Пайгамбарыбыз (ага Аллахтын тынчтыгы жана мактоосу болсун) Аллахты көп эстеген адамдардын даражасын баяндап, алар башкаларды артында калтырып, жалгыздап, бейиштин бийик даражаларына озуп кетти деп айтат. Алардын жалгыздап кеткенин Жумдан тоосуна салыштырат. Анткени, Жумдан тоосу айланасында башка тоо жок жалгыз тоо болчу.

• Аллахты көп эстеп зикир кылып, ошону менен алек болуу жакшы. Себеби, бул дүйнөдө көп ибадат кылуу, ибадатты калыс Аллахка аткаруу акыретте адамдардан алдыда болууга жана даражасы көтөрүлүүгө шарт түзөт.
• Аллахты зикр кылуу тилдин өзү менен, же жүрөктүн өзү менен же тил менен да, жүрөк менен да болот.
• Шариятта такай айтылып жүрчү зикирлерге эртең менен жана кечинде айтылчу зикирлер, беш убак парз намаздан кийин айтылчу зикирлер ж.б. кирет.
• Навави (ага Аллах ырайым кылсын) айтат: Зикир кылуунун артыкчылыгы тасбих, тахлил, тамхид же такбир менен эле чектелип калбайт. Аллахка баш ийип, Ага ибадат кылгандын баары зикир кылуучу болуп эсптелет.
• Аллахты зикир кылуу сөзүндө жана ишинде туруктуу болуунун негизги себептеринин бири. Аллах Таала минтип айткан: "Эй, ыймандуу пенделер! (Душмандар) менен беттешсеңер, буттан тайбай бекем тургула. Аллахты көп эстегиле! Балким, ийгиликке жетээрсиңер" (Анфал, 45-аят).
• Аллахты зикир кылгандарды Жумдан тоосуна окшотуунун себеби, жалгыздык жана обочолонуп бөлүнүү эле. Жумдан тоосу айланасында башка тоо жок, обочолонгон жалгыз тоо болчу. Ошол сыяктуу Аллахты зикир кылган адам өзү элдин арасында жүрсө да, анын тили, жүрөгү, жалгыздап, башкалардан обочолонуп Аллахты зикир кылуу менен алек болот. Бош убагын текке кетирбейт, элге көп аралашуудан алыс болот. Ошондой эле окшотуунун дагы бир себеби, зикир кылуу динде бекем болууга себеп. Ошол сыяктуу жердин бекем туруусуна тоо себеп болот. Ошондой эле дүйнө жана акырет жакшылыгында алдыда болууну окшоштурган. Мисалы: Мадинадан Меккеге жолго чыккан адам Жумдан тоосуна жеткенде анын Меккеге жеткени белгилүү, демек Жумданга жеткен адам, Меккеге биринчилерден болуп жеткен болот. Ошол сыяктуу Аллахты көп зикир кылган адам башкалардан алдыда болот. Туурасын Аллах билет.

1. home
2. Артыкчылыктар жана адептер
3. Артыкчылыктар
4. Зикир кылуунун артыкчылыктары
5. hadith

• Мен сейил кылдырылган исра-мираж түнү Ибрахимге жолуктум. Ал мага: Оо, Мухаммед, үммөтүңө менден салам айт. Аларга айтып кой, бейиштин топурагы борпоң, суусу (тузсуз) таза...
• Тилиң ар дайым Аллахты зикир кылуу менен нымдалып турсун
• Эгерде азанчы: "Аллаху акбар, Аллаху акбар" - десе, силер да: "Аллаху акбар, Аллаху акбар" - деп айтсаңар, андан кийин азанчы: "Ашхаду ал-лаа илааха иллаллах" - десе, силер да: "Ашхаду ал-лаа илааха иллаллах" - деп айтсаңар, андан кийин аза...
• Кимде-ким: "Субханаллоохи ва бихамдихи" деп күнүнө жүз жолу айтса, күнөөлөрү деңиз толкунунун көбүгүндөй көп болсо да кечирилет