کله چې دې جلیل القدر صحابي له رسول الله - صلی الله علیه وسلم - څخه د دې آیت تلاوت واوریده چې د یهودو او نصاراو په اړه پکې وضاحت شوی دی: چې دوی خپل علما او عابدان خپل معبودان جوړ کړي، هغوی ورته هغه څه روا کوي چې د الله د شریعت سره په ټکر کې وي، او بیا یې په هغې کې اطاعت هم کوي، نو د دې آیت معنا باندې - صحابي - پوه نه شو، ځکه هغه ګمان کاوه چې عبادت یوازې سجده کول او داسې نور - کارونه - دي، تر دې چې رسول الله - صلی الله علیه وسلم - ورته وضاحت ورکړ چې : د یهودو د علماوو او مسیحی عابدانو له عبادت څخه دا دي چې : دوی یې اطاعت کوي د حلالو په حرامولو او حرامو په حلالولو سره، د الله - تعالی - او د هغه د رسول - صلی الله علیه وسلم - د حکم خلاف.

• د الله - تعالی - د احکامو په بدلولو کې د عالمانو او نورو مخلوقاتو اطاعت کول - که چیرې اطاعت کوونکي د الله له قانون څخه د دوی په سرغړونه پوهیږي - لوی شرک دی.
• حلالول او حرامول د الله - تعالی - حق دی.
• د شرک د یو ډول بیان؛ چې هغه د اطاعت شرک دی.
• د ناپوهانو د پوهاوی مشروعیت.
• د عبادت معنی پراخه ده او هر هغه څه شاملیږي چې الله خوښوي او پرې راضي کیږي له ظاهري او باطني کړنو او ویناوو څخه.
• د احبارو (یهودي عالمانو )او راهبانو ( مسیحي عابدانو) د ګمراهۍ بیان.
• د یهودانو او نصاراو د شرک اثبات
• د پېغمبرانو د دين اصل يو دى، او هغه توحيد دى.
• د خالق په نافرمانۍ کې د مخلوق اطاعت کول د هغه عبادت دی.
• د پټو احکامو په اړه له علماوو څخه وضاحت غوښتل واجب دي.
• زده کړې ته د صحابه کرامو لیوالتیا.

1. کور‌پاڼه
2. عقیده
3. نومونه او حکمونه
4. شرک
5. حدیث

• چا لره چې بد پالۍ د خپلې اړتیا ته څخه منع کړ په حقیقت کې یې شرک وکړ، هغوی وویل: نو د دې کفاره څه ده؟، ویې ویل: چې ووایې: ای الله ستا له خير پرته بل خیر نشته، او سپیره والی نشته مګر ستا له طرفه،(۱) او ستا پرته بل معبود نشته....
• د الله تعالی دا قول (وَقَالُوا لا تَذَرُنَّ آلِهَتَكُمْ وَلا تَذَرُنَّ وَدًّا وَلا سُوَاعًا وَلا يَغُوثَ وَيَعُوقَ وَنَسْرًا) او ويې ویل (خپلو خلکو ته): تاسو خپل معبودان مه پرېږدئ او تاسو مه پرېږدئ (عبادت د) وَد، او نه (د) سُواع او نه (د) ی...
• څوک چې د الله تعالی سره پداسې حال کې مخ شو چې هیڅ شی یې ورسره شریک کړی نه وي نو جنت ته داخل شو، او څوک چې ورسره مخ شو او څه شی یې ورسره شریک کړی وي، نو اور ته داخل شو» [9]...
• څوک چې له الله پرته په بل چا قسم وخوري هغه کفر او یا شرک وکړ