Abuu Hurayra waxuu wariyey-Allaha ka raalli ahaadee-qeyb ka mida sifooyinkii/qaabkii salaadda Nabiga -naxariis iyo nabadi korkiiye-waxuuna ka warramay inuu Nabigu markuu salaadda isku taago takbiiratul-ixraamka ku bilaabi, haddana uu takbiiran jiray markuu rukuucayo, markuu sujuudayo, markuu sujuudda ka toosayo, markuu sujuudda labaad sujuudayo, markuu kasoo toosayo sujuudda labaad, markuu ka kacayo fadhiga labada rakcadood ee hore, salaadaha maqribka iyo kuwa afarlayda ah, sidaabuuna samayn jiray salaadda oo dhan, ilaa uu gudanaayo salaadda, marka uu rukuucda ka toosayana waxuu dhihi jiray: samicallahu liman xamidah (Alle wuu maqlaa midka ku xamdiya, haddana waxuu dhahayey isagoo taagan: Rabbanaa lakal-xamdu (Rabbigayoow aday mahadi kuu sugnaatay). Ka dib wuxuu oronayey Abuu Hureyra markuu salaada ka baxay: Allaha naftaydu gacantiisa ku jirtaan ku dhaartee, salaadaydaa ugu ekaansho badan salaadii Rasuulka scw sidaa ayey ahayd sifada salaaddiisu ilaa uu dunida ka tagay.

• Waa la takbiirsan markastoo hoos loo dhaadhacayo ama kor loo soo kacayo marka laga reebo ka soo kicida rukuuca oo uu oronaayo: samica Allaahu liman xamidah.
• Asaxaabtu waxay ku dadaalayeen ku dayashada Nabiga scw iyo ilaalinta sunadiisa.