پیاوێك لە خەڵكی نەجد هات بۆ لای پێغەمبەر -صلى اللە علیە وسلم- بە قژی پەرش وبڵاو ودەنگێكی بەرزەوە، ونەدەزانرا چی دەڵێت، هەتا نزیك بوویەوە لە پێغەمبەر -صلى اللە علیە وسلم-، وپرسیاری سەبارەت بە ئیسلام كرد؟ پێغەمبەر -صلى اللە علیە وسلم- سەرەتا باسی نوێژی بۆ كرد، وپێی فەرموو كە خوای گەورە پێنج نوێژی لەسەری فەرزكردووە لە ڕۆژ وشەوێكدا. پیاوەكە ووتی: ئایا هیچ نوێژێكی تر لەسەرم واجبە جگە لەم پێنج نوێژە؟ فەرمووی: نەخێر، مەگەر خۆبەخشانە نوێژی سونەت بكەیت. پاشان پێغەمبەر -صلى اللە علیە وسلم- فەرمووی: لەو شتانەی خوای گەورە واجبی كردووە؛ ڕۆژووگرتنی مانگی ڕەمەزان. پیاوەكە ووتی: ئایا هیچ ڕۆژووگرتنێكی تر لەسەرم واجبە جگە لە ڕۆژووگرتنی مانگی ڕەمەزان؟ فەرمووی: نەخێر، مەگەر خۆبەخشانە ڕۆژووی سونەت بگریت. پاشان باسی زەكاتدانی بۆ كرد. پیاوەكە ووتی: ئایا هیچ خێركردنێكی ترم لەسەر واجبە لەپاش زەكاتدانی فەرز؟ فەرمووی: نەخێر، مەگەر خۆبەخشانە خێر بكەیت. پاش ئەوەی پیاوەكە ڕوونكردنەوەی ئەم فەریزەتانەی بیست لە پێغەمبەرەوە -صلى اللە علیە وسلم- ؛ دووركەوتەوە وسوێندی بە خوای گەورە خوارد كە پابەند دەبێت پێیانەوە بەبێ ئەوەی هیچ شتێكیان بۆ زیاد كات وبێ ئەوەی لێیان كەم بكاتەوە، پێغەمبەر -صلى اللە علیە وسلم- لەپاش قسەكانی پیاوەكە فەرمووی: ئەگەر پیاوەكە ڕاست بكات لەسەر ئەوەی سوێندی لەسەر خوارد ؛ ئەوا لە سەرفرازان دەبێت.

• لێبووردەیی وئاسانکاری شەریعەتی ئیسلامی بەرامبەر ئەوانەى ئەرکە شەرعیەکانیان لەسەر واجبە (موکەلەفن).
• جوانی مامەڵەکردنی پێغەمبەر -صلى اللە علیە وسلم- لەگەڵ ئەم پیاوە، چونکە ڕێگەى دا بەوەى لێی نزیک بێتەوە وپرسیاری لێبکات.
• لە کاتی بانگەوازى بۆ لای خواى گەورە دەبێت سەرەتا بە گرنگترین شت دەستپێبکات پاشان ئەوانەى پلەى گرنگیان کەمترە وبەو شێوەیە.
• ئیسلام عەقیدە -بیروباوەڕ- وکردەوەیە، کردەوە کردن بە بێ ئیمان سوودی نییە، وئیمان سوودی نییە بۆ كەسێك ئەگەر کردەوە نەکات.
• گرنگی ئەم كردەوانە ولە پایەكانی ئاینی ئیسلامن.
• نوێژی هەینیش بەشێكە لە پێنج نوێژە فەرزەكە ؛ چونكە لەجیاتی نوێژی نیوەڕۆ ئەنجامدەدرێت لەڕۆژی هەینیدا لەسەر ئەوانەی ئەم نوێژەیان لەسەر فەرزە.
• سەرەتا پێغەمبەر -صلى اللە علیە وسلم- گرنگترین فەریزەتەكانی ئیسلامی فێركرد، ئەمیش بریتیە لە پایەكانی تر لە پاش هەردوو شاهێدی دانەكە ؛ چونكە تازە مسوڵمان بووە، لێرەدا باسی حەجی نەكرد ؛ چونكە پێش فەرزكردنی حەج ئەم باسە ڕوویداوە، یان لەوەیە كاتی حەج كردن هێشتا نەهاتبێت.
• مرۆڤ ئەگەر تەنها واجبەكان جێبەجێ بكات ؛ سەرفرازە، بەڵام مانای ئەوە نییە سوننەت جێبەجێ نەكات ؛ چونكە كردەوە سوننەتەكان فەرزەكانیان پێ كامڵ دەكرێت لە ڕۆژی قیامەتدا.

1. سه‌ره‌كی
2. عەقیدە (بیروباوەڕ)
3. ناوەکان وحوکمەکان
4. ئیسلام
5. فەرموودە

• فەرمانم پێکراوە کە بەرامبەر خەڵکی بجەنگم تا ئەو کاتەی شاهێدی دەدەن بە (لا إله إلا الله ومحمد رسول اللە)^، ونوێژ ئەنجامدەدەن، وزەکات دەدەن...
• پێغەمبەری خودا -صلى اللە علیە وسلم- بۆمانى گێڕایەوە لەکاتێکدا ئەو ڕاستگۆیە و بەڕاستگۆ دانراوە -لەگەیاندنی وەحیدا-، فەرمووی: «هەر یەکێکتان لەکاتی دروستکردنی کۆدەکرێتەوە لە سکی دایکیدا چل ڕۆژ وشەو...
• نمونەی ئیمانداران لە پەیوەندی وبەزەیی وسۆزیان بەرامبەر یەکتر ؛ وەکو نمونەی لاشەیەک وان
• جولەکەكان ؛ خواى گەورە توڕەیە لێیان، وگاوڕەکان گومڕان