Annabi habrii kam tolnde makko ka Alla Toowɗo O, e wonde daraja o yottiima e ko ɓuri toowde e gilli, hono no Ibraahiima heɓirno oon daraja, ko ɗuum saabi o riiwti dañde sehil mbo wonah All; sabu ɓernde makko ina heewi gilli Alla e mawninde Mbo e anndude Mbo, nde yaajantah e goɗɗo mbo wonah Alla. Si o jogina giɗo e tagoore he o wonatna Abu Bakri yo Alla wele mbo(yo allah yardo he makko). Refti o reentini yawtude keerol dagingol e gilli hono no Yahuud e Nasaara en mbaɗno e genaale Annabaaɓe maɓɓe e moƴƴuɓe maɓɓe haa ɓe mbattiɓe allaaji sirkiyankooji deweteeɗi ko wonah Alla, ɓe mahi e genaale maɓɓe misiidaaji e dewirɗe goɗɗe, O haɗi leñol makko nde ɓe mbaɗata hono ɗuum.

• Ɓural Abu Bakri(siddiq) yo Alla wele mbo, (yo alla yardo he makko)wonde kaŋko ɓuri Sahabaaɓe ɓe moƴƴude e wonde kaŋko ɓuri haandude e lomtaade Nelaaɗo Alla caggal nde O maayi.
• Mahde (gniboki)misiidaaji e dow genaale ko e geɗe gañaaɗe ɗe leƴƴi gadiiɗi mbaɗatno.
• Haɗde nanngirde genaale nokkuuji dewirɗi juulateeɗi e mum e mahde( gnibde) heen misiideeji wollo soorooji, ngam reentaade yande e Sirku saba ɗuum.
• Reentinde ɓurtinde e moƴƴuɓe he sabu ɗuum ina adda yottaade e Sirku.
• Ngoƴo ko Annabi yo jam e kisal won e makko ɗo O teeŋtini ko adii duuɓi joy nde O maayata.