sabu o feerah wiide: Joom am yaafo mi goopi am ɗi ñande ñalngu njoɓdi

Ittaama e Aysta yo Alla wele mbo:( yo allah yardo he makko) Mbii mi: Aan Nelaaɗo, Ibnu Jad'aan hombo jokkatno enɗam e saanga jaahiliya(ko adii islaam), o yammina miskiin, mbela ɗuum ina nafa mbo? o maaki:" nafataa mbo, sabu o feerah wiide: Joom am yaafo mi goopi am ɗi ñande ñalngu njoɓdi".
Sahih/Authentic. - Muslim

Nelaaɗo habri Abu Abdullaahi Ibnu Jad'aan, ko e mawɓe Quraysi en o wonno ado islaam. Ina e golle makko moƴƴe: Hombo jokkatno enɗam o moƴƴa e ɓadiiɓe mbo, o ñammina miskiin, e ko jiidah e ɗum e ɓure ɗe islaam hirjini yoɗe ngolle, ɗe golle nafataa mbo e laakara mum; sabu ko o yedduno Alla ko, e kadi o feerah wiide hay gootol, Joom am yaafo mi bakkatuuji am ñande ñalngu njoɓdi.

  1. Hollirde ɓural gooŋɗingol, e wonde ko ɗum sarɗi jaɓaneede golle.
  2. Hollirde kiite keefeeru, e wonde ko ɗum bonnat ɗum golle moƴƴe.
  3. Heeferɓe golle maɓɓe nafataaɓe ñande darngo sabu waasde ɓe gooŋɗinde Alla e ñalngu cakkatiingu.
  4. Golle neɗɗo saanga keefeeru ina mbinndanee mbo si o jebbaliima, o yoɓee ɗe.

Nuldaama e jam!