ነቢዩ -የአላህ ሶላትና ሰላም በእርሳቸው ላይ ይስፈንና- ተከታዩን ዚክር ስላለ ሰው እንዲህ ብለው ተናገሩ (ላ ኢላሃ ኢለሏሁ ወሕደሁ ላሸሪከ ለህ) በተመላኪነቱም፣ በጌትነቱም፣ በስሞቹና በባህሪያቶቹም ከአላህ በቀር በእውነት የሚመለክ የለም። (ለሁል ሙልኩ) ሁሉም ማስተዳደርና ማስተናበር የርሱ ነው። (ወለሁል ሐምድ) በሚፈጥረውና በሚወስነው ሁሉ ምስጋና የርሱ ነው። (ወሁወ ዐላ ኩሊ ሸይኢን ቀዲር) ያለምንም ከልካይ እርሱ በሁሉም ነገር ላይ ቻይ ነው። እርሱ ያልሻውም አይሆንም። በቀን ውስጥ መቶ ጊዜ ደጋግሞ ይህንን ውዳሴ ያለ ሰው ለርሱ አላህ ዘንድ አስር ባሪያዎችን ነፃ ያወጣ ሰው ምንዳ ይፃፍለታል፤ መቶ ምንዳና ጀነት ውስጥ ያለ ደረጃም ይፃፍለታል፤ መቶ ወንጀሎችም ከርሱ ላይ ይሰረዙለታል፤ ፀሐይ በመጥለቋ ምሽቱ እስኪገባ ድረስም ቀኑን ከሸይጧን ማጥመምና ቁጥጥር መከለያ፣ መጠበቂያ፣ መመሸጊያና ጋሻ ትሆንለታለች፤ የትንሳኤ ቀንም እርሱ ከሰራው አብዝቶ ያለ ሰው ካልሆነ በቀር ማንም በላጭ ስራ ይዞ አይመጣም።

• የተውሒድ ቃል ያላት ደረጃንና የምንዳዋን ትልቅነት እንረዳለን።
• የበላይ የሆነው አላህ በባሮቹ ላይ ያለው ችሮታ ሰፊ መሆኑን እንረዳለን። ይህም ለእያንዳንዱ ሰው ገር የሆነን ዚክር (ውዳሴ) መደንገጉና በዛም ላይ ትልቅን ምንዳ በማስቀመጡ ነው።
• ይህንን ዚክር በቀን ውስጥ ከመቶ ጊዜ በላይ ቢል ሐዲሡ ውስጥ የተጠቀሰውን መቶ ጊዜ ያለ ሰው የሚያገኘውን ምንዳም ያገኛል በጨመረው ልክም ሌላ ምንዳ ይኖረዋል። ይህም ከተባለው በላይ መጨመሩ ምንም ደረጃ የለውም ወይም ያበላሸዋል ተብሎ መጠኑን መተላለፉ የተከለከለው የቁጥር ገደብ ውስጥ የሚገባ አይደለም።
• ነወዊይ እንዲህ ብለዋል: "የሐዲሡ ጥቅል መልዕክት በግልፅ የሚያስረዳን ይህንን ሐዲሡ ውስጥ የተጠቀሰውን ምንዳ በቀን ውስጥ አከታትሎም ይበል ወይም በተለያዩ ስፍራዎች ከፋፍሎም ይበል ወይም የተወሰነውን የቀኑ መጀመሪያ ላይ የተወሰነውን ደግሞ የቀኑ መጨረሻ ላይ ይበል ውዳሴውን መቶ ጊዜ በማለቱ ብቻ ያገኘዋል። ነገር ግን አጠቃላይ ቀኑን ከሸይጧን መጠበቂያ እንዲሆንለት የቀኑ መጀመሪያ ላይ ቢለው በላጭ ነው።"

1. ዋና ገፅ
2. ትርፍ ተግባራትና ስነ-ስርዓት
3. ደረጃ ያላቸው ስራዎች
4. የዚክር ትሩፋቶች
5. ሓዲሥ

1. ዋና ገፅ
2. ትርፍ ተግባራትና ስነ-ስርዓት
3. የዱዓና አዝካር ፊቅህ
4. አላህን የማውሳት ጥቅሞች
5. ሓዲሥ

• ንፅህና የኢማን ግማሽ ነው 'አልሐምዱ ሊላህ' (ምስጋና ለአላህ የተገባ ነው) የሚለው ሚዛን ይሞላል፤ 'ሱብሐነላህ ወል'ሐምዱ ሊላህ' (አላህ ጥራት የተገባው ነው፤ ምስጋናም ሁሉ ለአላህ ነው) የሚለው በሰማያትና በምድር መካከል ያለውን ይሞላሉ ወይም ይሞላል...
• እኔ ባሪያዬ ባሰበኝ በኩል ነኝ። ባስታወሰኝም ጊዜ እኔ ከርሱ ጋር ነኝ።
• አንድ ባሪያ አንድን ወንጀል ሰራና እንዲህ አለ "አላህ ሆይ! ወንጀሌን ማረኝ!
• በቀን ውስጥ መቶ ጊዜ ሱብሓነላሂ ወቢሐምዲሂ "ጥራት ምስጋና ለአላህ ይገባው።" ያለ ሰው (የወንጀሉ ብዛት) የባህር ዓረፋ አምሳያ ቢሆን እንኳ ወንጀሉ ይታበስለታል።...