پێغەمبەر -صلى اللە علیە وسلم- نەهی كردووە لە نەزر كردن، ئەمیش بریتیە لەوەی مرۆڤ شتێك لەسەر خۆی واجب بكات لەكاتێكدا شەریعەت فەرمانی نەكردووە بە پابەند بوون پێوەی، وفەرموویەتی: نەزر كردن هیچ شتێك پێش ناخات وهیچیش دوا ناخات، بەڵكو هەندێك شت بەهۆیەوە لە كەسی ڕەزیل دەردەهێنرێت ؛ كە تەنها ئەوەی واجب بێت لەسەری جێبەجێی دەكات، ونەزر كردن شتێك ناهێنێتە دی ئەگەر ئەو شتە لە قەدەردا هاتبێت كە نایەتە دی.

• نەزر كردن نەهی لێكراوە وڕێگەپێدراو نییە، بەڵام ئەگەر نەزری كرد ؛ واجبە جێبەجێی بكات ئەگەر تاوان نەبێت.
• هۆکاری نەهی کردن لە نەزرکردن ئەوەیە: (أنه لا يأتي بخير) واتە: (هیچ خێرێک ناهێنێت)؛ چونکە ناتوانێت هیچ شتێک لە قەزای خواى گەورە ڕەت بکاتەوە، و بۆئەوەى ئەو کەسەی نەزر دەکات وا گومان نەبات ئەو داوایەی کردی جێبەجێ بوو بەهۆی نەزرەکەوە، وخواى گەورە لەوە بەزرتر ودەوڵەمەندترە -سبحانه وتعالى-.
• قورتوبی دەڵێت: نمونە لەسەر ئەم نەهی كردنە وەكو ئەوەی بڵێت: ئەگەر خوای گەورە شیفای نەخۆشەكەم بدات ؛ ئەوا لەسەرم بێت ئەو خێرە بكەم، ومەكروهیەت لەوەدایە چونكە ئەنجامدانی چاكەیەك بۆ نزیكبوونەوە لە پەروەردگاری بەستیەوە بە جێبەجێبوونی مەبەستی باسكراو، وادیارە ئەو نیەتی نزیكبوونەوە لە خودا لە دڵیدا نەجووڵایەوە كاتێك ئەم قسەی كرد ؛ بەڵكو ڕێبازی گۆڕینەوەی بە بەرامبەری گرتەبەر، ئەوەی ڕوونی دەكاتەوە: ئەگەر نەخۆشەكەی شیفای پێنەبەخشرا ئەوا خێر ناكات بەڵكو بەستیەوە بە شیفای ئەو، وئەمیش حاڵی بەخیلە؛ هیچ شتێك لە سامانەكەی نابەخشێت مەگەر بە گۆڕینەوەی خێرا نەبێت بەرامبەر بە شتێكی تر كە زۆرجار زیاترە لەوەی كە بەخشیوویەتی.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی مامەڵەکان
4. سوێند خواردن ونەزر کردنەکان
5. فەرموودە

• هەرکەسێک سوێندی خوارد، و ووتی: من پەیوەندیم بە ئیسلامەوە نەماوە وبەریئم لێی، ئەگەر درۆ بکات؛ ئەوا خۆی بەو شێوەیە کە وتوویەتی، وئەگەر ڕاست بکات؛ ئەوا بە سەلامەتی ناگەڕێتەوە بۆ ئیسلام...
• ئەم ئایەتە دابەزی: {لَّا يُؤَاخِذُكُمُ ٱللَّهُ بِٱللَّغْوِ فِىٓ أَيْمَـٰنِكُمْ}، سەبارەت بەوەى کەسێک دەڵێـت: نەخێر والله، بەڵێ والله...
• هەرکەسێک سوێندێک بە درۆوە بخوات بۆ زەوتکردنی سامانى مسوڵمانێک؛ ئەوا بە خواى گەورە دەگات وئەو زاتە لێی توڕەیە
• ئەی عبدالرحمانی کوڕی سەمورە داوای پلەی دەسەڵات وفەرمانڕەوایەتی مەکە، چونکە ئەگەر تۆ داوای بکەیت بەهۆی پرسیارکردنەوە؛ ئەوا (پێت دەبەخشرێت) بەڵام پشتیوانی ناکرێت...