ዑባዳ ቢን ሷሚት (ረዲየሏሁ ዐንሁ) - አላህ መልካም ሥራቸውን ይውደድላቸውና - ትልቁን የበድር ዘመቻ ከተሳተፉት ሶሐቦች መካከል አንዱ ነበር። መልክተኛው በመካ ሳሉ ወደ መዲና ከመሰደዳቸው በፊት ሚና በተደረገው የዓቀባው ምሽት የአላህን መልክተኛ (የአላህ ሰላትና ሰላም በእርሳቸው ላይ ይስፈን) ለመርዳት እርሳቸውን ቃልኪዳን ለመጋባት ከመዲና ከመጡ የህዝቦቹ መሪዎች መካከል አንዱ ልዑክ ነበር። የአላህ መልክተኛ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና በባልደረቦቻቸው መካከል ተቀምጠው ሳለ ባልደረቦቻቸውን በነዚህ ጉዳዮች ቃልኪዳን እንዲጋቧቸው ፈለጉ። አንደኛ: አላህን በማምለክ ላይ ቅንጣት ታክል ላያጋሩ፤ ሁለተኛ: ላይሰርቁ፤ ሶስተኛ: ፀያፉን የዝሙት ተግባር ላይፈፅሙ፤ አራተኛ: ወንዶች ልጆቻቸውን ድህነትን ፍራቻ ወይም ሴት ልጆቻቸውን ውርደት ፍራቻ እንዳይገድሏቸው፤ አምስተኛ: በእጆቻቸውና በእግሮቻቸው መካከል የሚፈጥሩትን ውሸት እንዳይፈፅሙ፤ ይህም ምንም እንኳ የተቀሩት አካላቶች ቢሳተፉም አብዛኛው ተግባራት የሚፈፀሙት በሁለቱ ስለሆነ ነው። ስድስተኛ: ነቢዩን (የአላህ ሰላትና ሰላም በእርሳቸው ላይ ይስፈን) በመልካም ትእዛዛቸው እንዳያምፁ ነው። ከነርሱ መካከል በዚሁ ቃልኪዳን ላይ የፀናና የዘወተረ ምንዳው አላህ ዘንድ ነው። ከተጠቀሱት ወንጀሎች መካከል ከሽርክ ውጪ የሆኑትን አንዳቸውንም የሰራና ለስራውም ዱንያ ላይ አላህ ባስቀመጠው የወንጀለኛ መቅጫ ህግ የተቀጣ ሰው ይህ ቅጣት ለርሱ ወንጀሉን ማስማሪያ ማካካሻ ይሆንለታል። ከነዚህ ወንጀሎች መካከል አንዳችን ሰርቶ ከዚያም አላህ የሸሸገለት ሰው የርሱ ጉዳይ የሚመለሰው ወደ አላህ ነው። ከፈለገ ይቅር ይለዋል። ከፈለገም ይቀጣዋል። በቦታው ያሉት ሁሉም ሶሐቦችም በዚህ ላይ ቃል ተጋቧቸው።

• ጂሃድ በሙስሊሞች ላይ ግዴታ ከመደረጉ በፊት በመካ የተደረገው የመጀመሪያው የዐቀባ ቃልኪዳን ያካተታቸው ቁምነገሮች መገለፃቸው፤
• ሲንዲይ የነቢዩን (የአላህ ሰላትና ሰላም በእርሳቸው ላይ ይስፈን) "(በማዛችሁ) መልካም ነገር ላታምፁ" ማለት በተመለከተ: «የርሳቸው ሁሉም ትእዛዝ መልካም እንደሆነ ለማንም አይሰወርም። ከመልካም ነገር ውጪ ያዛሉ ተብሎም አይታሰብም። ታዲያ (በመልካም ነገር) ማለታቸው እርሳቸውን መታዘዝ ግዴታ ያደረገባቸውን ምክንያት ለማስገንዘብና ከመልካም ነገር ውጪ ለፍጡር መታዘዝ እንደማይፈቀድ አፅንዖት ለመስጠት ነው። በማንኛውም ሁኔታ ሳይሆን ለመሪ በሚደረግ ቃልኪዳን ጊዜ ብቻ በመልካም ነገር መታዘዝን መስፈርት ማድረግ እንደሚገባም ያስረዳናል።»
• ሙሐመድ ቢን ኢስማዒል አትተይሚይና ሌሎችም እንዲህ ብለዋል: "ቃልኪዳን ሲጋቡ ከግድያ አይነቶች ልጅን መግደልን ብቻ ነጥለው የጠቀሱት መግደልም ዝምድና መቁረጥም ስለሆነ እርሱን በመከልከል ረገድ ልዩ ትኩረት መስጠታቸው ተገቢ ስለሆነ ነው። በተጨማሪም በጊዜው በነርሱ መካከል ተሰራጭቶ የነበረ ድርጊት ስለነበረም ነው። እርሱም ሴቶችን ከነህይወት መቅበርና ወንድ ልጆችን ድህነትን ፍራቻ መግደል ነበር። ወይም እነርሱን ለይተው የጠቀሱት እነርሱ ነፍሳቸውን መከላከል የማይችሉ ስለሆኑ ነው።"
• ነወዊይ እንዲህ ብለዋል: "የዚህ ሐዲሥ ጥቅል ሀሳብ {አላህ በርሱ መጋራትን አይምርም።} በሚለው የአላህ ንግግር የሚገደብ ነው። ከእስልምና የወጣ ሰው በመካዱ ምክንያት ሲገደል መገደሉ ወንጀሉን የሚያስምር አይሆንም።"
• ቃዲ ዒያድ እንዲህ ብለዋል: "አብዛኛው ዑለሞች የመቅጫ ህጎች ወንጀልን ያስምራል የሚል አቋም አላቸው።"

1. ዋና ገፅ
2. ትርፍ ተግባራትና ስነ-ስርዓት
3. ቀልብን አርጣቢ ምክሮችና ተግሳጾች
4. ተውበት
5. ሓዲሥ

• አላህ ዐዘ ወጀል በቀን ኃጢዓት የፈፀሙ እንዲፀፀቱ (ተውበት እንዲያደርጉ) በምሽት እጁን ይዘረጋል። በምሽት ኃጢዓት የፈፀሙ እንዲፀፀቱ (ተውበት እንዲያደርጉ) ደግሞ በቀን እጁን ይዘረጋል። ይህም ፀሀይ በመግቢያዋ በኩል እስክትወጣ ድረስ ቀጣይ ነው።...
• ኃጢዓትን የሠራ ከዚያም ተነስቶ ዉዱእ አድርጎ የሚሰግድ ከዚያም ለኃጢዓቱ ከአሏህ ምህረት የሚጠይቅ አንድም ሰው የለም፤ አላህ ለርሱ የሚምረው ቢሆን እንጂ።...
• የአላህ መልክተኛ ሆይ! መዳኛ ምንድን ነው? አልኳቸው። እርሳቸውም "ምላስህን ተቆጣጠር፤ ቤትህ ይስፋህ፤ በወንጀልህም ላይ አልቅስ!" አሉ።
• አላህ ከርሱ የከለከለውን ይህን ቆሻሻ ድርጊት ራቁ። ይህን ድርጊት ከፈፀመም አላህ (ወንጀሉን) እንደሸሸገለት ይሸሽገው፤ ወደ አላህም ይመለስ። ወንጀሉን ለኛ ግልፅ የሚያደርግ ሰውም በአላህ መጽሐፍ መሰረት (ቅጣቱን) እንፈፅምበታለን።...