አንድ ፀጉሩ የተበታተነ፣ ድምፁ ከፍ ያለ፣ የሚናገረው የማይገባ የነጅድ ነዋሪ የሆነ ሰው ወደ ነቢዩ (የአላህ ሶላትና ሰላም በእርሳቸው ላይ ይስፈንና) ዘንድ መጣ። ወደነቢዩ (የአላህ ሶላትና ሰላም በእርሳቸው ላይ ይስፈንና) ቀረበና ስለ እስልምና ግዴታዎችም ጠየቃቸው። ነቢዩም (የአላህ ሶላትና ሰላም በእርሳቸው ላይ ይስፈንና) ከሶላት ጀመሩና አላህ በሁሉም ቀንና ምሽቶች አምስት ሶላቶችን ግዴታ እንዳደረገበት ነገሩት። እርሱም: ከነዚህ አምስት ሶላቶች በቀር ግዴታ ይሆንብኛል እንዴ? አላቸው። እርሳቸውም: ሱና ሶላቶችን በፈቃደኝነት ልትሰግድ ካልሆነ በቀር ሌላ የለብህም አሉት። የአላህ መልክተኛ (የአላህ ሶላትና ሰላም በእርሳቸው ላይ ይስፈንና) ቀጥለው እንዲህ አሉት: በአንተ ላይ አላህ ግዴታ ካደረገብህ ነገሮች መካከል የረመዳንን ወር መጾም አንዱ ነው። ሰውዬውም "ከረመዳን ጾም ውጪ ሌላ ጾም መጾም ግዴታ ይሆንብኛል እንዴ?" አላቸው። እርሳቸውም: በፈቃደኝነት ካልጾምክ በቀር የለብህም አሉት። ቀጥለው ነቢዩ (የአላህ ሶላትና ሰላም በእርሳቸው ላይ ይስፈንና) ዘካን አወሱለት። ሰውዬውም: የግዴታ ዘካዬን ካወጣሁ በኋላ ሌላ ምፅዋት ግዴታ ይሆንብኛል እንዴ? አላቸው። እርሳቸውም: በፈቃደኝነት ካልሆነ በቀር ሌላ የለብህም አሉት። ሰውዬው እነዚህን ግዴታዎች ከነቢዩ (የአላህ ሶላትና ሰላም በእርሳቸው ላይ ይስፈንና) ከሰማ በኋላ ከእነሱ ምንም ሳይጨምርና ሳይቀንስ ዘውትሮ እንደሚተገብር በአላህ ምሎ እየተናገረ ዞሮ ሄደ። ነቢዩም (የአላህ ሶላትና ሰላም በእርሳቸው ላይ ይስፈንና) ላይ ይስፈንና ይህን አስከትለው ሰውዬው የማለበትን ነገር የእውነት ከፈፀመ ከሚድኑት ሰዎች ይሆናል አሉ።

• የእስልምና ድንጋጌዎች ትእዛዙ በሚመለከታቸው ሰዎች ላይ ገርና ቀላል መሆኑን እንረዳለን።
• ነቢዩ (የአላህ ሶላትና ሰላም በእርሳቸው ላይ ይስፈንና) ሰውዬው ቀርቧቸው እንዲጠይቃቸው ራሳቸውን በማስመቸታቸው ከዚህ ሰውዬ ጋር የነበራቸውን መልካም ግብረ ገብነት እንረዳለን።
• ወደ አላህ በምናደርገው ጥሪ እጅግ አንገብጋቢ ከሆነው ጉዳይ መጀመር እንዳለብን እንረዳለን።
• እስልምና የእምነት ብቻ ሳይሆን የተግባርም ሃይማኖት ነው። ያለ እምነት ስራ ምንም አይጠቅምም፤ እምነትም ያለስራ አይጠቅምም።
• እነዚህ ተግባራት አንገብጋቢና የእስልምናም ማዕዘን እንደሆኑ እንረዳለን።
• ሶላት ግዴታ በሆነበት ሰው ላይ በዙህር ሶላት ምትክ ስለሆነች የጁሙዓ ሶላትም ግዴታ ከሆኑት አምስቱ ሶላቶች ውስጥ ይካተታል።
• ነቢዩ (የአላህ ሶላትና ሰላም በእርሳቸው ላይ ይስፈንና) አስተምህሮታቸውን ከእስልምና ግዴታዎች መካከል እጅግ ጠንካራ በሆነው ጀመሩ። እርሱም ከሁለቱ ምስክሮች ቀጥሎ ያሉት ማዕዘናት ናቸው። ከሸሀዳ ያልጀመሩት ሙስሊም ስለነበር ነው። ሐጅን ያልጠቀሱለት ደግሞ ግዴታ ከመደረጉ በፊት ስለሆነ ወይም ወቅቱ የሐጅ ወቅት ስላልነበር ነው።
• አንድ ሰው በሸሪዓ ግዴታዎቹን በመወጣት ላይ ብቻ ከተቆጠበ ይድናል። ነገር ግን ይህ ማለት ሱና ነገሮችን መፈፀሙ አልተደነገገም ማለት አይደለም። ሱና ስራዎች የትንሳኤ ቀን ግዴታዎችን ይሞላሉና።

1. ዋና ገፅ
2. ዐቂዳ (እምነት)
3. ስሞችና ህግጋት
4. ኢስላም
5. ሓዲሥ

• በርግጥም ስለ ትልቅ ጉዳይ ነው የጠየቅከኝ፤ ጉዳዩ አላህ በርሱ ላይ ላቀለለለት ሰው ቀላል ነው።
• እኔ የበኑ ሰዕድ ቢን በክር ወንድም ዲማም ቢን ሠዕለባህ ነኝ።" አላቸው።
• በርግጥም ስለ ትልቅ ጉዳይ ነው የጠየቅከኝ፤ ጉዳዩ አላህ በርሱ ላይ ላቀለለለት ሰው ቀላል ነው።
• አይሁዶች ቁጣ የሰፈነባቸው ሲሆኑ ክርስቲያኖች ደግሞ የተሳሳቱ ናቸው።