নবী চাল্লাল্লাহু আলাইহি অছাল্লামৰ জীয়াৰী ফাতিমা ৰাদ্বিয়াল্লাহু আনহাই তেখেতৰ ওচৰলৈ অভিযোগ কৰিবলৈ আহিল যে, চাকতি ঘূৰাই ঘূৰাই তেওঁৰ হাতৰ অৱস্থা বেয়া হৈছে। যিহেতু তেখেতৰ ওচৰলৈ কিছুমান দাস অনা হৈছে, গতিকে সিহঁতৰ মাজৰ পৰা এজন দাস যেন সেৱক হিচাপে তেওঁক প্ৰদান কৰা হয়, যাতে সি ঘৰৰ কামবোৰ কৰি দিয়ে। কিন্তু তেওঁ আহি তেখেতক লগ নাপালে। আঈশ্বা ৰাদ্বিয়াল্লাহু আনহাক লগ পাই তেওঁকে কথাখিনি জনাই থৈ গ'ল। যেতিয়া নবী চাল্লাল্লাহু আলাইহি অছাল্লাম ঘৰলৈ আহিল, তেতিয়া আঈশ্বা ৰাদ্বিয়াল্লাহু আনহাই তেখেতক জনালে যে, ফাতিমা আহিছিল এজন সেৱক বিচাৰি। এই শুনি নবী চাল্লাল্লাহু আলাইহি অছাল্লামে ফাতিমা আৰু আলীৰ ঘৰলৈ গ'ল, গৈ দেখিলে তেওঁলোক বিছনাত গৈছে শুবলৈ। নবী চাল্লাল্লাহু আলাইহি অছাল্লাম তেওঁলোক দুজনৰ মাজত বহিলে, আনকি তেখেতৰ ভৰি আলী ৰাদ্বিয়াল্লাহু আনহুৰ পেট স্পৰ্শ কৰিছিল আৰু তেওঁ তেখেতৰ দুয়ো ভৰিৰ শীতলতা তেওঁৰ পেটত অনুভৱ কৰিছিল। ইয়াৰ পিছত তেখেতে ক'লেঃ শুনা! তোমালোকে মোৰ ওচৰত বিচৰা সেৱক প্ৰদানতকৈ মই তোমালোকক উত্তম এটা বস্তুৰ সংবাদ নিদিমনে? তেওঁলোক উভয়ে ক'লে হয়, নিশ্চয়। তেখেত চাল্লাল্লাহু আলাইহি অছাল্লামে ক'লেঃ ৰাতিত যেতিয়া তোমালোকে শুবলৈ যাবা, তেতিয়া তোমালোকে ৩৪ বাৰ আল্লাহু আকবাৰ পাঠ কৰিবা। ৩৩ বাৰ ছুবহানাল্লাহ পাঠ কৰিবা। আৰু আলহাম্দুলিল্লাহ ৩৩ বাৰ পাঠ কৰিবা। এই জিকৰটো হৈছে তোমালোকে বিচৰা সেৱকতকৈও উত্তম।

• এই বৰকতময় জিকৰটোক নিয়মিত আমলত পৰিণত কৰা মুস্তাহাব। আলী ৰাদ্বিয়াল্লাহু আনহু সম্পৰ্কে বৰ্ণিত আছে যে, তেওঁ উপদেশটো পোৱাৰ পিছৰ পৰা কেতিয়াও এইটো পৰিত্যাগ কৰা নাছিল। আনকি চিফ্ফিনৰ যুদ্ধৰ ৰাতিও এইটো পাঠ কৰিছিল।
• এই জিকৰটো ৰাতি টোপনি যোৱাৰ সময়ত পঢ়িব লাগে। মুছলিমৰ বৰ্ণনাত মুআজে শ্বুবাৰ পৰা বৰ্ণনা কৰিছে যে, "তোমালোকে যেতিয়া ৰাতি শুবলৈ বিছনাত যাবা।"
• যদি কোনোবাই ৰাতিৰ প্ৰথমাংশত এই জিকৰটো পঢ়িবলৈ পাহৰি যায় আৰু ৰাতিৰ শেষাংশত যদি মনত পৰে, তেতিয়া পঢ়িলেও কোনো অসুবিধা নাই। কাৰণ হাদীছটোৰ বৰ্ণনাকাৰী আলী ৰাদ্বিয়াল্লাহু আনহুৱে কৈছে যে, তেওঁ চিফফিনৰ যুদ্ধৰ ৰাতি এই জিকৰটো পঢ়িবলৈ পাহৰিছিল, কিন্তু ফজৰৰ আগত মনত পৰাত তেওঁ সেই সময়ত পঢ়ি লৈছিল।
• মাহলাবে কৈছেঃ মানুহে নিজৰ পৰিয়ালকো সেইদৰেই দুনিয়াৰ ওপৰত আখিৰাতক অগ্ৰাধিকাৰ দিবলৈ অনুপ্ৰাণিত কৰা উচিত, যিদৰে তেওঁ নিজে অগ্ৰাধিকাৰ দিয়ে। যদি সিহঁত এইটো কৰিবলৈ সক্ষম হয়।
• ইবনু হাজাৰ আছক্বালানী ৰাহিমাহুল্লাহে কৈছেঃ যিয়ে এনেকুৱা বিষয়ত নিয়মিত আমল কৰে, তেওঁ কেতিয়াও কৰ্মৰ আধিক্যৰ ফলত অশান্তি নাপায় আৰু ভাগৰিও নপৰে, যদিও তেওঁক ক্লান্তই স্পৰ্শ কৰে।
• আঈনী ৰাহিমাহুল্লাহে কৈছেঃ এটা অৰ্থই এই নিৰ্দেশনাৰ সম্পৰ্ক আখিৰাতৰ সৈতে থকা বুজায়, অথচ খাদিম বা সেৱক হৈছে পৃথিৱীৰ সৈতে সম্পৰ্কীয়। এই দুটাৰ তুলনাত আখিৰাত হৈছে সৰ্বোত্তম তথা চিৰস্থায়ী। আন এটা অৰ্থৰ সম্পৰ্ক তেওঁ কৰা আবেদনৰ সৈতে থকা বুজায় যে, যদি তেওঁ এই আজকাৰটোৰ ওপৰত আমল কৰে তেন্তে তেওঁ সেৱক ৰখাতকৈও বেছি শক্তি অৰ্জন কৰিব।

1. মুখ্য পৃষ্ঠা
2. ফজিলত আৰু শিষ্টাচাৰসমূহ
3. জিকৰ-আজকাৰ বা দুআ সম্পৰ্কীয় ফিক্হ
4. হঠাৎ সন্মুখীন হোৱা বিষয় সম্পৰ্কীয় দুআসমূহ
5. হাদীছ

• এইটো হৈছে এক প্ৰকাৰ চয়তান, যাৰ নাম হৈছে খিনঝিব। যেতিয়া তুমি ইয়াৰ উপস্থিতি অনুভৱ কৰিবা, তেতিয়া তুমি (আউজুবিল্লাহ পঢ়ি) তাৰ অনিষ্টৰ পৰা আল্লাহৰ ওচৰত আশ্ৰয় প্ৰাৰ্থনা কৰি তিনিবাৰ তোমাৰ বাওঁফালে থু পেলাবা।...
• ধূলিময় হওক সেই ব্যক্তিৰ নাক, যাৰ ওচৰত মোৰ নাম উল্লেখ হোৱাৰ পিছতো সি মোৰ প্ৰতি দৰূদ পাঠ কৰা নাই। সেই ব্যক্তিৰো নাক ধূলিময় হওক, যিয়ে ৰমাজান মাহত প্ৰৱেশ কৰিও নিজৰ গুনাহ মাফ নকৰাকৈয়ে থাকে আৰু ইপিনে ৰমাজান মাহ পাৰ হৈ যায়। এইদৰে ধূলিময় হওক সেই ব্...
• যিয়ে পানাহাৰ কৰাৰ পিছত এই দুআ পাঠ কৰিবঃ (الحَمْدُ لِلَّهِ الَّذِي أَطْعَمَنِي هَذَا وَرَزَقَنِيهِ مِنْ غَيْرِ حَوْلٍ مِنِّي وَلاَ قُوَّةٍ) উচ্চাৰণঃ "আলহাম্দুলিল্লাহিল লাজী আত্বআমানী হাজা, অৰাঝাকানীহি মিন গাইৰি হাওলিম মিন্নি অলা কুওৱাহ।" অৰ্...
• মই এনেকুৱা এটা বাক্য জানো, যদি এই মানুহজনে সেইটো পাঠ কৰে তেন্তে তাৰ খং দূৰ হ'ব। যদি এওঁ আউজু বিল্লাহি মিনাশ্ব শ্বাইত্বান, পঢ়ে তেন্তে তাৰ খং দূৰ হৈ যাব।...