ነቢዩ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና አንድ ሙስሊም ውዱእ አድርጎ ኹፎቹን ከለበሰ በኋላ ዉዱኡን አፍርሶ ዉዱእ ማድረግ ከፈለገ ኹፎቹ ላይ ማበስ እንደሚችል፣ ለተገደቡ ጊዜያትም ሳያወልቃቸው እነርሱን እንደለበሰ መስገድ እንደሚችል ገለፁ። ጀናባ ካጋጠመው ግን ኹፉን አውልቆ የመታጠብ ግዴታ አለበት።

• ኹፎቹ የተሟላ ዉዱእ ካደረጉ በኋላ የተለበሱ ካልሆኑ በቀር በነርሱ ላይ ማበስ አይፈቀድም።
• የማበሻ ጊዜ ገደብ ሀገሩ ለተቀመጠ ሰው አንድ ቀን ከነሌሊቱ ሲሆን ጉዞ ላይ ላለ ሰው ደግሞ ሶስት ቀን ከነሌሊቱ ነው።
• በኹፎች ላይ ማበስ የሚፈቀደው ዉዱእ የሚያስደርግ ነገር ሲያጋጥመን እንጂ ገላ የሚያስታጥብ ነገር ሲያጋጥም አይደለም። ገላ የሚያስታጥብ ነገር ሲያጋጥም ማበስ አይፈቀድም። ይልቁንም የግድ ሁለቱን ኹፎች ማውለቅና እግሮቹንም ማጠብ ይኖርበታል።
• ኹፎችን፣ ጫማዎችንና የመሳሰሉትን ለብሶ መስገድ የሁዶችን ለመቃረን ሲባል ይወደዳል። ይህ ግን ንፁህ የሆነ ጊዜ፣ ሰጋጆችንና መስጂድን የሚያውክ ነገር የሌለው ጊዜ ነው። ለምሳሌ መስጂዱ ምንጣፍ የተነጠፈበት ጊዜ ጫማውን ለብሶ አይሰግድም።
• በሁለቱ ኹፎች ላይ ማበስ መፈቀዱ በውስጡ ለዚህ ኡመት ማግራራትና ማቅለልን ይዟል።

1. ዋና ገፅ
2. ፊቅህና የፊቂህ መርሆዎች
3. የአምልኮ ፊቂህ
4. ንፅህና (ጦሀራ)
5. በሁለት ኹፎች ላይ ማበስና የመሳሰሉት
6. ሓዲሥ

• እኔ ንፁህ እንደሆነ ነው ያደረግኳቸውና ተዋቸው።
• ከነቢዩ (የአላህ ሰላትና ሰላም በእርሳቸው ላይ ይስፈንና) ጋር ነበርኩ። ወደ ቆሻሻ መጣያ ዘንድ ሲደርሱ ቆመው ሸኑ።