አንዳንድ ድሃ ሶሐቦች ያሉበትን ሁኔታና ድህነታቸውን፣ ብዙ ገንዘብ ያላቸው ወንድሞቻቸው ሶደቃ በመስጠት ብዙ ምንዳ እንዳገኙት እነርሱ ግን በድህነታቸው ምክንያት ይህን ብዙ ምንዳ ለማግኘት ሶደቃ መስጠት እንዳልቻሉና እንደነርሱ ብዙ መልካም ምንዳ የሚያገኙበትን መፍትሄ ፍለጋ ለነቢዩ (የአላህ ሰላትና ሰላም በእርሳቸው ላይ ይስፈንና) ስሞታ አቀረቡ፡ ሀብታሞቹ እንደምንሰግደው ይሰግዳሉ፤ እንደምንጾመውም ይጾማሉ፤ ሀብታሞች በትርፍ ገንዘቦቻቸው ምፅዋት ሲሰጡ እኛ ግን ምፅዋት አንሰጥም። ነቢዩም (የአላህ ሰላትና ሰላም በእርሳቸው ላይ ይስፈንና) ሊያደርጉት የሚችሉትን ሶደቃ በመጠቆም እንዲህ አሏቸው: "በራሳቹ ላይ የምትመፀውቱትን ነገር አላህ አላደረገላችሁምን? (ሱብሓነሏህ/ ጥራት ለአላህ የተገባው ነው) በማለታችሁ ለናንተ የሶደቃ ምንዳ ያስገኝላችኋል፤ ልክ እንደዚሁ (አሏሁ አክበር/ አላህ ታላቅ ነው) ማለታችሁም ሶደቃ ነው፤ (አልሐምዱሊላህ/ ምስጋና ሁሉ ለአላህ የተገባ ነው) ማለታችሁም ሶደቃ ነው፤ (ላኢላሃ ኢለሏህ/ ከአላህ በስተቀር በእውነት የሚመለክ አምላክ የለም) ማለታችሁም ሶደቃ ነው፤ በመልካም ማዘዝ ሶደቃ ነው፤ ከመጥፎ መከልከል ሶደቃ ነው፤ ከዚህም በላይ ሚስታችሁን መገናኘታችሁ ራሱ ሶደቃ ነው።" ሶሐቦችም ተገርመው "የአላህ መልክተኛ ሆይ! አንዳችን ስሜቱን ስላስደሰተ በርሷ ምንዳ ይኖረዋልን?" አሉ። እርሳቸውም "ንገሩኝ እስኪ ብልቱን ዝሙት ላይ ወይም ከዛ ውጪ በሆነ ክልክል ቦታ ላይ ቢያኖራት በርሱ ላይ ወንጀለኝነት አይኖርበትምን? ልክ እንደዚሁ የሚፈቀድለት ቦታ ላይ ካኖራት ደሞ ምንዳ ይኖረዋል።" አሉ።

• ሶሐቦች በመልካም ተግባር ላይ ያላቸው እሽቅድድምና ትልቅ ምንዳን ለማግኘትና አላህ ዘንድ ያለውን ትሩፋት ለማግኘት ጥረት እንደሚያደርጉ እንረዳለን።
• የመልካም ተግባራት መንገዶች ብዙ እንደሆኑና አንድ ሙስሊም በመልካም ኒያና በጥሩ አላማ የሚሰራውን ስራ ሁሉ እንደሚያካትት እንረዳለን።
• የእስልምና ገርነትና ቀላልነትን እንረዳለን። ሁሉም ሙስሊም አላህን ለመገዛት አስቦ የሚሰራውን ስራ እንደየራሱ አለለት።
• ነወዊይ እንዲህ ብለዋል: "ይህ ሐዲሥ የሚፈቀዱ ነገሮች እውነተኛ ኒያ ተነይቶባቸው ከተሰሩ አምልኮ እንደሚሆኑ ማስረጃ ይሆናል። ግንኙነት ማድረግ የሚስትን ሐቅ ለመወጣት፤ አላህ ባዘዘው መልኩ በመልካም መኗኗር ተነይቶበት ወይም መልካም ልጅ ተፈልጎበት ወይም ነፍሱን ከዝሙት ለማቀብ ብሎ ወይም ሚስቱን ከዝሙት ለማቀብ ብሎና ወደ ሐራም ከመመልከት ወይም ስለርሱ ከማሰብ ወይም ስለርሱ ከማብሰልሰል ለመታቀብ ብሎ ወይም ከዚህ ውጪ ላሉ መልካም አላማዎች ነይቶበት ከሆነ የሚያደርገው አምልኮ ይሆንለታል።"
• ሰሚው ነፍስ ውስጥ ዘልቆ እንዲገባና ግልፅ እንዲሆን ምሳሌና ቂያስን ማድረግ እንደሚገባ እንረዳለን።

1. ዋና ገፅ
2. ፊቅህና የፊቂህ መርሆዎች
3. የአምልኮ ፊቂህ
4. ዘካ
5. የፈቃደኝነት ምፅዋት (ሶደቃ)
6. ሓዲሥ

1. ዋና ገፅ
2. ትርፍ ተግባራትና ስነ-ስርዓት
3. ደረጃ ያላቸው ስራዎች
4. የዚክር ትሩፋቶች
5. ሓዲሥ

• ምላስህ አላህን በማውሳት ከመርጠብ አይወገድ።
• የሥራ ዓይነቶች ስድስት ሲሆኑ፤ የሰው ዓይነቶች ደግሞ አራት ናቸው። (የሥራ ዓይነቶች) ሁለቱ (ጀነትና እሳትን) የሚያስከትሉ፣ አምሳያን በአምሳያው የሚያስመነዱ፣ በአስር ተባዝታ የምታስመነዳ መልካም ሥራ፣ በሰባት መቶ ተባዝታ የምታስመነዳ መልካም ሥራ ናቸው።...
• ጠርጥሬያችሁ አይደለም ያስማልኳችሁ። ነገር ግን ጂብሪል መጥቶ አላህ በናንተ መላእክትን እንደሚፎካከር ስለነገረኝ ነው።› አሉ።
• አስር ጊዜ 'ላ ኢላሃ ኢለሏህ ወሕደሁ ላ ሸሪከ ለህ ፤ ለሁል ሙልኩ ወለሁል ሐምዱ ወሁወ ዓላ ኩሊ ሸይኢን ቀዲር' ያለ ሰው