Инҷо Паёмбар (Салому дуруди Аллоҳ бар ӯ бод) дар мавриди илоҷ ва дармони судманд бар саволҳои васвасаомези шайтон бар муъмин огаҳ сохтааст. Шайтон мегӯяд: кӣ инро офаридааст? Кӣ он чизро офаридааст? Осмонро кӣ офарид? Заминро кӣ офарид? Мӯъмини ростин мегӯяд: Аллоҳ онҳоро офаридааст. Аммо Шайтон бо ин ҳама иктифо накарда бо пурсишҳои васвасаомезаш идома дода мегӯяд: Худои туро кӣ офаридааст? Барои мӯъминон се роҳӣ дурӣ ҷустан аз васвасаҳо вуҷӯд дорад, ки иборатанд аз: - Имон ба Худо. - Паноҳ бурдан ба Худованд аз Шайтон. - Худдорӣ аз андешидан дар мавриди васвасаҳои шайтонӣ.

• Худдорӣ аз васвасаҳои шайтонӣ ва наандешидан дар мавриди онҳо, ва рӯй овардан ба Худованди Мутаъол барои рафъи онҳо.
• Тамоми васваса ва андешаҳои мухолиф бо шаръ, ки дар дили инсон пайдо мешавад, аз ҷониби Шайтон аст.
• Худдорӣ аз андешидан дар зоти Худованд ва ташвиқ бар андешидан ва тадаббур дар мавриди офариниш ва нишонаҳои Ӯ Таъоло.