Пайгамбарыбыз (ага Аллахтын тынчтыгы жана мактоосу болсун) атасы менен бир тууган агасы Абу Талиб жан берерде анын жанына кирип, ага мындай деди: Ага, "Лаа илааха иллаллоху" деңиз, Аллахтын алдында ушул сөзүңө сага күбө өтөм. Абу Жахил менен Абдуллах бин Абу Умая экөөсү: Эй, Абу Талиб, атаң Абдулмутталибдин динин чанып кетесиңби?! - дешти. Анын дини буттарга сыйынуу дини болчу. Ошентип экөө улам кайталап айтып жатып, акырында Абу Талибдин соңку сөзү: Мен Абдулмутталибдин дининдемин деген сөз болду. Ширк жана буттарга сыйынуу дининде (калды). Пайгамбарыбыз (ага Аллахтын тынчтыгы жана мактоосу болсун): Сага кечирим тилеп дуба кылам, Аллах мени мындан тыйганча - деди. Ошондо Аллах Таала бул аятты түшүрдү: "Пайгамбарга да, ыймандуу пенделерге да, мушриктер алардын тууганы болсо деле, алар тозоктун тургундары экени маалым болгондон кийин, аларга кечирим тилөө мүмкүн эмес" (Тобо, 113-аят). Абу Талиб жөнүндө Аллах Тааланын төмөнкү сөздөрү түшкөн: "Чынында, сен өзүң каалаган адамды туура жолго сала албайсың. Бирок Аллах гана кимди кааласа туура жолго салат. Ал туура жолго түшүүчүлөрдү билүүчү" (Касас, 56-аят). Сен туура жолго түшүүсүн самаган адамыңды туура жолго сала албайсың, сенин милдетиң жеткирүү гана. Аллах кимди кааласа аны туура жолго салат.

• Алардын туугандыгы, амалдары жана жакшылык иштери канчалык көп болбосун, баары бир мушриктерге кечирим тилөө тыюу салынган арам иш.
• Ата-бабасынын, аттуу баштуу адамдардын түркөй ишенимдерин берилип ээрчүү - Исламга чейинки жахилият доорундагы адамдардын иштеринен.
• Пайгамбардын (ага Аллахтын тынчтыгы жана мактоосу болсун) мээримдүүлүгү жана адамдарды үгүттөп, аларды туура жолго салууга болгон ынтызарлыгы.
• Бул хадис Абу Талиб Исламды кабыл алган дегендердин сөзүн жокко чыгарат.
• Амалдардын жыйынтыгы эң акыркысына каралат.
• Пайгамбарга (ага Аллахтын тынчтыгы жана мактоосу болсун) жана башкаларга пайда алып келет, же зыянды кетирет - деп байлануунун туура эмес экендигин көрсөтөт.
• Ким: "Лаа илааха иллаллооху" (Аллахтан башка ибадатка ылайыктуу кудай жок) деп, илими жана ишеними менен чын жүрөктөн айтса, ал Исламга кирет.
• Жаман жана бузуку достун адамга тийгизген зыяны.
• "Лаа илааха иллаллох" келмесинин мааниси: буттарга, олуяларга, саалихтерге сыйынууну таштап, ибдатты жалгыз Аллахка гана арноо. Чынында, мушриктер мунун маанисин жакшы билишкен.
• Эгерде Исламга киришин үмүт кылса, ооруп жаткан мушрик адамды зыярат кылууга болот.
• Бирөөнү туура жолго салуу эч шериги жок Жалгыз Аллахтын колундагы иш. Ал эми Аллахтын элчисинин (ага Аллахтын тынчтыгы жана мактоосу болсун) милдети туура жолго багыттоо, чакыруу жана жеткирүү гана.

1. home
2. Ыйык Куран жана анын илимдери
3. Курандын тапсири (чечмеленүүсү)
4. hadith

1. home
2. Чакыруу жана үгүттөө
3. Аллхка чакыруу
4. hadith