پێغەمبەر -صلى اللە علیە وسلم- بۆمانی ڕووندەکاتەوە کە هەندێک شت کردنیان شیرکە، لەوانەش: یەکەم: (روقیەکان - الرقى): هەندێك وتەن ماناكانی نازانرێت كه شیرک یان ناوی شەیتانەكان وهاوشێوەی ئەمانەى تێدایە وساحیرەكان بەکاریدەهێنن ؛ ولە جاهیلیەتدا بۆ شیفاوەرگرتن بەکاردەهێنرا. دووەم: (تەمیمەکان - التمائم): لە موروو وشتی تر دروستدەکرێت دەکرێتە ملی مرۆڤ و ئاژەڵەوە یان هەڵدەواسرێت، یان کاغەزێکە نووسراوه ودەپێچرێتە ناو شتێك كه پێیان وایه له چاوی پیس وشتی خراپ دەیانپارێزێت. سێیەم: (تیوەلەکان - التولة): زۆرجار ساحیرەكان دەیکەن بۆ ئەوەی دووكەس یەكیان خۆش بوێت. ئەم شتانە شیرکە؛ چونکە شتێک کراوە بە هۆکار، لەکاتێدا هۆکارێکی شەرعی نییە بە بەڵگەوە سەلمێنرا بێت، وهۆکارێکی هەستپێکراو نەبێت کە بەتاقیکردنەوە سەلمێنرا بێت. بەڵام هۆکارە شەرعیەکان وەکو خوێندنی قورئان، یان هۆکارە هەستپێکراوەکان وەکو دەرمانەکان کە بەتاقیکردنەوە سەلمێنراون، ئەمانە ڕێگەپێدراون ؛ لەگەڵ باوەڕبوون بەوەى تەنها هۆکارن، وسوود وزیان هەمووی بەدەستی الله یە.

• پاراستنی تەوحید وبیروباوەڕ لەو شتانەى تووشی کەموکورتی دەکەن.
• حەرامبوونی بەکارهێنانى روقیەی شیرکی وتەمیمە وتیوەلە.
• مرۆڤ ئەگەر باوەڕی وابێت ئەم سێیە تەنها هۆکارن: ئەوا ئەمە شیرکی بچووکە؛ چونکە شتێکی کردووە بەهۆکار کە لەڕاستیدا هۆکار نییە، بەڵام ئەگەر باوەڕی وابێت خودی خۆیان سوود وزیان دەگەیەنن؛ ئەمە شیرکی گەورەیە.
• هۆشداری لە کردنی هۆکارە شیرکیە حەرامکراوەکان.
• حەرامبوونی روقیەکان وشیرکن مەگەر ئەوانەیان نەبێت کە ڕێگەپێدراوە لە شەریعەتدا.
• دەبێت بەندە دڵی تەنها پەیوەست بێت بە الله، سوود وزیان لەلایەن خودای تاکی بێ هاوبەش وبێ هاوتاوە دێت بەپێی حیکمەتی خۆی -سبحانه وتعالى-، تەنها خواى گەورە خێر دەهێنێت وتەنها ئەویش شەڕ وزیان لە بەندە دوور دەخاتەوە.
• ئەو ڕوقیەی ڕێگەپێدراوە دەبێت سێ مەرجی تێدا بێت: 1- دەبێت باوەڕ وابێت تەنها هۆکارە وسوودی نابێت مەگەر پاش ئیزنی الله -سبحانه وتعالى-. 2- دەبێت بەقورئان وناوەکانى الله وسیفەتەکانی ونزا ڕێگەپێدراوەکان بێت. 3- دەبێت بە زمانێک بێت مرۆڤ لێی تێبگات وهیچ تەڵسیم وجادووی تێدا نەبێت.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. پزیشکی وچارەسەر بە دەرمان وڕوقیەی شەرعی
4. روقیەی شەرعی -خوێندنەوەی شەرعی-
5. فەرموودە

• بِسْمِ الله أرْقِيكَ، مِنْ كُلِّ شَيْءٍ يُؤْذِيكَ، مِنْ شَرِّ كُلِّ نَفْسٍ أَوْ عَيْنِ حَاسِد، اللهُ يَشْفِيك، بِسمِ اللهِ أُرقِيك...
• پێغەمبەری خودا -صلى اللە علیە وسلم- پەنای بە خودا دەگرت لە جنۆکەکان، وچاولێدانی مرۆڤەکان
• لە لای سەعیدی کوڕی جوبەیر بووم، ووتی: کام لە ئێوە دوێنی ئەو ئەستێرەی بینی کە شیهابێکی لێوە کەوتە خوارەوە؟ ووتم: من، پاشان ووتم: من لە ناو نوێژدا نەبووم، بەڵام پێمەوە درا...
• دەستت لەسەر ئەو شوێنەى لاشەت دابنێ کە ئازاری هەیە، وبڵێ: (بسم الله)^ سێ جار، پاشان حەوت جار بڵێ: (أَعُوذُ بِاللهِ وَقُدْرَتِهِ مِنْ شَرِّ مَا أَجِدُ وَأُحَاذِرُ)...