Profeti (paqja qoftë mbi të!) shkoi te xhaxhai i tij në kohën që ai po jepte shpirt dhe i tha: “O xhaxhai im, thuaj “la ilahe il-lallah” që unë të dëshmoj për ty para Allahut për këtë fjalë!" Në këtë çast, Ebu Xhehli dhe Abdullah ibn ebi Umeje thanë: “O Ebu Talib, po e braktis fenë e babait tënd Abdulmutalibit?! (E cila konsistonte në adhurimin e idhujve.) Ata vazhduan t’i flisnin atij, derisa fjalët e tij të fundit që tha ishin se ai i qëndronte fesë së Abdulmutalibit, fesë së politeizmit dhe idhujtarisë. Profeti (paqja qoftë mbi të!) tha: “Unë do të kërkoj falje për ty përderisa Zoti im nuk më ndalon ta bëj." Sakaq, Allahu i Madhëruar shpalli: “Nuk i takon Profetit dhe atyre që kanë besuar që të kërkojnë falje për idhujtarët edhe nëse ata janë të afërm, kur u është bërë e qartë se ata janë nga banorët e Zjarrit.” (Teube,113) Lidhur me Ebu Talibin, u shpall: “Ti nuk udhëzon kë të duash, por Allahu është Ai që udhëzon kë të dojë. Ai e di më mirë se cilët janë të udhëzuarit.” (Kasas,56) Pra, ti nuk e udhëzon dot atë që ti do që të udhëzohet. Ti ke për detyrë vetëm të kumtosh. Allahu është Ai që udhëzon kë të dojë.

• Ndalimi i kërkimit të faljes për politeistët, edhe pse janë të afërt, e edhe pse kanë bërë punë të mira dhe bamirësi.
• Imitimi i etërve dhe i prijësve në çështjet e pavërteta është pjesë e veprimeve të njerëzve të epokës paraislame.
• Keqardhja dhe zelli i madh i Profetit (paqja qoftë mbi të!) në thirrjen e njerëzve dhe në udhëzimin e tyre.
• Kundërpërgjigje ndaj atyre që pretendojnë se Ebu Talibi ishte musliman.
• Veprat gjykohen sipas përfundimit.
• Pavërtetësia e të lidhurit me Profetin (paqja qoftë mbi të!) për të sjellë dobi apo për të larguar dëmin.
• Ai njeri që thotë “la ilahe il-lallah” me dije, bindje dhe besim, futet në fenë islame.
• Dëmet që i sjellin njeriut shokët e këqij e të ligj.
• Domethënia e “la ilahe il-lallah” është që njeriu të braktisë adhurimin e idhujve, eulijave dhe njerëzve të mirë dhe ta veçojë Allahun në adhurim, gjë të cilën edhe idhujtarët e dinë.
• Lejimi i vizitës së të sëmurit politeist, kur shpresohet që ai të pranojë Islamin.
• Udhëzimi i pranimit është në dorën e Allahut i të Vetmit pa ortak. Ndërsa Profeti (paqja qoftë mbi të!) ka për detyrë vetëm udhëzimin e udhërrëfimit, orientimit dhe kumtimit.

1. Ballina
2. Shkencat e Kuranit fisnik
3. Tefsiri i Kuranit
4. Hadithi

1. Ballina
2. Daveti - thirrja në fe
3. Thirrja drejt Allahut (daveti)
4. Hadithi

• Unë jam Dimam ibn Thalebe nga fisi i Sad ibn Bekrit