Anabi - ki ikẹ ati ọla Ọlọhun maa ba a - kọ kuro nibi awọn alamọri mẹẹrin kan: Alakọkọọ rẹ: Kikọ fun obinrin kuro nibi ṣiṣe irin-ajo ọjọ meji lai si pẹlu ọkọ rẹ tabi ẹnikan ninu awọn eleewọ rẹ oun naa ni ẹni ti wọn ṣe fifẹ ẹ (ọmọbinrin naa) ni eewọ fun un ni ṣiṣe leewọ gbere ninu awọn alasunmọ-ọn, gẹgẹ bii ọmọ ati baba, ọmọkùnrin ọmọ-iya rẹ ọkunrin ati ọmọkùnrin ọmọ-iya rẹ obinrin, ati ọmọ-iya baba rẹ l'ọkunrin ati ọmọ-iya iya rẹ l'ọkunrin, ati awọn to jọ bẹ́ẹ̀. Ẹlẹẹkeji rẹ: Kikọ kuro nibi gbigba aawẹ ọjọ ọdun itunu ati ọjọ ọdun ileya, ki baa ṣe pe musulumi gba mejeeji ni gbigba ti ẹ̀jẹ́, tabi aṣegbọrẹ, tabi itanran. Ẹlẹẹkẹta rẹ: Kikọ kuro nibi kiki irun naafila lẹyin irun Asri titi ti oorun o fi wọ, ati lẹyin yiyọ aarọ titi ti oorun o fi yọ. Ẹẹkẹrin rẹ: Kikọ kuro nibi ṣiṣe irin-ajo lọ si aaye kan ninu awọn aaye ati nini adisọkan ọla rẹ ati nini adisọkan pe adipele ẹsan wa nibẹ yatọ si awọn masalasi mẹta, nitori naa a ko gbọdọ di ẹru irin-ajo lọ si ibi ti o yatọ si wọn lati lọ kirun nibẹ, torí pé dajudaju adipele o ni maa ba ẹsan ayaafi ni awọn masalasi mẹta yii, masalasi abeewọ (kahbah), ati masalasi Anabi, ati masalasi aqsa.

• Aini ẹtọ ṣiṣe irin-ajo obinrin lai si eleewọ pẹlu rẹ.
• Obìnrin o kii ṣe eleewọ fun obinrin ni irin-ajo; fun gbolohun rẹ ti o sọ pe: “Ọkọ rẹ tabi eleewọ rẹ”.
• Gbogbo nkan ti wọn ba ti n pe ni irin-ajo, dajudaju wọn kọ fun obinrin ki o lọ lai si ọkọ tabi eleewọ pẹlu rẹ, ati pe hadīth yii nii ṣe pẹlu ìṣesí onibeere ati aaye rẹ.
• Eleewọ obinrin ni ọkọ rẹ tabi ẹni ti wọn ṣe fifẹ ẹ ni eewọ fun un titi láéláé latari ìbátan gẹgẹ bii baba ati ọmọ ati ọmọ-iya baba l'ọkunrin ati ọmọ-iya iya l'ọkunrin, tabi ifunlọyan gẹgẹ bii baba lati ibi ifunlọyan ati ọmọ-iya baba l'ọkunrin lati ibi ifunlọyan, tabi ijẹ ana gẹgẹ bii baba ọkọ, ati pe yio jẹ musulumi ti o balaga ti o ni laakaye ti o ṣeé gbara le ti o ṣee fi ọkan tan, torí pé dajudaju nkan ti wọn gbero nibi eleewọ ni dida aabo bo obinrin ati sisọ ọ ati mimu ojú tó alamọri rẹ.
• Akolekan ofin Isilaamu pẹlu ọmọbinrin ati dida aabo bo o ati sisọ ọ.
• Aini alaafia kiki irun naafila lẹyin irun Al-fajri ati irun Asri, ati pe wọn yọ kuro ninu iyẹn ṣiṣe adapada awọn irun ọranyan ti o bọ, ati awọn irun ti o ni idi gẹgẹ bii tahiyyatul masjid (irun ti a maa n ki ti a ba wọ masalasi ki a to jokoo) ati eyi ti o jọ ọ.
• Irun kiki jẹ eewọ ni kete lẹyin yiyọ oorun, dipo bẹ́ẹ̀ o gbọdọ gbera soke ni odiwọn ọ̀kọ̀, ni nkan ti o sunmọ iṣẹju mẹwaa titi di bii iṣẹju mẹẹdogun.
• Asiko Asri gun titi di igba ti oorun o fi wọ.
• O n bẹ ninu rẹ ṣiṣe ni ẹtọ didi ẹru irin-ajo lọ si awọn masalasi mẹta.
• Ọla ti n bẹ fun awọn masalasi mẹtẹẹta naa lori awọn miran.
• Ailẹtọọ ṣiṣe irin-ajo lati lọ bẹ saare wo koda ko jẹ saare Anabi - ki ikẹ ati ọla Ọlọhun maa ba a -, ati pe ṣiṣe abẹwo rẹ (saare Anabi) tọ fun ẹni ti o wa ni Mẹdinah, tabi ẹni ti o wa si ibẹ fun idi kan ti wọn ṣe lofin tabi ti o lẹtọọ.

1. Ilé
2. Fik'hu ati ìpìlẹ̀ rẹ
3. Imọ ẹsin ti ijọsin
4. Hajj ati Umrah
5. ‏Awọn idajọ masalasi abeewọ ati mọsalasi Jerúsálẹ́mù
6. Hadiisi

1. Ilé
2. Fik'hu ati ìpìlẹ̀ rẹ
3. Imọ ẹsin ti mọlebi
4. Awọn idajọ awọn obinrin
5. Hadiisi

1. Ilé
2. Itan ìgbésí ayé
3. Itan
4. Itan Mọkka ati Medina ati Aqsa
5. Hadiisi

• Mumini o gbọdọ maa korira muminah, ti o ba korira iwa kan lara rẹ, yio yọnu si omiran lara rẹ
• Dajudaju aye jẹ nnkan ti o dun ti o si tutu, ati pe dajudaju Ọlọhun n fi yin ṣe arole nibẹ, ti yoo maa wo nnkan ti ẹ ń ṣe, ẹ bẹru aye ki ẹ si bẹru obinrin
• “Ayé ìgbádùn ni, eyi ti o loore ju ninu ìgbádùn ayé ni obìnrin rere”