Anas Ibnu Maalik ina habra: Ndeɓe njooɗdino e Annabi yo kisal won e makko ka misiide gorko gooto naati hombo e ngelooba, o jusniba refti o tonngiba, refti o naaɓnii ɓe: Hombo e mon woni Muhamadu? Tawi Annabi hombo tuugn(imo wahi)i e hakkunde yimɓe he, min mbi'i: Ko o gorko daneejo tuugniiɗo. Gorko o wii: Aan Ibnu Abdul Muɗɗalibi. Annabi yo kisal won e mum maaki: mi nanii ma, naaɓna mi jaaba ma. Gorko o wii Annabi: Mi naaɓnato ma, mi sattina e ma naaɓnal, woto mettinan am e ɓernde Ma. O faandi heen ko woto looɓan am woto a heɓ ɓittere e naaɓne am he. O maaki naaɓna ko paalaɗa,(ko gidda) O wii: Mbeɗa naaɓnoro ma e Joom ma e Joom mum adiiɓe ma, mbela ko Alla nel ma e yimɓe ɓe piiw? O maaki: Aan Alla eey, ngam teeŋtinde gooŋɗude mbo, Gorko o wii: mbeɗa naaɓnora ma Alla, mbela ko Alla yamir ma nde min njuulata juulɗele joy nder ñallal e jemma? ko ɗeen ngoni juulɗeele parlaaɗe, O maaki (owi)Aan Alla eey, O wii: mbeɗa naaɓnor ma Alla, mbela ko Alla yamir ma nde min koorata ndu lewru e hitaande? Ɗuum woni lewru koorko. O maaki Aan Alla eey, O wii: mbeɗa naaɓnor ma Alla, mbela ko Alla yamir ma nde nanngata o sadak e alɗuɓe amen peccaa mbo e waasɓe amen? Oon sadak woni askal, O maaki: Aan Alla eey, Dammaam jaɓi islaam, o habri Annabi ma o noddu yimɓe makko faade e islaam, refti o anndini hoore makko, ko o Dammaam Ibnu Saalabata jeyaaɗo e Hinnde Bakri,

• Yankinaade Annabi yo jam e kisal won e makko, sabu gorko o waawaana seerndude Mbo e Sahabaaɓe makko,
• Moƴƴude jikku Annabi yo jam e kisal won e makko, e newaade no o ruttirta naaɓniiɗo, moƴƴude jaabawol noon ina jeyaa sababuuji jaɓaneede noddaandu.
• Dagaade anndanirde gorkoe mbaadi makko, hono wiide ko o boɗeejo, e daneejo, e toowɗo wollo daɓɓo, e ko nanndi e ɗuum tawa faandaaka heen aybinde, tawde ɗuum añaaka.
• Dagaade naatde keefeero misiide ngam haaju.
• Hajju haalaaka e hadiis he sabi ina waawi tawi ko hajju siwah farleede nde o ari nde,
• Reerɗude Wondiiɓe e noddude yimɓe; o gorko o naatno islaam o fuɗɗii noddude yimɓe makko.