د نجد له خلکو څخه یو سړی رسول الله صلی الله علیه وسلم ته راغی، په داسې حال کې چې ویښتان یې ګډوډ وو ، غږ یې لوړ و، په خبرو یې څوک نه پوهېده، تر دې چې رسول الله صلی الله علیه وسلم ته نږدې شو. نو د اسلام د فرائضو په اړه یې پوښتنه وکړه؟ نو رسول الله صلی الله علیه وسلم په لمانځه پېل وکړ او پوه یې کړ چې الله تعالی پرې په شپه او ورځ کې پنځه وخته لمونځونه فرض کړي دي. ويې ويل: آيا له دې پنځو لمونځونو پرته بل کوم لمونځ کول راباندې شته؟ ويې فرمايل: نه، پرته له دې چې د نفل په توګه لمونځ ادا کړې. بیا رسول الله صلی الله علیه وسلم وفرمایل: او له هغه څه نه چې الله تعالی درباندې فرض کړي دي د رمضان د میاشتې روژه نیول دي. سړي وویل: آیا د رمضان له روژې پرته راباندې بله روژه نیول شته؟ هغه وويل: نه، پرته له دې چې په خپله خوښه روژه ونيسې. بيا ورته رسول الله صلی الله علیه وسلم د زکات يادونه وکړه. نو سړي وویل: آیا له فرض زکات نه پرته راباندې نورې کومې صدقې شته؟ هغه وفرمایل: نه، مګر دا چې نفلي وکړې. کله چې سړي له رسول الله صلی الله علیه وسلم څخه دا فرایض واورېدل، روان شو او په الله تعالی یې سوګند وکړ چې پر همدې به پابند پاتې کیږي؛ نه به ترې څه کموي او نه به یې زیاتوي، نو رسول الله صلی الله علیه وسلم یې د دې خبرې پسې وفرمایل: که چېرته دا سړی په خپل سوګند کې ریښتونی و، نو له کامیابانو څخه به وي.

• د اسلامي شریعت زغم او پر مکلفو یې اسانتیا.
• له دې سړي سره د رسول الله صلی الله علیه وسلم ښه سلوک، چې دې سړي ته یې جرأت ورکړ چې ورنږدې شي او پوښتنه ترې وکړي.
• الله تعالی ته په خورا مهم څیز بلنه، بیا ورپسې مهم او بیا ورپسې.
• اسلام له عقیدې او عمل څخه عبارت دی، نو له ایمان پرته عمل ګټه نه رسوي او نه عمل پرته له ایمان څخه.
• د دې اعمالو اهمیت او دا چې دا د اسلام له رکنونو څخه دي.
• د جمعې لمونځ په پنځو فرضو لمونځونو کې شامل دی؛ ځکه چې دا د جمعې د ماسپښین د لمانځه بدیل دی پر هغه چا چې فرض وي.
• رسول الله صلی الله علیه وسلم خپله د ښوونې پروسه په تر ټولو مؤکدو فرائضو پېل کړه چې هغه له شهادتینو وروسته د اسلام ارکان دي؛ ځکه چې هغه سړی مسلمان و، او د حج یادونه یې له دې امله ونه کړه چې هغه لا په دې وخت کې نه و فرض شوی، او یا دا چې لا وخت یې نه و رارسیدلی.
• كه څوک د اسلامي شريعت په واجباتو ځان محدود كړي نو كامياب دی، خو د دې معنا دا نه ده چې سنت به نه کوي؛ ځکه چې د قیامت په ورځ په نفلو سره فرائض پوره کیږي.

1. کور‌پاڼه
2. عقیده
3. نومونه او حکمونه
4. اسلام
5. حدیث

• (لَا إِلَهَ إِلَّا اللهُ) ووایه، زه به درته د الله تعالی په وړاندې د قیامت په ورځ ګواهي ورکړم
• او زه ضمام بن ثعلبه د بنو سعد بن بکر له قبیلې څخه یم
• چا چې خپل (مسلمان) ورور ته وویل چې: "اې کافره!"، نو دا (تکفیر) به له دوی څخه د یو پورې نښلي؛ که هغه رښتیا کافر وي نو خبره پر ځای ده، او که نه وي، نو دا خبره به بېرته پر هماغه ویونکي ورګرځي...
• په حقیقت کې، هغه څه چې تاسو یې وایئ او بلنه ورته کوئ ډېر ښه به وي که تاسو موږ ته ووایاست چې آیا د هغه څه لپاره کفاره شته چې مونږ کړي دي