پێغەمبەر -صلى اللە علیە وسلم- باسی گفتوگۆی نێوان الله وبەندەی ئیماندارمان بۆ دەکات لە ڕۆژی قیامەتدا، دەفەرموێت: ئیماندار لە ڕۆژی قیامەتدا نزیك دەكرێتەوە لە پەروەردگار؛ هەتا پەروەردگار دایدەپۆشێت وسیتری دەكات لە خەڵكی بۆئەوەی نهێنیەكانی نەزانن، وپێی دەفەرموێت: ئایا ئەو گوناهە وئەوی تر دەزانیت... دانی پێدا دەنێت لەسەر ئەو گوناهانەی لە نێوان خۆی وپەروەردگاری كردوویەتی. دەڵێت: بەڵێ ئەی پەروەردگار. هەتا دەگاتە ئەوەی بەندەی ئیماندار دەترسێت ودادەچڵەكێت، الله -سبحانه وتعالی- پێی دەفەرموێت: من لە دونیادا تۆم داپۆشی وسیترم كردیت، وئەمڕۆ لەو گوناهانەت خۆش دەبم، بۆیە تۆماری كردەوە چاكەكانی پێدەدرێت. بەڵام كافر ومونافیق لە پێش هەموو خەڵكی بانگ دەكرێن: ئەوانە درۆیان كرد بەناوی پەروەردگاریانەوە، نەفرەتی الله لەسەر ستەمكاران.

• فەزڵ وڕەحمەتی خواى گەورە لەسەر ئیمانداران بەوەی لە دونیا وقیامەتدا دایان دەپۆشێت وسیتریان دەکات.
• هاندان بۆ سیتر کردن وداپۆشینی هەڵە وتاوانى ئیماندار ئەوەندەى لە توانادا هەبوو.
• هەموو کردەوەکانى بەندەکان خواى گەورە سەرژمێری دەکات، هەرکەسێک خێری بینیەوە ئەوا با سوپاسی خواى گەورە بکات، وهەرکەسێک جگە لە ئەوەى بینی ئەوا با تەنها لۆمەی نەفسی خۆی بکات، وئەو کەسە لە ژێر ویستی خواى گەورەدایە.
• ئیبن حەجەر دەڵێت: كۆی فەرموودەكان ئاماژە بۆ ئەوە دەكەن كە تاوانبارە ئیماندارەكان لە ڕۆژی قیامەتدا، دوو جۆرن: یەكەم: ئەوەی تاوانەكەی لەنێوان خۆی وپەروەردگارێتی، فەرموودەكەی ئیبن عومەر ئاماژە بۆ ئەوە دەكات كە ئەم جۆرە بۆ دوو لق دابەش دەبێت: 1- ئەوەی تاوانەكەی داپۆشراوە لە دونیادا، ئەم كەسە خوای گەورە لە ڕۆژی قیامەتیشدا تاوانەكەی دەپۆشێت؛ هەروەكو بەڕوونی ئاماژەی بۆ كراوە. 2- ئەوەی بە ئاشكرا تاوانی كردووە، بە تێگەیشتن لە فەرموودەكە دەردەكەوێت ئەمەیان پێچەوانەی ئەوەی پێشووە. دووەم: ئەوەی تاوانەكانی لەنێوان خۆی وبەندەكانە، ئەم جۆرەیش بەسەر دوو لق دابەش دەبێت: 1- بەشێكیان خراپەكانیان لە چاكەكانیان زیاترە، ئەمانە دەكەونە نێو دۆزەخەوە پاشان بە شەفاعەت دەردەچن. 2- ئەوانەی خراپەكان وچاكەكانیان یەكسانە، ئەمانە ناچنە نێو بەهەشتەوە هەتاوەكو تۆڵەسەندنەوە وماف وەرگرتنەوە لەنێوانیان بەرپا دەكرێت.

1. سه‌ره‌كی
2. عەقیدە (بیروباوەڕ)
3. باوەڕهێنان بە ڕۆژی دوایی
4. فەرموودە

• ئەو ئاگرەی بەکاری دێنن بەشێکە لە حەفتا بەشی ئاگری دۆزەخ
• بۆیە ئەگەر داواتان لە الله كرد؛ داوای فیردەوسی لێبكەن
• سەرت بەرز بکەرەوە وبڵێ لێت دەبیسترێ، وداوا بکە پێت دەبەخشرێت، وداوای شەفاعەت بکە داواکەت جێبەجێ دەکرێت
• پێغەمبەری خودا -صلى اللە علیە وسلم- بۆمانى گێڕایەوە لەکاتێکدا ئەو ڕاستگۆیە و بەڕاستگۆ دانراوە -لەگەیاندنی وەحیدا-، فەرمووی: «هەر یەکێکتان لەکاتی دروستکردنی کۆدەکرێتەوە لە سکی دایکیدا چل ڕۆژ وشەو...