share_hadeeth
जब अबु तालिबको मृत्युको समय नजिक आयो, तब नबी (सल्लल्लाहु अलैहि वसल्लम) उनीकहाँ जानुभयो र उनलाई भन्नुभयो: हे काका, तपाईं 'ला इलाहा इल्लाल्लाह' भन्नुहोस्, म यही एउटा वाक्यको आधारमा अल्लाहको सामु तपाईंको लागि गवाही दिनेछु । यो सुनेर अबु जहल र अब्दुल्लाह बिन अबु उमैयाले भने: अबु तालिब ! के तपाईं आफ्नो बुबा अब्दुल मुत्तलिबको धर्म छोड्नुहुन्छ? त्यो धर्म वास्तवमा मूर्तिपूजाको धर्म थियो । ती दुवैले उनलाई भनिरहे, यहाँसम्म उनले भनेको अन्तिम कुरा यस प्रकार थियो: म अब्दुल मुत्तलिबको धर्मको अनुसरण गर्दै यो संसार छोड्दैछु । अर्थात्, शिर्क र मूर्तिपूजक धर्ममा । यो सुनेर रसूल (सल्लल्लाहु अलैहि वसल्लम) ले भन्नुभयो: मेरो प्रभुले मलाई मनाही नगरेसम्म म तपाईंको लागि माफी मागिरहनेछु । तसर्थ, यो यो श्लोक अवतरित भएको थियो: “नबी र आस्थावानहरूले मुश्रिकहरूका लागि माफी माग्नु उपयुक्त छैन, चाहे तिनीहरू आफन्त नै भए पनि र तिनीहरू वास्तवमा नरकका कैदीहरू हुन् स्पष्ट भईसके पछि ।" [अत-तौबा: ११३] अबु तालिबको बारेमा अवतरित श्लोक : “तिमी जसलाई माया गर्छौ, उसलाई मार्गदर्शन गर्न सक्दैनौ, तर अल्लाह जसलाई चाहनुहुन्छ मार्गदर्शन गर्नुहुन्छ र उहाँ निर्देशित हुनेहरूलाई राम्रोसँग जान्नुहुन्छ ।” [अल कसस: ५६] तिमी जसलाई माया गर्छौ, उसलाई मार्गदर्शन गर्न सक्दैनौ । तपाईंको काम केवल सन्देश पुर्याउनु हो। अल्लाह जसलाई चाहनुहुन्छ सत्यको मार्गमा डोऱ्याउनुहुन्छ ।
