Annabi ɗaɓɓi e bappa makko Abu Ɗaalib saango nde o haɓata e fittaandu nde o wowlata konngol -Laa Ilaaha Illa laahu- ngam o tefana mbo ñande darnga, o seedanoo mbo islaam, o salii haalde nduun wolaandu ngam hulde nde Quraysi en ngaybinta mbo ɓe mbi'a: o jebbili ngam hulde maayde e lohde!, o wii : Annabi sinnda wonaana ɗuum ma mi naatnatna e ɓernde ma weltaare e wiide seede o, mi yottina ngooɗeele ma haa mbeleɗa! Alla tellini aaya kolliroowo wonde Annabi jogaaki peewal e kawraangal naatde islaam mbo o wela, kono ko Alla tan jogii peewal e kawraangal wonande mbo O welaa.

• Goongo accetaake ngam hulde haala yimɓe.
• Annabi jogii ko peewal tinndinde kono wonah peewal kawraangal.
• Ina e sariyina juulɗo juuraade keefeero ñawɗo sabu noddude mbo e islaam.
• Reerɗude Annabi yo jam e kisal ngon e makko noddude faade e Alla e kala ngonkaaji.