Кээ бир колу жука сахабалар өздөрүнүн жардылыгын, башка бай сахабалар сыяктуу садага берип, сооп топтоого чамалары жоктугун айтып даттанат. Алар деле биздей намаз окуп, орозо кармап, бирок байлыгынан садага да берип жатышат. Биз болсо садага бере албайбыз дешет. Ошондо пайгамбарыбыз (ага Аллахтын тынчтыгы жана мактоосу болсун) аларга садаганын сообундай эле сооптуу иштерди айтат: Аллах Таала силерге деле өзүңөр үчүн бере турган садагаларды бербедиби? Мисалы, "субхан Аллах" деп айтсаңар, силерге садага бергендин сообу болот. Ошондой эле "Аллаху акбар", "Алхамду лиллах", "Лаа илааха иллаллах" деп айтканыңар садага. Жакшылыкка чакырып, жаманыктан тыйганыңар садага. Ал эмес аялыңар менен кошулганыңар да садага. Сахабалар таң калышып: "Оо, Аллахтын элчиси, бирөөбүз өз кумарын кандыруу үчүн аялына кошулса, ошого да сооп жазылабы?" - деп сурашат. Пайгамбарыбыз: "Эгерде ушул ишти зына, же башка бир арам жол менен кылса күнөө жазылат беле? Эми аны адал жол менен кылса, ага сооп жазылат" - деди.

• Сахабалар жакшы иштерди кылууда жарышкан. Аллахтан көбүрөөк сооп алууга кызыгып, аракет кылышкан.
• Жакшы иштердин түрү көп. Таза ниет, жакшы максат менен аткарылган иштин баары жакшы, сооптуу иштер болуп эсептелет.
• Ислам дини жеңил, оңой. Ар бир мусулман өзүнүн колунан келе турган амалды таба алат.
• Имам Навави мындай деген: Бул хадис мубах иштер жакшы ниеттин негизинде ибадатка айланарына далил. Аялга кошулуу жубайынын акысын берүүнү, Аллах буйруган жакшы мамилени аткарууну, ыймандуу балалуу болууну, өзүн жана аялын арам иштен, арамга кароодон, арамды пикир кылуудан тосууну, же дагы бир башка жакшылыкты ниет кылса, бул да ибадат болуп эсептелет.
• Салыштырып, окшотуу менен мисал кылуу уккан адамга ары түшүнүктүү, ары жеткиликтүү болот.

1. home
2. Фыкх жана анын усулдары
3. Ибадаттардын илими
4. Зекет
5. Напил садагалар
6. hadith

1. home
2. Артыкчылыктар жана адептер
3. Артыкчылыктар
4. Зикир кылуунун артыкчылыктары
5. hadith

• Силерден кимиңер болбосун, жакында Аллах Таала аны менен котормочусуз сүйлөшөт
• Эгер силер азанчыны уксаңар анын айтканын айткыла, андан соң мага салават айткыла. Анткени ким мага бир салават айтса, анда Аллах ал себептен ага он салават айтат. Андан кийин мага Аллахтан васила (10) сурагыла. Анткени ал васила бейиштеги ...
• Алты иш-аракет, төрт түрдүү адам жана эки сөзсүз боло турган иш бар. Ал эми ар бир жакшылык он эседен жети жүз эсеге чейин көбөйтүлүп берилет. Сөзсүз түрдө боло турган эки иш - ал кимде-ким Аллахка ширк кылбай өлсө, анда ал бейишке кирет. А...
• Тилиң ар дайым Аллахты зикир кылуу менен нымдалып турсун