کاتێک ئەم هاوەڵە بەڕێزە خوێندنەوە وتیلاوەی پێغەمبەر -صلى اللە علیە وسلم- ی بیست بۆ ئەم ئایەتە کە باسی جولەکە ونەسڕانیەکانی تێدایە کە ئەوان زانا وڕاهیبەکانیان کردووە بە (خودا) بۆ خۆیان کە هەندێک شتیان بۆ لە شەرعدا دادەنێن کە پێچەوانەی شەریعەتی خوای گەورەیە وئەمانیش گوێڕایەڵیان دەکەن لەو گۆڕانکارییە لە شەریعەتدا، ئەم هاوەڵە لە واتاکەی دڵنیا نەبوو چونکە گومانی وابوو پەرستن تەنها بریتیە لە سوجدە وکردارەکانی تر، پێغەمبەر -صلى اللە علیە وسلم- بۆی ڕوون کردەوە کە گوێڕایەڵی زانا وڕاهیبەکان (دیندارەکان) لە حەرامکردنی حەڵاڵ وحەڵاڵکردنی حەرامدا پەرستنە وپێچەوانەی حوکمی خوای گەورە وپێغەمبەرە -صلى اللە علیە وسلم-.

• گوێڕایەڵی کردنی زاناکان وجگە لە ئەوان لە دروستکراوەکان (مەخلوقەکان) کە حوکمەکانی خوای گەورە دەگۆڕن شیرکی گەورەیە، وئەگەر کەسی گوێڕایەڵ بزانێت ئەو زانایانە پێچەوانەی شەرعی خوای گەورە فەتوا دەدەن؛ ئەوا ئەم کارەی ئەو کەسە شیرکی گەورەیە.
• حەڵاڵ کردن وحەرام کردن بە تەنها مافی خوای گەورەیە.
• ڕوونکردنەوەی جۆرێکە لە جۆرەکانی شیرک ئەویش شیرکی گوێڕایەڵی کردنە.
• ڕێگەپێدراوی ومەشروعیەتی فێرکردنی کەسی جاهیل ونەزان.
• واتای پەرستن (عیبادەت) فراوانە هەموو شتێک دەگرێتەوە کە خوای گەورە خۆشی دەوێت وپێی ڕازییە لە وتە وکردەوە ئاشکرا ونهێنییەکان.
• ڕوونکردنەوە وڕاگەیاندنی گومڕایەتی حاخام وقەشەکان.
• سەلماندنی ودووپاتکردنەوەی شیرکی جولەکە (جووەکان) ونەسڕانیەکان (گاوڕەکان).
• بنچینەی ئاینی پێغەمبەران یەکە ئەویش تەوحیدە (یەک خوا پەرستییە).
• گوێڕایەڵی کردنی بوونەوەرەکان (مەخلوقەکان) کە ببێتە هۆی سەرپێچیکردنی فەرمانەکانی خوای گەورە، پەرستنی ئەو بوونەوەرەیە ئەگەر هیچ بیانوویەک (عوزرێک) نەبێت.
• واجب بوونی پرسیارکردن لە زانایان لە شتێک کە حوکمەکەی شاراوە بێت.
• سووربونی هاوەڵان (صەحابە) لە سەر فێربوونی زانست.

1. سه‌ره‌كی
2. عەقیدە (بیروباوەڕ)
3. ناوەکان وحوکمەکان
4. شیرک (هاوبەش بڕیاردان بۆ خوای گەورە)
5. فەرموودە

• ئەوەی سوێند بە جگە لە خوای گەورە بخوات ئەوا کوفر یان شیرکی کردووە
• ئەوەی سوێند بە سپاردە (ئەمانەت) بخوات؛ ئەوا لە ئێمە نییە
• ئەو شتەی (تاوانەی) کە زۆر لەسەرتان دەترسم بیكەن: شیرکی بچووکە»، ووتیان: شیركی بچووك چییە، ئەی پێغەمبەری خودا؟ فەرمووی: «ڕیا
• سەبارەت بەوەی کە خوای گەورە دەفەرموێت: {فَلا تَجْعَلُوا لِلَّهِ أَنْدَادًا وَأَنْتُمْ تَعْلَمُونَ}، ئیبن عەباس دەڵێت: [الأنداد] شیرکە، کە لە نێو ئومەتدا شاراوەترن لە دەنگی ڕۆیشتنی مێروولە لە سەر بەردێکی ڕەش لە تاریکایی شەودا...