رسول الله صلی الله علیه وسلم د سهار لمونځ په حدیبې کې وکړ – چې مکې ته نږدې یو کلی – دی، پداسې حال کې چې په هغه شپه باران وریدلی و، نو کله یې چې سلام وګرځاوه او لمونځ یې پای ته ورساوه، خلکو ته یې مخ وروګرځاوه او ویې ویل: آیا تاسو پوهیږئ چې ستاسو رب العزت څه ویلي؟ نو هغوی ځواب ورکړ چې: الله او رسول یې ښه پوهیږي، نو ویې فرمايل: الله جل جلاله خلکو ته څرګنده کړه چې د باران پر مهال خلک په دوو ډلو ويشل کيږي: يوه ډله هغه ده چې په الله ايمان لري او بله یې هغه ده چې په الله تعالى یې کفر کړی دی. نو هغه چا چې وویل: پر مونږ د الله په فضل او رحمت سره باران واورید او د باران ورولو نسبت یې الله تعالی ته وکړ، نو هغه په الله؛ خالق ذات چې د کائناتو په چارو کې تصرف کوونکی دی ایمان لرونکی او په ستورو کافر دی. او هغه چا چې وویل: د فلاني او فلاني ستوري - په راښکاره کېدو - سره پر مونږ باران وشو؛ نو دی په الله تعالی کفر کوونکی او په ستورو ایمان لرونکی دی او دا کو چنی کفر دی ځکه چې د باران د ورولو نسبت یې ستوري ته وکړ؛ حال دا چې الله تعالی ستوري د باران ورولو لپاره شرعي او تقدیري سبب ندی ګرځولی، او چا چې د باران ورولو او داسې نورو ځمکنیو حوادثو او د ستورو د خوځښتونو؛ راختلو او لوېدلو نسبت همدې شیانو ته وکړ، پدې باور چې - د دې - کارونو حقیقي تر سره کوونکي همدا څيزونه دي، نو دې انسان لوی کفر کړی دی.

• د باران له ورېدو وروسته د دې وینا ویل مستحب دي چې ( ووایي ): د الله په فضل او رحمت پر مونږ باران اورېدلی دی.
• څوک چې د باران ورښت او نورو نعمتونو د پیدایښت او رامنځته کولو نسبت ستوري ته وکړي نو دی په لوی کفر سره کافر دی، او که چېرته یې لدې امله دې شیانو ته نسبت وکړ چې دا یې سبب دی، نو دی په کوچني کفر سره کافر شوی دی، ځکه چې - ستوری - یې نه شرعي سبب دی او نه حسي.
• یو نعمت هغه مهال د کفر لامل ګرځي کله یې چې ناشکري وشي او هغه مهال د ایمان لامل ګرځي کله چې پرې شکر ووېستل شي.
• د دې وینا ممانعت چې وویل شي "د فلاني ستوري - د راښکاره کېدو - له امله پر مونږ باران وشو" که څه هم د چا موخه ورڅخه وخت وي، تر څو د شرک مخنیوی وشي.
• دا فرض دي چې د نعمتونو د ترلاسه کولو او مصیبتونو د دفع کولو په اړه زړه د الله تعالی سره تعلق ولري. ( یعنې دا باور باید شتون ولري چې دا ټول کارونه الله تعالی کوي).

1. کور‌پاڼه
2. عقیده
3. پر الله عزوجل ايمان
4. د ربوبيت توحيد
5. حدیث

1. کور‌پاڼه
2. عقیده
3. نومونه او حکمونه
4. د اسلام ماتوونکي (نواقض)
5. حدیث

1. کور‌پاڼه
2. عقیده
3. نومونه او حکمونه
4. د ایمان څانګې
5. حدیث

1. کور‌پاڼه
2. عقیده
3. نومونه او حکمونه
4. کفر
5. حدیث

• الطُّهُورُ شَطْرُ الْإِيمَانِ، وَالْحَمْدُ لِلهِ تَمْلَأُ الْمِيزَانَ، وَسُبْحَانَ اللهِ وَالْحَمْدُ لِلهِ تَمْلَآنِ -أَوْ تَمْلَأُ- مَا بَيْنَ السَّمَاوَاتِ وَالْأَرْضِ...
• هیڅ څوک پر بل د بدکارۍ او کفر تور نه لګوي، په داسې حال کې چې هسې نه وي مګر دا چې وینا یې بېرته پرې ورګرځي
• له رسول الله صلى الله عليه وسلم څخه روايت کوي چې هغه د انصارو په اړه فرمایلي: «له دوى سره له مؤمن پرته بل څوک محبت نه کوي او له منافق پرته بل څوک له دوى سره دښمني نه كوي، څوک چې له دوى سره مينه وكړي، الله به ورسره مينه وكړي. او څوک چې " له ...
• زه به په حوض باندې - ولاړ - یم تر څو وګورم چې ستاسو څخه څوک پر ما راځي، نو یو څه خلک به ماته له راتګ څخه منع شي، زه به ووایم: اې ربه دوی زما او زما له امت څخه دي...