Пайгамбарыбызга (ага Аллахтын тынчтыгы жана мактоосу болсун) Нажддын тургундарынан чачы чатышкан, үнү бийик, бирок айтканы түшүнүксүз болгон бир киши келди. Ал качан гана пайгамбардын жанына келгенде, андан Исламдын парздары тууралуу сурап жатканы маалым болду. Пайгамбарыбыз (ага Аллахтын тынчтыгы жана мактоосу болсун) алгач намаздан баштады. Аллах Таала бир суткада беш убак намаз окуунун милдет кылып моюнга жүктөгөнүн айтты. Тиги киши: бул беш убак намаздан сырткары дагы башка намаздарды окуу мага милдет эмеспи? деп сурады. Ал: Жок, башка намаз окуу сага милдет эмес. Бирок кошумча нафил намаздарды окусаң болот деди. Анан Аллахтын элчиси (ага Аллахтын тынчтыгы жана мактоосу болсун) ага Рамазан айынын орозосун кармоого милдеттүү экенин айтты. Тиги киши: Рамазандын орозосунан башка орозо кармоо мага милдет эмеспи? - деп сурады. Ал: Жок, эгер кааласаң, нафил орозо кармасаң болот - деди. Анан пайгамбарыбыз (ага Аллахтын тынчтыгы жана мактоосу болсун) ага зекет тууралуу айтты. Тиги киши: Милдеттүү зекеттен башка садака да берүү мага милдет эмеспи? - сурады. Ал: Жок. Бирок кааласаң, напил садакаларды берсең болот - деди. Киши Аллахтын элчисинин айткандарын уккандан кийин артына бурулуп жөнөдү да, Аллахка касам ичип, бул айтылгандарды ашык-кем кылбай аткарып жүрөрүн айтты. Пайгамбарыбыз (ага Аллахтын тынчтыгы жана мактоосу болсун): Эгер бул киши касам ичип айткан сөзүндө турса, анда тозоктон кутулуучулардын катарында болот - деди.

• Ислам шарияты кечиримдүү жана аткаруучу адамдарга өтө жеңил.
• Аллахтын элчиси (ага Аллахтын тынчтыгы жана мактоосу болсун) тиги кишини жанына жакын алып, анын суроолоруна жооп бергени, анын өтө жакшы мамиле кылуучу экенинен кабар берет.
• Аллахтын динине чакырууда, алгач ибадаттардын эң зарылы, анан андан кийинкиси катары менен айтылууга тийиш.
• Ислам дини - ишеним жана иш-амал кылуудан турат. Ыймансыз аткарылган иш-амалдардын пайдасы жок. Иш-амалдары жок болсо, ыймандын пайдасы тийбейт.
• Бул айтылган ибадаттар өтө зарыл ибадаттар, анткени алар Исламдын түркүктөрү.
• Жума намазы дагы беш убак намаздын ичине кирет, анткени ал жума күнү бешим намазынын ордуна окулат.
• Пайгамбарыбыз (ага Аллахтын тынчтыгы жана мактоосу болсун) ислам түркүктөрүн айтканда, күбөлүк келмесинен кийинки намаздан баштады. Мунун себеби тиги киши келме келтирип мусулман болгон адам эле. Ал эми ажылык тууралуу айтпаганы, бул окуя ажы парз болгонго чейин болушу мүмкүн. Же ажылыктын убагы келе элек болушу мүмкүн.
• Эгерде инсан ушул парз амалдарды аткаруу менен эле чектелсе да тозоктон кутулат. Бирок бул башка нафил ибадаттарды аткаруу сүннөттө жок деген сөз эмес. Анткени, кыямат күнү парз амалдардын кемчилиги нафил ибадаттар менен толукталат.

1. home
2. Акыйда (ишеним)
3. Аталыштар жана терминдер
4. Ислам
5. hadith

• Ким Исламда жакшылык кылса, жахилиятта кылган иши үчүн жазаланбайт, ал эми ким Исламда жүрүп жаман иштерди кылса, биринчи жана акыркысы үчүн жазаланат...
• «Сен китеп ээлеринен болгон коомго барасын. Аларга барганыңда аларды: «Аллахтан башка сыйынууга татыктуу кудай жок жана Мухаммад Аллахтын элчиси» - деп күбөлүк берүүгө чакыр. Эгер алар аны кабыл кылышса, анда Аллах аларга бир күндө беш убак...
• Мен: «Оо, Аллахтын Элчиси, айтыңызчы, мен Исламга чейинки доордо азат кылган, садака берген жана туугандык мамиле кылган иштерим үчүн соопторду аламбы?» - деп айттым. Пайгамбар (ага Аллахтын тынчтыгы жана мактоосу болсун) : «Сендеги болгон ...
• Чындыкты айткан жана айтканы тастыкталган Пайгамбар (ага Аллахтын тынчтыгы жана мактоосу болсун) бизге мындайча баяндап берди: «Чындыгында, силердин ар бириңер энесинин ичинде кырк күн...