മുസ്‌ലിമായ ഒരു വ്യക്തി വുദൂഅ് ചെയ്തതിന് ശേഷം തൻ്റെ ഖുഫ്ഫ ധരിക്കുകയും, പിന്നീട് അദ്ദേഹത്തിൻ്റെ വുദൂഅ് മുറിയുകയും, വീണ്ടും വുദൂഅ് ചെയ്യാൻ ഉദ്ദേശിക്കുകയും ചെയ്താൽ -വേണമെങ്കിൽ- അദ്ദേഹത്തിന് തൻ്റെ രണ്ട് ഖുഫ്ഫകളുടെ മേൽ തടവിയാൽ മതിയാകും. ഈ ഖുഫ്ഫകൾ ധരിച്ചു കൊണ്ട് തന്നെ അദ്ദേഹത്തിന് നിസ്കാരം നിർവ്വഹിക്കാം. നിശ്ചിത സമയത്തേക്ക് ഈ വിധി അദ്ദേഹത്തിന് ബാധകമായിരിക്കും. എന്നാൽ വലിയ അശുദ്ധി ഉണ്ടാവുകയും ജനാബത്തിൽ നിന്ന് കുളിക്കേണ്ടി വരികയും ചെയ്താൽ അദ്ദേഹം നിർബന്ധമായും തൻ്റെ ഖുഫ്ഫ ഊരേണ്ടതുണ്ട്.

• പൂർണ്ണമായ ശുദ്ധീകരണത്തിന് ശേഷം രണ്ട് ഖുഫ്ഫകളും ധരിച്ചവർക്ക് മാത്രമേ പിന്നീട് വുദൂഅ് ചെയ്യുമ്പോൾ അതിൻ്റെ മേൽ തടവാൻ അനുവാദമുള്ളൂ.
• നാട്ടിൽ തന്നെ കഴിയുന്നയാൾക്ക് ഒരു പകലും രാത്രിയും ഖുഫ്ഫയുടെ മേൽ തടവാൻ അനുവാദമുണ്ട്. യാത്രക്കാരന് മൂന്ന് പകലും രാത്രിയും തടവാം.
• ചെറിയ അശുദ്ധി സംഭവിച്ചാൽ മാത്രമേ ഖുഫ്ഫകളുടെ മേൽ തടവാൻ പാടുള്ളൂ. വലിയ അശുദ്ധിക്ക് ഈ ഇളവില്ല; വലിയ അശുദ്ധിയിൽ നിന്ന് കുളിക്കുമ്പോൾ ഖുഫ്ഫകൾ രണ്ടും ഊരുകയും, കാലുകൾ കഴുകുകയും ചെയ്യുക എന്നത് നിർബന്ധമാണ്.
• ഖുഫ്ഫകളും ചെരുപ്പുകളും ധരിച്ചു കൊണ്ട് നിസ്കരിക്കുന്നത് പ്രോത്സാഹിപ്പിക്കപ്പെട്ട കാര്യമാണ്; യഹൂദരോട് എതിരാവുക എന്ന ഉദ്ദേശ്യം അതിൻ്റെ പിന്നിലുണ്ട്. എന്നാൽ ഇങ്ങനെ നിസ്കരിക്കുമ്പോൾ ഖുഫ്ഫകൾ ശുദ്ധിയുള്ളതായിരിക്കണം, ഒപ്പം നിസ്കരിക്കുന്നവർക്ക് പ്രയാസം സൃഷ്ടിക്കുന്നതാകരുത്, കാർപെറ്റോ മറ്റോ വിരിച്ച മസ്ജിദുകൾ പോലുള്ള സ്ഥലങ്ങളിലാകരുത് എന്നിങ്ങനെയുള്ള കാര്യങ്ങൾ ശ്രദ്ധയിൽ വെക്കേണ്ടതുണ്ട്.
• രണ്ട് ഖുഫ്ഫകൾക്ക് മേൽ തടവുക എന്ന നിയമം നിശ്ചയിക്കപ്പെട്ടത് ഈ ഉമ്മത്തിനുള്ള എളുപ്പവും ലഘൂകരണവുമായിട്ടാണ്.

1. മെയിൻ പേജ്
2. കർമ്മശാസ്ത്രവും, കർമ്മശാസ്ത്ര അടിസ്ഥാനങ്ങളും
3. ആരാധനയുടെ കർമ്മശാസ്ത്രം
4. ശുദ്ധീകരണം
5. ഖുഫ്ഫകളുടെയും മറ്റും മേൽ തടവൽ
6. ഹദീസ്

• അവ രണ്ടും വിട്ടേക്കുക! തീർച്ചയായും ഞാൻ അവ രണ്ടും ധരിച്ചത് ശുദ്ധിയോടെയാണ്
• യാത്രയിലായിരിക്കുമ്പോൾ മൂന്ന് രാവും പകലും മലമൂത്ര വിസർജ്ജനം, ഉറക്കം പോലുള്ളവ (ചെറിയ അശുദ്ധി സംഭവിച്ചാൽ) ഞങ്ങളുടെ ഖുഫ്ഫകൾ അഴിക്കേണ്ടതില്ലെന്ന് അവിടുന്ന് കൽപ്പിക്കുമായിരുന്നു; ജനാബത്ത് (വലിയ അശുദ്ധി) ഉണ്ടായാൽ ഒഴികെ...
• അല്ലാഹുവിൻ്റെ റസൂൽ -صَلَّى اللهُ عَلَيْهِ وَسَلَّمَ- മൂത്രമൊഴിക്കുകയും ശേഷം വുദൂഅ് ചെയ്ത് തന്റെ ഇരു ഖുഫ്ഫകൾക്ക് മീതെ തടവുകയും ചെയ്യുന്നത് ഞാൻ കണ്ടിട്ടുണ്ട്...
• ഒരിക്കൽ ഞാൻ നബി -ﷺ- യോടൊപ്പമായിരുന്നു. അങ്ങനെയിരിക്കെ അവിടുന്ന് ഒരു നാട്ടുകാരുടെ മാലിന്യം നിക്ഷേപിക്കുന്ന സ്ഥലത്തേക്ക് നീങ്ങിനിൽക്കുകയും, അവിടെ വെച്ച് നിന്നു കൊണ്ട് മൂത്രമൊഴിക്കുകയും ചെയ്തു...