پەيغەمبەرئەلەيىھسسالام تۆت تۈرلۈك ئىشتىن چەكلىدى: بىرىنچى: ئايالنى ئىككى كۈنلۈك سەپەر مۇساپىسىنى ئېرىمۇ يوق ۋە باشقا ئۆزىگە مەھرەم بولىدىغان ئوغلى، دادىسى، قىرىندىشىنىڭ ئوغلى، ھەمشىرىسىنىڭ ئوغلى، تاغىسى، ئانا تەرەپ تاغىسى قاتارلىق ئۆزى بىلەن توي قىلىشى ئەبەدى ھارام بولغان مەھرەملىرىمۇ يوق يالغۇز ھالەتتە سەپەر قىلىشتىن چەكلىدى، ئىككىنچى: روزا ھېيت ۋە قۇربان ھېيت كۈنلىرىدە روزا تۇتۇشتىن چەكلىدى، ئۇ نەزىر قىلغان روزا بولسۇن ياكى كاپارەت روزىسى بولسۇن ياكى ھەر قانداق نەپلە روزا بولسۇن ئۇنىڭ ھۆكمى ئوخشاش چەكلىنىدۇ. ئۈچىنچى: ئەسىر نامىزىنى ئادا قىلىپ بولۇپ كۈن پاتقىچە بولغان ئارىلىقتا ۋە بامدات نامىزىنى ئادا قىلىپ كۈن چىققۇچە بولغان ئارىلىقتا مۇتلەق نەپلە ناماز ئادا قىلىشتىن چەكلىدى. تۆتىنچى: ئۈچ مەسچىتتىن باشقا مەسچىت ۋە ئورۇنلارغا ئۇ يەردە ئىبادەت قىلسا ئەجىر-ساۋاپ زىيادە بولىدۇ، پەزىلەتلىك بولىدۇ دېگەن ئېتىقاد بىلەن بېرىپ ناماز ئادا قىلىش ئۈچۈن سەپەر قىلىشتىن چەكلىدى، چۈنكى ئۈچ مەسچىتتىن باشقا ئورۇنلاردا قىلىنغان ئىبادەتنىڭ ۋە نامازنىڭ ئەجىر-ساۋابى زىيادە بولمايدۇ. ئۇلار: ھەرەم مەسچىتى، ئەقسا مەسچىتى ۋە پەيغەمبەرئەلەيھىسسالامنىڭ مەسچىتىدىن ئىبارەتتۇر.

• ئايالنىڭ قەسىر مۇساپىسىدىكى سەپەرگە مەھرەمسىز چىقىشى توغرا بولمايدۇ.
• ئايال سەپەردە يەنە بىر ئايالغا مەھرەم بولالمايدۇ، چۈنكى ھەدىستە: ئېرى ياكى مەھرەم بولىدىغان تۇغقانلىرى دەپ كەلگەن.
• قىز- خانىملارنىڭ سەپەر دەپ ئاتىلىدىغان ھەرقانداق مۇساپىگە يالغۇز مەھرەمسىز چىقىشى توغرا بولمايدۇ. بۇ ھەدىس سوئال سورىغۇچىنىڭ ئەمەلىي ئەھۋالى ۋە ياشاۋاتقان يۇرتىغا كۆرە بايان قىلىنغان.
• ئايالنىڭ مەھرەملىرى دېگەن: ئېرى ياكى ئۇرۇغ-تۇغقانلىق سەۋەبىدىن ئۇ ئايال بىلەن توي قىلىش ئەبەدىي چەكلىنىدىغان: ئاتىسى، ئۆغۇللىرى، تاغىسى، ئانا تەرەپ تاغىسى، ئېمىلدەشلىكتىن بولغان ئاتىسى، تاغىسى، ياكى قۇدۇلۇق ياكى كۈيئوغۇللۇق سەۋەبىدىن بولغان تۇغقانلىرى: ئېرىنىڭ ئاتىسى، ئېرىنىڭ ئوغلى قاتارلىقلار. مەھرەم دېگەن: بالاغەتكە يەتكەن، ئەقلى-ھۇشى جايىدا، ئىشەنچىلىك مۇسۇلماندىن ئىبارەتتۇر. بۇنىڭدىن بولغان مەقسەت: ئايالنى مۇھاپىزەت قىلىش، ئۇنىڭ شان-شەرىپىنى قوغداش ۋە ئىشلىرىنى ئادا قىلىشتىن ئىبارەتتۇر.
• ئىسلام شەرىئىتى ئاياللارنى ھىمايە قىلىش ۋە شەرىپىنى قوغداشقا ئەھمىيەت بېرىدۇ.
• بامدات ۋە ئەسىر نامىزىدىن كېيىن مۇتلەق نەپلە ناماز ئادا قىلىش چەكلىنىدۇ، بۇنىڭدىن: ۋاختى ئۆتۈپ كەتكەن پەرز نامازنىڭ قازاسىنى قىلىش، مەسچىت ھۆرمىتى نامىزى قاتارلىق سەۋەپكە ئالاقىدار بولغان نامازلار ئايرىۋېتىلىدۇ.
• كۈن چىقىش بىلەنلا دەرھال ناماز ئادا قىلىش چەكلىنىدۇ، بەلكى كۈن چىقىپ ئون مىنۇت ياكى ئون بەش مىنۇت ئەتراپىدا كۈن نەيزە بويى ئۆرلىگۈچە كۈتۈپ تۇرۇپ ئاندىن ناماز ئادا قىلىنىدۇ.
• ئەسىر نامىزىنىڭ ۋاختى كۈن پاتقۇچە داۋاملىشىدۇ.
• بۇ ھەدىستە ئۈچ مەسچىتكە يۈك-تاقا كۆتۈرۈپ سەپەر قىلىشنىڭ دۇرۇس ئىكەنلىكى بايان قىلىنىدۇ.
• ئۈچ مەسچىتنىڭ پەزىلىتى ۋە باشقا مەسچىتلەردىن بولغان ئالاھىدىلىكى.
• قەبرە زىيارەت قىلىش ئۈچۈن ئالاھىدە سەپەر قىلىش توغرا بولمايدۇ، گەرچە ئۇ پەيغەمبىرىمىزنىڭ قەبرىسى بولسىمۇ، ئەمما مەدىنىدا بولغان ياكى يوللۇق مەقسەتلەر بىلەن كەلگەن كىشىلەر زىيارەت قىلسا بولىدۇ.

1. ئاساسى
2. پىقھى ۋە ئۇنىڭ ئۇسۇل قائىدىلىرى
3. ئىبادەت مەسىلىلىرىنى بىلىش
4. ھەج-ئۆمرە
5. ھەرەم مەسجىدى، پەيغەمەرئەلەيھىسسالام مەسجىدى ۋە بەيتىل مەقدەستىكى ئەقسا مەسجىدى ھەققىدىكى ھۆكۈملىرى
6. ھەدىس

1. ئاساسى
2. پىقھى ۋە ئۇنىڭ ئۇسۇل قائىدىلىرى
3. ئائىلە مەسىلىلىرىنى بىلىش
4. ئاياللارغا ئالاقىدار ھۆكۈملەر
5. ھەدىس

1. ئاساسى
2. تارىخ ۋە تەرجىمىھال
3. تارىخ
4. مەككە، مەدىنە ۋە ئەقسانىڭ تارىخى
5. ھەدىس

• سىلەرنىڭ بىرىڭلاردىن ئايالى مەسچىتكە چىقىش ئۈچۈن ئىجازەت سورىسا ئۇنى توسمىسۇن، دېگەنلىكى رىۋايەت قىلىنغاندا ئابدۇللاھ ئىبنى ئۆمەرنىڭ بالىسى بىلال: ئاللاھ بىلەن قەسەم قىلىمەنكى ئاياللارنى مەسچىتكە چىقىشتىن توسىمىز، دېدى، ھەدىس رىۋايەت قىلغۇچ...
• ئاياللارغا ياخشى مۇئامىلىدە بولۇڭلار، ھەقىقەتەن ئايال كىشى قوۋۇرغىدىن يارىتىلغان، قوۋۇرغىلارنىڭ ئەڭ ئەگرىسى ئەڭ ئۈستىدىكىسى بولىدۇ. ئەگەر ئۇنى رۇسلايمەن دېسەڭ، سۇندۇرۇپ قويىسەن ۋە ئەگەر ئۇنى تاشلاپ قويساڭ ئاشۇنداق ئەگرى تۇرىۋېرىدۇ، شۇڭا ئاي...
• ھەقىقەتەن زامان، ئاللاھ تائالا ئاسمان زىمىننى يارتقان كۈنىدىكىدەك ئەسلى ھالىتىگە ئايلاندى. بىر يىل ئون ئىككى ئايدۇر، بۇلاردىن تۆرتى ئۇرۇش ھارام قىلىنغان ئايلار بولۇپ، ئۈچى ئارقىمۇ-ئارقا كېلىدۇ، زۇلقەئدە، زۇلھەججە ۋە مۇھەررەم، تورتىنچىسى جۇم...
• مەدىنە مۇنەۋۋەرە شەھىرى ئىير تېغىدىن سەۋىر تېغىغا قەدەر ھارام قىلىندى، كىمكى بۇ يەردە شەرىئەتتە يوق بىر ئىشنى پەيدا قىلسا ياكى بىر بىدئەتچىنى قانات ئاستىغا ئالسا، ئۇنىڭغا ئاللاھنىڭ، پەرىشتىلەرنىڭ ۋە بارلىق كىشىلەرنىڭ لەنىتى بولسۇن. قىيامەت ...