هەندێك لە هاوەڵە هەژارەكان سكاڵای حاڵ وهەژاری خۆیان هێنا بۆ لای پێغەمبەر -صلى اللە علیە وسلم-؛ بەوەی كە ناتوانن خێر بكەن بە پارە وسامان بۆ بەدەستهێنانی پاداشتی زۆر هەروەكو چۆن براكانیان لە خاوەن پارە وسامانی زۆر دەیكەن، هەروەها بۆئەوەی وەكو ئەوان خێر ئەنجام بدەن، لەهەمان كاتدا نوێژ دەكەن وەكو ئێمە، وڕۆژوو دەگرن وەكو ئێمە، بەڵام ئەو پارە وسامانەی زیادە لە پێویستیان؛ دەیكەن بە خێر و ئێمە ناتوانین خێر بکەین! پێغەمبەر -صلى اللە علیە وسلم- ڕێنیشاندەریان بوو بۆ چەند كردەوەیەك كە دەتوانن لە ڕێگایانەوە خێر بەدەست بهێنن، فەرمووی: ئایا خوای گەورە هەندێك شتی دانەناوە كە بتوانن لە ڕێگایانەوە خێر بەدەست بهێنن بۆ خۆتان؟! كاتێك دەڵێن: (سبحان الله)؛ پاداشتی خێركردنێكتان دەستدەكەوێت، هەروەها كاتێك دەڵێن: (الحمد لله)؛ ئەمە خێرە، وكاتێك دەڵێن: (لا إله إلا الله)؛ ئەمیش خێرە، و(فەرمان بە چاكە) خێرە، و(نەهی لە خراپە) خێرە، تەنانەت كاتێك یەكێكتان جووت دەبێت لەگەڵ خێزانەكەی؛ ئەمیش خێرە. پێیان سەیر بوو، ووتیان: ئەی پێغەمبەری خودا، ئەگەر یەكێك لە ئێمە ئارەزووەكەی دابمركێنێتەوە خێری دەستدەكەوێت؟! فەرمووی: ئەگەر لە حەرامدا وەكو لە زینا وشتی تر؛ ئازەووەكەی دابمركێنێتەوە، ئایا تاوانی لەسەر نانووسرێت؟ بەهەمان شێوە ئەگەر لە حەڵاڵدا دایبمركێنێتەوە؛ ئەوا پاداشتی بۆ دەنووسرێـت.

• کێبڕکێی هاوەڵان بۆ ئەنجامدانى کردەوە چاکەکان، و بەپەرۆشیان لەسەر بەدەستهێنانى پاداشت وفەزڵی مەزن لە لایەن خواى گەورەوە -سبحانه وتعالى-.
• زۆری شێواز وجۆری کردەوە خێر وچاکەکان، وهەموو كردەوەیەك دەگرێتەوە كە مسوڵمان ئەنجامی دەدات بە نیەتێكی چاك ومەبەستێكی باشەوە.
• ئاسانی وسادەیی ئاینی ئیسلام، چونکە هەموو مسوڵمانێک دەتوانێت هەندێک کردەوە ئەنجام بدات کە بەهۆیەوە گوێڕایەڵی پەروەردگاری دەبێت ودەیپەرستێت.
• نەوەوی دەڵێت: ئەمە بەڵگەیە لەسەر ئەوەی شتە ڕێگەپێدراوەكان -حەڵاڵەكان- دەبنە گوێڕایەڵی وپەرستن ئەگەر نیەتی ڕاستگۆی لەگەڵدا بێت، جووتبوون دەبێتە پەرستن ئەگەر نیەتی جێبەجێكردنی مافی هاوسەرەكەی ومامەڵە كردن بێت بە چاكە بەو شێوەیەی الله فەرمانی پێكردووە -سبحانه وتعالی-، یان مەبەستی ئەوە بێت منداڵێكی چاكی هەبێت، یان بۆ پاراستنی داوێنی خۆی وخێزانەكەی بێت وبۆ پاراستنی چاوی هەردووكیان لە سەیركردنی حەرامكراو یان بیركردنەوە لێی یان ئارەزوو پێكردنی، یان مەبەستی تر لە مەبەستە چاكەكان.
• هێنانەوەی نمونەكان وپێواندن (چواندن:قیاس)؛ بۆئەوەی بابەتەكە ڕوون بێتەوە وكاریگەری بەهێزتر بێت لەسەر بیسەر.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. زەکات
5. خێرکردنی سونەت (خۆبەخش)
6. فەرموودە

1. سه‌ره‌كی
2. فەزڵەکان وئادابەکان
3. فەزڵەکان
4. فەزڵی زیکر کردن
5. فەرموودە

• خێرکردن لە سامان کەم ناکاتەوە، وبەندە بە لێخۆشبوون لە خەڵکی پەروەردگار شکۆدارتری دەکات، وئەوەى لەبەر الله سادە بێت،^ ئەوا خوای گەورە بەرزی دەکاتەوە...
• ئەوەی بڵێت: (لَا إلَهَ إلَّا اللَّهُ وَحْدَهُ لَا شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ)^ دە جار، وەکو ئەوەیە وایە چوار نەفسی ڕزگار کردبێت لە نەوەکانی ئیسماعیل...
• هەركەسێك بڵێت: (لاَ إِلَهَ إِلَّا اللَّهُ، وَحْدَهُ لاَ شَرِيكَ لَهُ، لَهُ المُلْكُ وَلَهُ الحَمْدُ، وَهُوَ عَلَى كُلِّ شَيْءٍ قَدِيرٌ)^، لە ڕۆژێكدا سەد جار...
• ئەوە شەیتانێکە پێی دەووترێت خینزەب، ئەگەر هەستت پێ کرد پەنا بە خواى گەورە بگرە لێی، وسێ جار تف بکە بە لای چەپتدا