ነቢዩ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና አላህ አንድ አማኝ ባሪያውን የትንሳኤ ቀን እንደሚመሳጠረው እንዲህ በማለት ተናገሩ: የትንሳኤ ቀን አማኝ የሆነ ሰው ወደ ጌታው ይቀርባል። ከርሱ ውጪ አንድም ሰው ምስጢሩን እንዳያውቅበትም ከቆሙ ሰዎች ይከልለዋል። እንዲህም ይለዋል: "እንዲህ እንዲህ ... ወንጀልህን አወቅከው?" እያለ በባሪያውና በጌታው መካከል የሰራውን ወንጀሎች እንዲያረጋግጥ ያደርገዋል። እርሱም "አዎ ጌታዬ" ይላል። አማኙ የደነገጠና የፈራ ጊዜም አላህ ሱብሓነሁ እንዲህ ይለዋል: "ምድር ላይ ላንተ ሸፍኜልሃለሁ። ዛሬ ደግሞ ላንተ እምርሃለሁ።" የመልካም ስራ መጽሐፉም ይሰጠዋል። ከሀዲና ሙናፊቅ ግን በፍጡራን መካከል እየተጠሩ እነዚህ በጌታቸው ላይ የዋሹ ናቸው። አዋጅ! የአላህ እርግማን በበዳዮች ላይ ይሁን ይባላሉ።

• አላህ ለአማኞች በዱንያም ሆነ በመጪው አለም በመሸፈኑ እዝነቱንና ችሮታውን እንረዳለን።
• በተቻለ መጠን የአማኞችን ነውር በመሸፈን ላይ መነሳሳቱን እንረዳለን።
• የባሮችን ስራ ባጠቃላይ የባሮች ጌታ ይጠብቃቸዋል። መልካምን ያገኘ ሰው አላህን ያመስግን። ከዚህ ውጪ ያገኘ ሰው ከነፍሱ በቀር ማንንም አይውቀስ። የርሱ ጉዳይም በአላህ መሻት ስር ነው።
• ኢብኑ ሐጀር እንዲህ ብለዋል: «አጠቃላይ በዚህ ዙሪያ የመጡ ሐዲሦች የሚጠቁሙት የትንሳኤ ቀን ወንጀለኛ አማኞች በሁለት እንደሚከፈሉ ነው: አንደኛው: ወንጀሉ በርሱና በጌታው መካከል የሆነ ነው። የኢብኑ ዑመር ሐዲስ ይህኛው የወንጀለኛ ክፍል ራሱ ሁለት አይነት እንደሆነ ይጠቁማል: አንደኛው አይነት ወንጀሉ በዱንያ የተሸሸገችለት ነው። ይህም ከሐዲሡ ግልፅ ቃል እንደምንረዳው የትንሳኤ ቀን አላህ ወንጀሉን ይሸፍንለታል። ሌላኛው አይነት ደግሞ ወንጀሉን በይፋ የሚሰራ ሰው ነው። ይህም ከሐዲሡ በተዘዋዋሪ እንደምንረዳው ከዚህ በተቃራኒ ወንጀሉ እንደማይሸሸግለት ነው። ሁለተኛው ክፍል: ወንጀሉ በርሱና በሰዎች መካከል የሆነ ነው። እነዚህም ሁለት አይነት ናቸው: አንደኛው አይነት: ወንጀላቸው ከመልካም ስራቸው ያመዘነችባቸው ናቸው። እነዚህ እሳት ይገቡና ከዚያም በምልጃ ከእሳት ይወጣሉ። ሌላኛው አይነት ደግሞ: መልካም ስራቸው ከመጥፎ ስራቸው ጋር እኩል የሆነባቸው ናቸው። እነዚህም በመካከላቸው በሰሩት በደል እስኪፈረድባቸው ድረስ ጀነት አይገቡም።»

1. ዋና ገፅ
2. ዐቂዳ (እምነት)
3. በመጨረሻው ቀን ማመን
4. ሓዲሥ

• የትንሳኤ ቀን አላህ ከፍጡራኖች ከኔ ተከታዮች መካከል አንድ ሰው ይመርጣል
• ያ በዱንያ ውስጥ እያሉ በሁለት እግራቸው እንዲሄዱ ያደረጋቸው የትንሳኤ ቀን በፊታቸው እንዲሄዱ ማድረግ የሚችል አይደለምን?
• የአንዳችሁ ፍጥረት በእናቱ ሆድ ውስጥ ለአርባ ቀን ይሰበሰባል
• አንድም ነቢይ ለህዝቦቹ ያልተናገረውን ስለደጃል አንድ ነገር አልነግራችሁምን? እርሱ እውር ነው፣ እርሱ ጀነትና እሳት በሚመስል ነገር ከራሱ ጋር ይዞ ይመጣል።...