Nɑbiyɑɑmã -Wẽnd pʋʋsg lɑ A tɩlgr be ɑ yĩngɑ-, ɑ togsɑ a menga ziirã sẽn yɑɑ soɑbɑ Wẽnd nengẽ -A nɑɑm zẽkame-, lɑ le togsdẽ t'ɑ tɑɑ nonglemã dɑrgε-rãmb tεkẽ, wɑlɑ ɑ ɭbrɑɑhɩɩm -tɩlgr be ɑ yĩngɑ- sẽn pɑɑm-ɑ wã, rẽ n kɩt t'ɑ tõdg ne ɑ nɑ tɑll noanga zẽng sẽn pɑ Wẽnde; bɑlɑ ɑ sũurã pidɑ ne Wẽnd nonglem lɑ A zɩsgre lɑ A minim, rẽnd sẽk pɑ le be ne nin zẽng tɩ pɑ Wẽnd ye, lɑ ɑ sã n dɑ tɑrɑ zoɑ bõn-nɑɑndsẽ wã nɑ yɩ ɑ Abuu Bɑkre -Wẽnd yɑrd be ɑ yĩngɑ-. Rẽ poorẽ t'ɑ bugs tɩ b rɑ mɑɑn n zʋʋg toɑɑg ning sẽn sεgd nonglemã pʋgẽ wã ye, wɑlɑ Yɑhʋʋd-rãmbã lɑ Nɑsɑɑr-dãmbã sẽn mɑɑne b Nɑbiyɑɑm-dãmbɑ lɑ b nin-sõmbsã yɑɑdẽ wã, hɑlɩ n wɑ mɑɑn-bɑ tɩ b lebg lɑgm-n-tɑɑr soab-dãmbɑ tɩ b tũud-b tɩ pɑ Wẽnd ye, lɑ b me b yɑɑdẽ wã miisɑ lɑ Tũudum roto, tɩ -Wẽnd pʋʋsg lɑ A tɩlgr be a yĩnga- gɩdg ɑ poorẽ dãmbã, tɩ b rɑ wɑ mɑɑn wɑlɑ b sẽn mɑɑnɑ ye.

• Wãnde wilgdɑ a Abuu Bɑkr yɩɩdlemã, -Wẽnd yɑrd be ɑ yĩngɑ-, n le wilgd tɩ yẽ n yɩɩd Sɑhɑɑbsã, n leb n sõmb n yɩɩd nebã fãɑ ne Nɑbiyɑɑmã ledsgo ɑ kũumã poorẽ.
• Yɑɑ tɩ miisã wã meeb kɑbã zʋtã, yɑɑ zãmɑ nins sẽn reng tɑoorã tʋʋm kiti
• A gɩdgdɑ b rɩk yɑɑdã n mɑɑn tũudum zĩigɑ n pʋʋsd beenẽ mɑɑ b toɑgl-ɑ, lɑ b met miisɑ b zugu lɑ zãg-rãmbɑ, tɩ yɑɑ sẽn gɩdg tɩ b rɑ wɑ lʋɩ lɑgm-n-tɑɑr pʋgẽ, rẽ sɑbɑb ye.
• Hɑdiisã gɩdgdɑ mɑɑn-n-zʋʋkɑ nin-sõmbsã pʋgẽ bɑlɑ ɑ tɑlledɑme n tʋgd lɑgm-n-tɑɑrẽ.
• Bũmb ning Nɑbiyɑɑmã sẽn bugsd tɩ b bɑsɑ yɑɑ yell tεkẽ, bɑlɑ ɑ kengɑ yellã tɑoor t'ɑ nɑ n pɑ ki ne yʋnd ɑ nu.