Nagpabatid ang Propeta (basbasan siya ni Allāh at pangalagaan) tungkol sa pakikipagniigan ni Allāh sa lingkod Niyang mananampalataya sa Araw ng Pagbangon sapagkat nagsabi siya: Ilalapit ang mananampalataya sa Araw ng Pagbangon sa Panginoon nito para maglagay Siya rito ng pagtatakip Niya buhat sa mga tao sa Tayuan nang sa gayon hindi makabatid sa lihim niya ang iba sa kanya saka magsasabi Siya rito: "Nakaaalam ka ba ng pagkakasalang ganito at gayon?" ... Magpapaamin Siya rito ng mga pagkakasala na sa pagitan ng tao at Panginoon nito. Kaya magsasabi siya: "Oo, O Panginoon." Hanggang sa kapag nangilabot ang mananampalataya at nangamba, magsasabi Siya (kaluwalhatian sa Kanya) dito: "Tunay na Ako ay nagtakip niyon sa iyo sa Mundo at Ako ay magpapatawad niyon sa iyo sa araw na ito." Kaya ibibigay rito ang talaan ng mga magandang gawa nito. Hinggil naman sa tagatangging sumampalataya at mapagpaimbabaw, mananawagan sa mga harap ng mga saksi: Ang mga ito ang mga nagsinungaling laban sa Panginoon nila; pansinin, ang sumpa ni Allāh ay sa mga tagalabag sa katarungan.

• Ang kabutihang-loob ni Allāh at ang awa Niya sa mga mananampalataya ay dahil sa pagtatakip niya sa kanila sa Mundo at Kabilang-buhay.
• Ang paghimok sa pagtatakip sa mananampalataya hanggat naisaposible.
• Ang mga gawain ng mga tao sa kabuuan ng mga ito ay iisa-isahin ng Panginoon ng mga tao. Kaya ang sinumang nakatatagpo ng isang mabuti, magpuri siya kay Allāh; at ang sinumang nakatatagpo ng iba pa roon, huwag nga siyang maninisi kundi sa sarili niya at siya ay nasa ilalim ng kalooban ni Allāh.
• Nagsabi si Ḥajar: Nagpatunay ang kabuuan ng mga ḥadīth na ang mga tagasuway kabilang sa mga mananampalataya kaugnay sa Pagkabuhay ay nasa dalawang uri. Ang isa sa dalawa ay ang sinumang ang pagsuway niya ay sa pagitan niya at ng Panginoon niya, saka nagpahiwatig ang ḥadīth ng Anak ni `Umar na ang uring ito ay nasa dalawang uri: 1. Isang uri na ang pagsuway nito ay tinakpan sa Mundo kaya ito ang pagtatakpan ni Allāh sa Araw ng Pagbangon at siya ang tinukoy; 2. Isang uri na ang pagsuway niya ay inilalantad, saka nagpahiwatig ang pagkaintindi rito na ito ay salungat doon. Ang ikalawang uri ay ang sinumang ang pagsuway niya ay sa pagitan niya at ng mga tao saka sila ay nasa dalawang uri rin: 1. Isang uri na magmamatimbang ang mga masagwang gawa nila higit sa mga magandang gawa nila kaya ang mga ito ay masasadlak sa Impiyerno, pagkatapos makalalabas sila dahil sa Pamamagitan; 2. Isang uri na magkakapantayan ang masagwang gawa nila at ang mabuting gawa nila, kaya ang mga ito ay hindi papasok sa Paraiso hanggang sa maganap sa pagitan nila ang paggagantihang-pinsala.

1. Ang Pangunahin
2. Ang Pinaniniwalaan
3. Ang Pananampalataya sa Huling Araw
4. Ang ḥadīth

• Sumpa man sa Kanya na ang kaluluwa ni Muḥammad ay nasa kamay Niya, talagang ang lalagyan niyon ay higit na marami kaysa sa bilang ng mga bituin ng langit at ng mga tala nito
• Tunay na ako ay nasa tabi ng Tubigan nang sa gayon makatingin ako sa sinumang pumupunta sa akin kabilang sa inyo. May kukunin na mga tao sa tabi ko kaya magsasabi ako: 'O Panginoon ko, kabilang sa akin at kabilang sa Kalipunan ko iyan.'
• Tunay na si Allāh ay magtatangi ng isang lalaki kabilang sa Kalipunan ko sa mga harap ng mga nilikha sa Araw ng Pagbangon,
• Kaya kapag humiling kayo kay Allāh, hilingin ninyo sa Kanya ang Firdaws."}