Annabi yo jam e kisal won e makko ina habra tigi tigi (hakika)ñoore harminaande, ndeen woni haalde e juulɗo ko o añi, foti ko e mbaadiiji mum tagu wollo jikku, hono: ɗokko puuntoowo, penoowo, e ko nanndi e ɗuum, e sifaaji ñiŋoore, hay si wonii ɗiin sifaaji ina e ño'aaɗo he. Si o sifaa alah e makko ɗum ɓuri sattude e ñoore, sabu ɗum ko fepindaade e neɗɗo ko alah e mum.

• Moƴƴude ganndingol Annabi, sabu o tottirat mas'alaaji e mbaadi naaɓnal.
• Moƴƴude needi Wondiiɓe Annabi nde ɓe mbii: Ko Alla e Nelaaɗo makko ɓuri anndude.
• Wiide naaɓnaaɗo ko o anndah ko: Ko Alla ɓuri anndude.
• Reenirde sariya renndo ngo deengol hakkeeji e musidal hakkunde maɓɓe.
• Ñoore ina harmi si wonah yogo e alhaaliiji ngam maslaha, ina e ɗiin: duñde tooñannge, to tooñaaɗo o haalaa ko o tooña ko ka baawɗo nanngande mbo hakke makko, o wi'a: kaari tooñii kam, wollo o waɗii kam ɗum, ina heen kadi: diisnandireede ko faati e dewgal wollo e dental wollo e koɗdigal e ko nanndi e ɗuum.