بعض نادار صحابہ نے اللہ کے رسول ﷺ کے سامنے اپنی تنگ دستی، غربت اور اپنے اہل ثروت بھائیوں کی طرح مال صدقہ کرکے بڑا اجر و ثواب حاصل نہ کر پانے اور نیکی کے کاموں میں ان کے پہلو میں کھڑے نہ پو پانے کی شکایت کی اور کہا کہ ہم نماز پڑھتے ہیں تو وہ بھی نماز پڑھتے ہيں، ہم روزہ رکھتے ہيں تو وہ بھی روزہ رکھتے ہيں، لیکن اس کے ساتھ ہی وہ اپنے زائد مال میں سے صدقہ کر کے ہم سے آگے بڑھ جاتے ہيں اور ہمارے پاس صدقہ کرنے کے لیے کچھ ہوتا نہیں ہے۔ لہذا اللہ کے رسول ﷺ نے ان کو صدقے کی کچھ ایسی شکلیں بتا دیں، جو وہ کر سکتے تھے۔ فرمایا : کیا اللہ نے تمھارے لیے صدقہ کرنے کی راہیں نکال نہيں رکھی ہیں؟ "سبحان اللہ" کا ورد کرنا تمھارے لیے صدقے کا اجر و ثواب رکھتا ہے، "اللہ اکبر" کہنا تمھارے لیے صدقہ ہے، "الحمد للہ" کہنا صدقہ ہے، "لا الہ الا اللہ" کہنا صدقہ ہے، بھلائی کا حکم دینا صدقہ ہے، برائی سے روکنا صدقہ ہے، بلکہ اپنی اہلیہ سے ہم بستری کرنا بھی صدقہ ہے۔ صحابہ کو بڑا تعجب ہوا۔ کہنے لگے : اے اللہ کے رسول! ہمیں شہوت پوری کرنے کا بھی اجر و ثواب ملے گا؟ فرمایا : اچھا یہ بتاؤ کہ شہوت اگر وہ حرام جگہ سے پوری کرے، مثلا زنا وغیرہ میں ملوث ہو جائے، تو اسے گناہ ہوگا یا نہیں؟ بس اسی طرح اگر وہ شہوت حلال جگہ سے پوری کرتا ہے، تو اسے اجر و ثواب ملنا ہی چاہیے۔

• صحابۂ کرام نیک کاموں میں ایک دوسرے پر سبقت لے جانے کی کوشش کرتے اور اللہ کے نزدیک اجر عظیم اور فضل جزیل حاصل کرنے کے بے حد حریص رہا کرتے تھے۔
• خیر کے کاموں کی بہت ساری شکلیں ہیں۔ ایک مسلمان کے ذریعے سچی نیت اور اچھے ارادے سے کیا جانے والا ہر کام خیر کا کام ہے۔
• اسلام ایک آسان اور سہل مذہب ہے۔ چنانچہ ہر مسلمان اپنی استطاعت کے مطابق ایسا عمل کرسکتا ہے، جس سے اللہ کی اطاعت گزاری ہو جائے۔
• نووی کہتے ہیں : نیت سچی ہو تو مباح کام بھی نیکی کے کام بن جاتے ہیں۔ جماع بھی عبادت بن جاتا ہے، اگر نیت بیوی کا حق ادا کرنا، اللہ کے حکم کے مطابق اس کے ساتھ اچھی زندگی گزارنا، صالح اولاد کی طلب، خود کو یا بیوی کو پاک دامن بنائے رکھنا اور حرام جگہ پر نظر ڈالنے، حرام چیز کے بارے میں سوچنے یا حرام کام کا ارادہ کرنے جیسی چیزوں سے بچانا یا اس طرح کے دوسرے نیک ارادے مد نظر ہوں۔
• سننے والا بہتر طریقے سے سمجھ جائے اور اس کے دل میں بات زیادہ بہتر انداز میں بیٹھ جائے، اس کے لیے مثال دیا جانا اور کسی اچھائی پر قیاس کرنا رسول ﷺ کا طریقہ ہے۔

1. صفحہ رئیسی
2. فقہ و اصولِ فقہ
3. فقہِ عبادات (عبادات سے متعلق شرعی مسائل)
4. زکوۃ
5. نفلی صدقہ
6. حدیث

1. صفحہ رئیسی
2. فضائل و آداب
3. فضائل
4. ذکر کے فضیلت
5. حدیث

• کھاؤ، صدقہ کرو اور پہنو، لیکن اسراف اور تکبر سے بچو۔
• ’’عنقریب تم میں سے ہر شخص سے اس کا رب اس حال میں کلام فرمائے گا کہ آدمی اور اس کے رب کے درمیان کوئی ترجمان نہیں ہو گا
• اللہ تعالیٰ کسی چیز کو اتنی پسندیدگی سے نہیں سنتا، جتنی خوش الحان نبی کی زبان سے قرآن سنتا ہے۔
• کيا ميں تمہيں اللہ کے نزديک سب سے پسنديدہ کلام سے با خبر نہ کردوں؟