ነቢዩ (የአላህ ሶላትና ሰላም በእርሳቸው ላይ ይስፈንና) አላህን በብዛት የሚያወሱ ሰዎች እነርሱ የተነጠሉና በዘውታሪዋ ጀነት ውስጥ ከፍተኛን ደረጃ በማግኘት ሌሎችን የቀደሙ መሆናቸውን በመጥቀስ ደረጃቸውን ገለፁ። ከሌሎች ተራራ ተነጥሎ በሚገኘው የጁምዳን ተራራም መሰሏቸው።

• ዚክር ማብዛትና በርሱ መጠመድ ተወዳጅ እንደሆነ እንረዳለን። በአኺራ መቅደም የሚገኘውም ታዛዥነትን በማብዛትና አምልኮን በማጥራት ነው።
• አላህን ማውሳት በምላስ ብቻ ይተገበራል ወይም በልብ ብቻም ይተገበራል ወይም በምላስና በልብ በጋራ ይተገበራል። ይህም ከፍተኛው ደረጃ ነው።
• ከዚክር መካከል በሸሪዓ በጊዜ ተገድበው የመጡ የንጋትና የምሽት አዝካሮች፣ ከግዴታ ሶላቶች በኋላና በሌሎችም ወቅቶች የሚባሉ የለት ተዕለት አዝካሮች ይጠቀሳሉ።
• ነወዊ እንዲህ ብለዋል: የዚክር ደረጃ በተስቢሕ፣ በተህሊል፣ በተሕሚድ፣ በተክቢርና በመሳሰሉት ላይ ብቻ የተገደበ እንዳልሆነ እወቅ! እንደውም ሁሉም ለአላህ ብለው የሆነ አምልኮ የሚሰሩ ባጠቃላይ አላህን አወሱ ይባላሉ።
• አላህን ማውሳት ከፅናት ምክንያቶች መካከል ትልቁ ነው። አላህ ሱብሓነሁ ወተዓላ እንዲህ ብሏል {እናንተ ያመናችሁ ሆይ! ሰራዊትን በገጠማችሁ ጊዜ ፅኑ፤ (መክቱ)። አላህንም በብዙ አውሱ፤ በእርግጥ ትድናላችሁና።} [አልአንፋል:45]
• አላህን በሚያወሱና በጁምዳን ተራራ መካከል የሚያመሳስላቸው መነጠልና ገለል ማለታቸው ነው። የጁምዳን ተራራ ከተራሮች ነጠል ያለ እንደሆነው ሁሉ አላህን የሚያወሱም የተነጠሉ ናቸው። የተነጠለ ሲባል በሰዎች መካከል ቢሆን እንኳ ልቡና ምላሱ ጌታውን በማውሳት የተነጠለ፣ ከሰዎች በተገለለ ጊዜም በዚክር የተደሰተ፣ ከሰዎች ጋር አብዝቶ ሲቀላቀልም (አላህን ከማውሳት በመራቁ) ብቸኝነት የተሰማው ማለት ነው። የተመሳሰሉት ተራራ ለመሬት መርጋት ሰበብ እንደሆነው ዚክር በሃይማኖት ላይ ለመፅናት ምክንያት ስለሆነም ይሆናል። ወይም በዱንያና በአኺራ ወደ መልካም በመቅደሙም ይሆናል። ይህም ከመዲና ወደ መካ የሚጓዝ ሰው ጁምዳን ጋር የደረሰ ጊዜ ወደ መካ መድረሱ ምልክት እንደሆነና ጁምዳን ጋር የደረሰ ሰው ቀዳሚ እንደሚሆነው ልክ እንደዚሁ አላህን የሚያወሳ ሰውም አብዝቶ አላህን በማውሳቱ ሌላውን ቀዳሚ ስለሆነ ነው። አላህ የበለጠ ዓዋቂ ነው።

1. ዋና ገፅ
2. ትርፍ ተግባራትና ስነ-ስርዓት
3. ደረጃ ያላቸው ስራዎች
4. የዚክር ትሩፋቶች
5. ሓዲሥ

• ጠርጥሬያችሁ አይደለም ያስማልኳችሁ። ነገር ግን ጂብሪል መጥቶ አላህ በናንተ መላእክትን እንደሚፎካከር ስለነገረኝ ነው።› አሉ።
• ሰዎች በውስጧ አላህን ያላወሱበትን መሰባሰብን (ጨርሰው) አይነሱም። የአህያ ሬሳ (በልተው) እንደሚሄዱ እና (በስብሰባው አላህን ባለማውሳታቸው) በእነርሱ ላይ ጸጸት (ቁጭትን) ቢሆንባቸው እንጂ።...
• አንድ ባሪያ አንድን ወንጀል ሰራና እንዲህ አለ "አላህ ሆይ! ወንጀሌን ማረኝ!
• አዛን ባዩን የሰማችሁ ጊዜ የሚለውን አምሳያ በሉ። ከዚያም በኔ ላይ ሶለዋት አውርዱ።