ሙስሊሞች በነቢዩ (የአላህ ሰላትና ሰላም በእርሳቸው ላይ ይስፈን) ዘመንና ከርሳቸው በኋላም በቅን ኸሊፋዎቹ ዘመን ዘካተል ፊጥርን ለትንሹም ሆነ ለትልቁ አንድ ቁና ስንዴ ያወጡ ነበር። በዛን ወቅት ምግባቸው ገብስ፣ (ዘቢብ) የደረቀ ወይን፣ ("አቂጥ") የደረቀ ወተት (እርጎ)ና ተምር ነበር። የአንድ ቁና መጠን በእፍኝ ሲሰላ አራት እፍኝ ነው። እፍኝ ማለት ደግሞ መካከለኛ እጅ ያለው ወንድ በሁለት እጁ ሙሉ ማለት ነው። ሙዓዊያ - አላህ መልካም ሥራቸውን ይውደድላቸውና - ኸሊፋ በነበሩበት ወቅት ወደ መዲና ሲመጡ በጊዜውም የሻም ስንዴ የበረከተበት ወቅት ነበረና ኹጥባ አደረጉ፡ "የሻም ስንዴ ሁለት እፍኝ (ግማሽ ቁና) ከአንድ ቁና ተምር ጋር ይስተካከላል ብዬ አምናለሁ።" አሉ። ሰዎችም በርሳቸው አቋም ላይ ተገበሩ። አቡ ሰዒድ አልኹድሪይም - አላህ መልካም ሥራቸውን ይውደድላቸውና - እንዲህ አሉ፡ "እኔ ግን እስከኖርኩ ድረስ በነቢዩ (የአላህ ሰላትና ሰላም በእርሳቸው ላይ ይስፈን) ዘመን አወጣው የነበርኩትን ያህል ማውጣቴን አላቆምም።"

• በነቢዩ (የአላህ ሰላትና ሰላም በእርሳቸው ላይ ይስፈን) ዘመን ይወጣ የነበረው የሶደቀተል ፊጥር መጠን መገለፁ። ይሀውም መጠኑና ዓይነቱ ቢለያይ ራሱ አንድ ቁና ምግብ ነው።
• ሁሉም የሰው ልጅ የሚመገበው ነገር ለዘካተል ፊጥር መሆን ይችላል። እነዚህ አራት አይነቶች ተለይተው የተጠቀሱት በነቢዩ (የአላህ ሰላትና ሰላም በእርሳቸው ላይ ይስፈን) ዘመን የነበሩ ምግቦች ስለሆኑ ነው።
• ለዘካተል ፊጥር ከምግብ ውጪ ገንዘብና ብር ማውጣት አይፈቀድም።
• ነወዊይ በሶሒሕ ሙስሊም ማብራሪያቸው ውስጥ እንዲህ ብለዋል: «በአንድ ጉዳይ ላይ ሶሐቦች የተወዛገቡ ጊዜ የአንዱን ንግግር ከአንዱ አናስበልጥም። ይልቁንም ወደ ሌላ ማስረጃ እንሄዳለን። የሐዲሡ ግልፅ መልዕክትና ቂያስ (ስሌት) ስንዴም ሆነ ሌላ እህል የግድ አንድ ቁና መሆኑ መስፈርት እንደሆነ ይስማማሉ። ስለዚህም በርሱ መተግበር ግዴታ ይሆናል።»
• ኢብኑ ሐጀር እንዲህ ብለዋል: «ይህ ሐዲሥ አቡ ሰዒድ በነቢዩ (የአላህ ሰላትና ሰላም በእርሳቸው ላይ ይስፈን) ፈለግ የነበራቸውን ጠንካራ ተከታይነትንና ሐዲሥ ከመጣ በኋላ ወደ ኢጅቲሃድ (የግል ምርምር) መዘንበልን መተው እንደሚገባ ስንረዳ፤ የሙዓዊያ ተግባርና ሰዎች የርሱን ንግግር መከተላቸው ደግሞ ኢጅቲሃድ (ምርምር) እንደሚፈቀድና የሚበረታታም መሆኑን እንረዳለን። ነገር ግን ኢጅቲሃዱ ሐዲሥ በመጣበት ጉዳይ ከሆነ ተቀባይነቱ ውድቅ ነው።»

1. ዋና ገፅ
2. ፊቅህና የፊቂህ መርሆዎች
3. የአምልኮ ፊቂህ
4. ዘካ
5. ዘካቱል ፊጥር
6. ሓዲሥ

• የአላህ መልክተኛ (የአላህ ሰላትና ሰላም በእርሳቸው ላይ ይስፈን) ላይ ይስፈንና ዘካተል ፊጥርን አንድ ቁና ከተምር ወይም አንድ ቁና ከገብስ ማውጣትን በባሪያውም፣ በነፃውም፣ በወንዱም፣ በሴቱም፣ በህፃኑም፣ በትልቁም ሙስሊም ላይ ግዴታ አደረጉ። ሰዎች ወደ ሶላት ከመውጣታቸው በፊት እንድትሰጥም አዘዙ።...