Niditra tao amin'i Abo Talib dadatoany ny Mpaminany (S.A.W) raha efa ho faty izy, ary niteny taminy hoe : Dadatoa o, teneno hoe : “Tsy misy tompo mendrika ho tompoina afa-tsy Allah”, teny ijoroako ho vavolombelona hiaro anao manoloana an'I Allah. Hoy I Abo Jahl sy Abdollah bin Abi omayyah : Ry Abo Talib, hiala amin'ny finoan'i Abdol Mottalib rainao ve ianao?! Fivavahana amin'ny sampy izany, tsy nitsahatra niresaka taminy izy roa mandra-pilazany teny farany nolazainy tamin'izy ireo : Manaraka ny finoan'i Abdol Mottalib, ny fivavahana amin'ny fanakambanana sy ny fanompoana sampy. Hoy ny Mpaminany (S.A.W) : “Hangataka famelan-keloka ho anao aho raha tsy mandrara ahy ny hanao izany ny Tompoko, teo dia nidina ny tenin'I Allah manao hoe: {Tsy anjaran'ny Mpaminany sy ireo mpino ny mangataka famelan-keloka ho an'ireo mpampitambatra (mpanompo sampy), na dia havany akaiky aza izy ireo, rehefa niseho tamin'izy ireo mazava tsara, fa olon'ny afobe izy ireny].(Taoba:113). Nidina momba an'i Abo Talib ny tenin'I Allah Tsitoha: {Tsy mitarika izay tianao ianao (ry Mohammad), fa Allah no mitari-dàlana izay tiany. Ary Izy no Mahafantatra indrindra ireo voatari-dàlana].(Kassas: 56), Tsy mitarika izay tianao hotarihina ianao, fa mampita ny hafatra no adidinao, fa Allah no mitarika izay tiany.

• Voarara ny mangataka famelan-keloka ho an’ireo mpivavaka amin’ny zavatra hafa, na inona na inona ny fihavan’izy ireo, na ny asany, soa vitany.
• Ny fakana tahaka ireo razambe, sy ny olobe amin'ny fomba diso dia anisa'ny asan'ireo olon'ny habadoana.
• Ny fahafenoan'ny fangoraham-pon'ny Mpaminany (S.A.W) sy ny fahavitrihany hiantso olona sy hanitsy azy ireo.
• Valin-kafatra ho an'izay mihevitra fa nanaraka ny finoana silamo i Abo Talib.
• Ny asa manan-kery dia ilay nataonao farany.
• Ny tsy manan-kery ny firaiketam-po amin'ny Mpaminany (S.A.W) sy ny hafa akoatrany mba hitondra soa na hiarovana amin'ny loza.
• Izay miteny hoe "Tsy misy tompo mendrika ho tompoina afa-tsy Allah" miaraka amin'ny fahalalana, fahatokisana ary finoana dia niditra tao amin'ny finoana silamo.
• Ny loza ateraky ny namana ratsy sy ny mpiara-belona ratsy amin'ny olombelona.
• Ny dikan'ny hoe "Tsy misy tompo mendrika ho tompoina afa-tsy Allah" : dia ny fialana amin'ny fanompoan-tsampy sy ny olo-masina ary ny olo-mendrika, ka manokana ny fanompoana ho an'I Allah irery ihany, ary ireo mpanompo sampy dia mahafantatra dikan'izany.
• Azo atao ny mitsidika marary mpanompo sampy raha antenaina ny hivadihany ho mpanaraka ny silamo.
• Ny fampahitsiana ho amin'ny fahombiazana dia eo am-pelatanan'I Allah irery ihany, tsy misy mpiombona Aminy amin'izany, fa ny Irak'I Allah dia fitarihana sy fanambarana sy fanoroana làlana ary ny fampitana fotsiny ihany.