فاتیمە -ڕەزای خوای لێبێت- سكاڵای خۆی هێنا بۆ لای پێغەمبەر -صلى اللە علیە وسلم- سەبارەت بەو ناڕەحەتی وئازارەی تووشی دەستەكانی دەبن لەسەرەنجامی كاریگەری هاڕین لە بەردەئاشدا، بۆیە كاتێك سەبییان هێنا بۆ پێغەمبەر -صلى اللە علیە وسلم-؛ چوو بۆ لای داوای خزمەتكارێكی كرد لەم سەبییانە، بۆئەوەی لە جیاتی ئەو كارەكانی ماڵ بكات، بەڵام پێغەمبەر -صلى اللە علیە وسلم- لە ماڵ نەبوو، وچاوی بە عائیشە كەوت -ڕەزای خوای لێبێت-، وئەوەی بۆی باسكرد. كاتێك پێغەمبەر -صلى اللە علیە وسلم- گەڕایەوە عائیشە باسی هاتنی فاتیمەی بۆ كرد بەوەی داوای خزمەتكارێكی كردووە، پاشان پێغەمبەر -صلى اللە علیە وسلم- چوو بۆ لای فاتیمە وعەلی -ڕەزای خوایان لێبێت- لەكاتێكدا ئەوان لەنێو جێگاكانیان بوون وخۆیان بۆ خەوتن ئامادە دەكرد، ولە نێوانیان دانیشت هەتاوەكو عەلی -ڕەزای خوای لێبێت- هەستی بە ساردی پێیەكانی پێغەمبەر -صلى اللە علیە وسلم- كرد لەسەر سكی، وفەرمووی: ئایا شتێكتان فێر بكەم كە خێرترە لە داواكەتان بەوەی خزمەتكارێكتان پێببەخشم؟ ووتیان: بەڵێ، پێغەمبەر -صلى اللە علیە وسلم- فەرمووی: ئەگەر چوونە سەر جێگاكانتان بۆ خەوتن لە شەودا، سی وچوار جار تەكبیر بكەن -بڵێن: الله أكبر-، وسی وسێ جار بڵێن: سبحان الله، وسی وسێ جار بڵێن: الحمد لله؛ ووتنی ئەم زیكرانە خێرترە بۆ ئێوە لە خزمەتكارێك.

• بەردەوامبوون لەسەر وتنی ئەم زیکرە پیرۆزە ؛ سوننەتە -موستەحەبە-، چونکە عەلی -ڕەزاى خواى لێبێت- وازی نەهێنا لەم وەسیەت وئامۆژگاریەی پێغەمبەر -صلى اللە علیە وسلم- بە ووتنی ئەم زیکرە ؛ تەنانەت لە شەوی جەنگی صیفینیشدا.
• ئەم زیكرە تەنها لە كاتی خەوتنی شەودا دەووترێت، وگێڕانەوەكەی لە (مسلم)دا هاتووە لە گێڕانەوەی (معاذ بن شعبە) كە دەفەرموێت: (ئەگەر چوونە سەر جێگاكەتان لە شەودا).
• ئەگەر مسوڵمان لە سەرەتای شەودا لەبیری چوو ئەم زیكرە بخوێنێت؛ ئەوا ئاساییە لە كۆتایی شەودا بیخوێنێت، چونكە عەلی -ڕەزای خوای لێبێت- كە گێڕەرەوەی فەرموودەكەیە دەڵێت: ئەو لە شەوی جەنگی صیفیندا لەبیری چوو لەسەرەتای شەودا بیخوێنێت؛ پاشان بیری كەوتەوە وپێش دەركەوتنی بەیان خوێندی.
• موهەلەب دەڵێت: سوودی ئەوەی تێدایە كە مرۆڤ وا لە خێزانەكەی دەكات وەكو خۆی بن ؛ لەڕوانگەی پێشخستنی فەزڵ وپلەی قیامەت بەسەر دونیادا لە هەموو شتێكدا، ئەگەر توانای ئەوەیان هەبوو.
• ئیبن حەجەری عەسقەلانی دەڵێت: هەركەسێك بەردەوام بێت لەسەر ووتنی ئەم زیكرە ؛ ئەوا زۆر كاركردن زیانی پێناگەیەنێت و لەسەری قورس نابێت ئەگەرچیش هەندێك ماندوو بێت.
• عەینی دەڵێت: بەدەستهێنانی (خێرتر) لەو ڕوانگەوەیە كە ئەم زیكرە پەیوەستە بە قیامەت وخزمەتكار شتێكی دونیاییە، بۆیە قیامەت خێرترە ودەمێنێتەوە، یان ئەوەتا ئەوەی داوای دەكرد جێبەجێ دەبێت ئەویش بریتیە لە بەدەستهێنانی هێز وتوانا بۆ خزمەتكردن بەهۆی ووتنی ئەم زیكرە كە زیاترە لە هێز وتوانای خزمەتكار.

1. سه‌ره‌كی
2. فەزڵەکان وئادابەکان
3. فیقهی نزا وزیکرەکان
4. زیکرەکانی پەیوەست بە ڕووداو وپێشهاتەکان
5. فەرموودە

• من وشەیەک دەزانم ئەگەر بیڵێت ئەوا ئەوەی بەسەری هاتووە نامێنێت، ئەگەر بڵێت: (أَعُوذُ بِاللَّهِ مِنَ الشَّيْطَانِ)^، ئەوەی بەسەریدا هاتووە نامێنێت...
• پیاوێک هات بۆ لای پێغەمبەر -صلى اللە علیە وسلم- و ووتی: ئەی پێغەمبەری خودا، من دەمەوێت سەفەر بکەم؛ هەندێک خواردەمەنیم پێ ببەخشە، ئەویش فەرمووی: خواى گەورە تەقواداریت پێ ببەخشێت...
• هەرکەسێک چووە شوێنێک، وبڵێت: (أعوذ بكلمات الله التَّامَّات من شرِّ ما خلَق)^؛ ئەوا هیچ شتێک زیانی پێناگەیەنێت هەتا لەو شوێنە دەردەچێت...
• لوتی کەسێک بداتە ئەرز وبچێتە خۆڵ؛ ئەگەر ناوى منی لەلا باسبکرێت و سەڵاواتم لەسەر نەدات، لوتی کەسێک بداتە ئەرز وبچێتە خۆڵ؛ كاتێك مانگی ڕەمەزان دێت وتەواو دەبێت بەبێ ئەوەی لێخۆشبوونی خودایی بەدەست هێنابێت...