Nabiyaamã, Wẽnd pʋʋsg la A tɩlgr be a yĩnga, kõo kibare, a Abdʋllaah ɭbn Gʋd’aan yelle, a ra yɩɩme, n yaa korays zu-soab-rãmb a yembre, taoor tɩ lɩslaang na n ka wa ye, La sẽn da be a tʋʋm sõmbsã pʋgẽ, a ra yɩɩme, n tõkd rogem, la a manegd-ba, la a rɩlgd nimbãan-neba, la zẽng sẽn ka yɩ ne rẽnda, sẽn yaa tʋʋm sõmbs nins lɩslaangã sẽn pirs tɩ b maan-ba, Nabiyaamã kõo kibare tɩ tʋʋm-kãensã, ka na n tol n naf-a Laahr raare, la rẽ yaa a kɩflemã sabab yĩnga, bala a ka tol n yeel baa raar a yembre : “m Soab a Wẽnde! Yaaf maam, m tʋʋm tuuti wã, Dĩinã rolb raare”.

• Hadiisã wilgda lɩɩmaang yɩɩdlem, la lɩɩmaangã la sart tɩ b reeg Adam Biig tʋʋm (sõmbse).
• A leb n wilgda kɩfẽnd wẽng sẽn ta zĩig ninga, la ad kɩfẽndã, a lubda Adam Biig tʋʋm sõma.
• Wilgdame tɩ kɩfr-rãmbã tʋʋm sõmbsã ka nafd-b laarh raar ye, b sẽn ka kõ sɩd ne Wẽndã la yaoolem raarã yĩnga.
• Wilgdame tɩ ninsaal tʋʋma, a kɩfẽndã sasa wã, b gʋlsdame yel-sõmde n kõ-a t’a sã n tuubi, la b rol-a a keoore.