Пайгамбарыбыздын кызы Фатима жаргылчак тарткандан колдору кабарып кеткенин айтып, атасына арызданып келет. Ошол учурда пайгамбарыбызга туткунга түшкөн кулдар алынып келген эле. Үй иштерин аткартуу үчүн ошол туткундардан бир кызматчы сурамакчы болуп барат. Бирок пайгамбар үйдө жок болот. Айшага жолугуп, ага келген себебин айтып кайра кетет. Пайгамбарыбыз (ага Аллахтын тынчтыгы жана мактоосу болсун) келгенде, Айша ага Фатима кызматчы сурап келгенин айтат. Фатима менен Али уйкуга жаткан учурда пайгамбарыбыз (ага Аллахтын тынчтыгы жана мактоосу болсун) алардын үйүнө келет. Алардын ортосуна өтө жакын отургандыктан, Али анын бутунун суугу ичине өтүп жатканын сезет. Анан мындай дейт: Силер сураган кызматчыга караганда силерге пайдалуураак нерсени айтайынбы? Ооба, айтыңыз дешет алар. Ал мындай дейт: Түндө уйкуга жатканыңарда "Аллаху акбар" деп отуз төрт жолу такбир айткыла. "Субхан Аллах" деп отуз үч жолу тасбих айткыла. "Алхамду лиллаах" деп, отуз төрт жолу тахмид (мактоо) айткыла. Мына ушул зикр сөздөр силерге кызматчыга караганда жакшы.

• Бул берекелүү зикрди такай айтып жүрүү жакшы. Айтымда, Али (ага Аллах ыраазы болсун) пайгамбардын бул осуятын зикрди эч калтырбай такай айтып жүргөн, алтургай, Сиффин согушу болгон түнү да айткан.
• Бул зикрлер түнкү уйкуга жатарда гана айтылат. Имам Муслимдин китебинде Муаз (ага Аллах ыраазы болсун) Шуубадан риваят кылган хадисте: "Түндө төшөккө жаткан учуруңарда..." деп айтылган.
• Эгерде жаткан учурда айтпай унутуп калып кийин түн ортосунда эсине түшсө, айтып койсо эч нерсе эмес. Анткени, али (ага Аллах ыраазы болсун) Сиффин согушу болгон түнү зикрди айтууну унутуп калып, кийин таңга жуук эсине түшкөндө айтканы белгилүү.
• Мухлаб минтип айтат: Бул хадисте үй-бүлө башчысы өзү каалаган дүйнө кызыкчылыгына караганда акырет кызыкчылыгын алдына коюуну үй-бүлөсүнө да каалап, аларды ушуга үндөө керектиги айтылган. Эгер алар ушуну аткарууга чамасы жетсе.
• Ибн Хажар Аскалани минтип айткан: Ким бул зикир сөздөрдү дайыма айтып жүрсө, анда ал адамга иштин көптүгү зыянын тийгизбейт, чарчаса да кыйналбайт.
• Ал-Айни минтип айткан: Зикр кызматчыдан жакшы дегенден максат, зикр акырет үчүн, ал эми кызматчы дүйнө үчүн. Акырет түбөлүктүү жана жакшы. Же минтип айтуудан максат, ушул зикр аркылуу күч-кубат алып, кызматчы аткарганга караганда көбүрөк ишти өздөрү эле аткарышы мүмкүн.

1. home
2. Артыкчылыктар жана адептер
3. Дуба жана зикирлер
4. Кокустук иштерде айтылчу зикирлер
5. hadith

• Кимде-ким кайсыл бир жерге келсе: "Аъузу би калима тиллаахит-тааммаати миң шарри маа холак" деп айтса, анда ал кайра жолун улап кеткенге чейин ага эч нерсе зыян бербейт...
• Менин атымды укканда мага салават айтпаган адам - сараң адам
• Кимде-ким тамак жеп бүткөндөн кийин: "Алхамду лиллаахил-лази атъамани хаза ва розаканиихи мин гойри хавлин уа лаа кувватин" (Менден эч кандай күч-кубат талап кылбай, ушул тамакты жедирип, ырыскы берген Аллах Таалага алкыш-мактоолор болсун) ...
• Усман бин Абу аль-Аас (Аллах андан ыраазы болсун) Пайгамбарга (ага Аллахтын тынчтыгы жана мактоосу болсун) келип: "Оо, Аллахтын Элчиси, мен намазда Куран окуп жатканымда шайтан аралашып, мени адаштырууга аракет кылып жатат" - деди. Ошондо А...