پێغەمبەر -صلى اللە علیە وسلم- پرسیاری لە هاوەڵانی كرد: ئایا دەتانەوێت پێتان بڵێم وبزانن كامەیە چاكترین وڕێزدارترین وپیرۆزترین وپاكترین كردەوەتان لەلای الله (المالك:ئەلمالیك:خاوەنداری هەموو شتێك) -عز وجل-؟ وزیاتر لە هەموو كردەوەكانی تر پلەتان بەرز دەكاتەوە لە بەهەشتدا؟ وباشترە بۆتان لەوەی خێر بكەن بە ئاڵتون وزیو؟ وخێرترە بۆتان لەوەی بگەن بە كافرەكان لەكاتی جەنگدا، ئێوە لە گەردنیان بدەن، وئەوانیش لە گەردنی ئێوە بدەن؟ هاوەڵان ووتیان: بەڵێ، دەمانەوێت پێمان بڵێی. پێغەمبەر -صلى اللە علیە وسلم- فەرمووی: یاد كردنی خوای گەورە لە هەموو كات وحاڵەتێكدا.

• بەردەوام بوون لەسەر یادی خواى گەورە بە ڕووکەش ولە ناخەوە لە گەورەترین هۆکارەکانى نزیکبوونەوەیە لە پەروەردگار، ولە بەسوودترینیانە لە لای خواى گەورە -سبحانه وتعالى-.
• هەموو کردەوەکان لە شەریعەتدا دانراون بۆ یادکردنی خواى گەورە، خوای گەورە دەفەرموێت: ﴿وَأَقِمِ الصَّلَاةَ لِذِكْرِي﴾ واتە: ﴿ونوێژەكانت ئەنجام بدە بۆ یادكردنی من﴾. وپێغەمبەر -صلى اللە علیە وسلم- دەفەرموێت: «تەواف كردن بە دەوری -كەعبە- وهاتن وچوون لەنێوان سەفا ومەروە ڕەجم کردنی جەمەڕات ؛ دانراوە بۆئەوەی یادی خوای گەورە بكرێت». [رواه أبو داود والترمذي]
• عزی كوڕی عبدالسلام لە (قواعد الأحكام) دەڵێت: ئەم فەرموودەیە بەڵگەیە لەسەر ئەوەی پاداشت پەیوەست نییە بە ماندووبوون لە پەرستنەكاندا ؛ بەڵكو لەوەیە خوای گەورە پاداشت بداتەوە لەسەر كردەوەیەكی كەم زیاتر لەسەر كردەوەیەكی زۆر، بۆیە پاداشت دەگۆڕێت بەپێی پلە وڕێزداری كردەوەكە.
• مەناوی لە (فيض القدير) دەڵێت: ئەم فەرموودەیە دەبێت وا لێی تێ بگەین زیكر كردن باشترینە بۆ ئەوەی ئامۆژگاری دەكرێت، بەڵام ئەگەر ئامۆژگاری كەسی ئازا وقارەمان بكرێت كە سوودی هەیە بۆ ئیسلام لە جەنگدا ؛ ئەوا ڕێنموێنی دەكرێت بە جیهاد كردن، یان دەوڵەمەند كە سوود بە هەژارەكان دەگەیەنێت بە سامانەكەی ؛ ئەوا ڕێنموێنی دەكرێت بە خێركردن، وئەوەی توانای حەجكردنی هەیە ؛ ڕێنموێنی دەكرێت بە ئەنجامدانی حەج، یان ئەوەی دایك وباوكی هەیە ؛ ڕێنموێنی دەكرێت بە چاكەكار بوون لەگەڵیان، بەم شێوەیە گێڕانەوەكان دەگونجێن وبە شێوەیەكی دروست لێیان تێدەگەین.
• باشترین زیكر ئەوەیە كە بە دڵ بووترێت ودڵیش بیری لێبكاتەوە، پاشان ئەوەی تەنها بە دڵ دەكرێت ؛ وەكو بیركردنەوە، پاشان ئەو زیكرەی تەنها بە زمان دەكرێت، وهەمووی پاداشتی تێدایە بە ویستی خوای گەورە -سبحانه وتعالی-.
• پابەندبوونی مسوڵمان بە زیكری حاڵەتەكان وەكو زیكری بەیانیان وئێواران، وزیكری چوونە مزگەوت وماڵ، وچوونە سەرئاو ودەرچوون لێی.. وهتد ؛ ئەمە دەبێتە هۆی ئەوەی مسوڵمان لەو كەسانە بێت كە زۆر یادی خوای گەورە دەكەن، ولە قورئانی پیرۆزدا باسكراون وپاداشتی گەورەیان بۆ دانراوە.

1. سه‌ره‌كی
2. فەزڵەکان وئادابەکان
3. فەزڵەکان
4. فەزڵی زیکر کردن
5. فەرموودە

• من ئێوەم سوێند نەدا بۆ ڕەواندنەوەی تۆمەتێک لەسەرتان، بەڵام جبریل پێمی ڕاگەیاند کە خودای گەورە شانازی بە ئێوەوە دەکات لە لای فریشتەکان...
• هەرکەسانێک لە دانیشتنێکدا دابنیشن ولەو شوێنەدا یادی خودا نەکەن، ئەوا وەکو ئەوە وایە لەسەر سفرەی لاکی گوێدرێژی تۆپیو هەستا بن، و (لە ڕۆژی قیامەتدا) پەشیمانی وحەسرەت بۆ ئەوانە...
• ئایا پێت بڵێم خۆشەویستترین وتە چییە لای خواى گەورە؟ بە دڵنیاییەوە خۆشەویستترین وتە لای خواى گەورە بریتیە لە: ( سبحان الله وبحمدە )
• ئەوە شەیتانێکە پێی دەووترێت خینزەب، ئەگەر هەستت پێ کرد پەنا بە خواى گەورە بگرە لێی، وسێ جار تف بکە بە لای چەپتدا