకు “ఖుఫ్ఫైన్” తొడుగుకున్నట్లయితే; తరువాత ఒకవేళ ఉదూ భంగపడినట్లయితే, తిరిగి ఉదూ ఆచరించునపుడు అతనికి ఇష్టమైతే “ఖుఫ్ఫైన్” ను పాదాల నుంచి తొలగించకుండా వాటిపైన తడిచేతులతో మసహ్ చేసి (తడిచేతులతో తడిమి) వాటిని తొడిగి ఉన్న స్థితిలోనే నమాజు ఆచరించవచ్చు. ఈ విధంగా అతడు “జనాబత్” స్థితికి (సంభోగానంతర అశుద్ధ స్థితికి) లోను కానంత వరకు, ఒక నియమిత కాలం వరకు చేయవచ్చు. జనాబత్ స్థితికి లోనైతే మాత్రం ఖుఫ్ఫైన్’ను కాళ్ళ నుండి తొలగించి అతడు గుసుల్ చేయవలసి ఉంటుంది.

• సంపూర్ణంగా ఉదూ ఆచరించిన తరువాత పాదాలకు ఖుఫ్ఫైన్ తొడుగుకుని ఉంటే తప్ప వాటిపైన ‘మసహ్’ చేయుటకు అనుమతి లేదు.
• ఖుఫ్ఫైన్’పై మసహ్ చేయుటకు స్థానికులకు కాలపరిమితి: ఒక దినము మరియు ఒక రాత్రి (24 గంటలు); ఖుఫ్ఫైన్’పై మసహ్ చేయుటకు ప్రయాణీకులకు కాలపరిమితి: మూడు దినములు మరియు మూడు రాత్రులు (72 గంటలు);
• ఖుఫ్ఫైన్ పై మసహ్ చేయుట కేవలం ‘హదథ్ అల్ అస్గర్’ స్థితికి (చిన్న అపరిశుద్ద స్థితికి) మాత్రమే పరిమితం. ‘హదథ్ అల్ అక్బర్’ స్థితిలో ఖుఫ్ఫైన్ పై మసహ్ చేయుటకు అనుమతి లేదు. ఆ స్థితిలో ఖుఫ్ఫైన్’ను పాదములనుంచి పూర్తిగా తొలగించి (గుసుల్’లో భాగంగా) వాటిని శుభ్రంగా కడగవలసి ఉంటుంది.
• యూదుల విధానానికి వ్యతిరేకంగా ఉండేలా, కాళ్ళకు పాదరక్షలు, ఖుఫ్ఫైన్ లాంటివి తొడిగి ఉన్న స్థితిలోనే నమాజు ఆచరించమని సిఫార్సు చేయబడుతున్నది. అయితే పాదరక్షలు లేదా ఖుఫ్ఫైన్’లు అపరిశుబ్రంగా ఉన్నా, లేక ఏదైనా మలినం అంటుకుని ఉన్నా, లేక తోటి వారికి కష్టం లేదా అసౌకర్యం కలిగేలా ఉన్నా, లేక అన్ని సదుపాయాలు అమర్చబడి, చక్కగా పరిశుభ్రంగా ఉన్న మస్జిదులలో అలా చేయరాదు.
• ఖుఫ్ఫైన్’పై మసహ్ చేసే అనుమతి ఈ ఉమ్మత్’కు ఉదూ విషయాన్ని సులభతరం మరియు మరింత సౌకర్యవంతం చేస్తుంది.

1. హోమ్
2. ఫిఖ్ మరియు దాని నియమాలు
3. ఆరాధనల ధర్మశాస్త్ర జ్ఞానం
4. తహారత్
5. రెండు మేజోళ్ళపై మరియు అటువంటి వాటి పై స్పర్శించుకోవటం.
6. హదీస్

• నేను రసూలుల్లాహ్ సల్లల్లాహు అలైహి వసల్లం మూత్ర విసర్జన చేసిన తర్వాత ఉదూ చేసి, తన మేజోళ్లపై మసాహ్ చేయడాన్ని చూశాను...
• “(ఒకసారి) నేను ప్రవక్త సల్లల్లాహు అలైహి వసల్లం తో ఉన్నాను. (దారిలో) ఆయన ఒక తెగవారు తమ చెత్తాచెదారం వేసే స్థలం వద్దకు వచ్చారు. అక్కడ ఆయన నిలబడి మూత్ర విసర్జన చేసారు,...
• వాటిని అలాగే ఉండనివ్వు (ఓ ముఘీరహ్), నేను వాటిని (పూర్తిగా) వుదూ చేసుకున్న తరువాత కాళ్ళకు తొడిగినాను...
• ప్రయాణంలో ఉన్నప్పుడు మూడు పగళ్ళు మరియు మూడు రాత్రుల వరకు జనాబత్ అశుద్ధావస్థ ఎదురైతే తప్ప, మలమూత్ర విసర్జన మరియు నిద్ర కారణంగా మేజోళ్ళు తీయవలసిన అవసరం లేదని ఆయన మమ్మల్ని ఆజ్ఞాపించేవారు...