مسلمان اللہ کے نبی صلی اللہ علیہ و سلم اور آپ کے بعد خلفائے راشدین کے دور میں ہر چھوٹے بڑے شخص کی جانب سے ایک ایک صاع کھانے کی چيز نکالا کرتے تھے۔ اور ان دنوں ان کے کھانے کی چيزیں یہ تھیں: جَو، کشمش ، پنیر اور کھجور۔ یہاں یہ یاد رہے کہ صاع چار مد کا ہوتا ہے اور ایک مد ایک معتدل قد وقامت والے شخص کے ایک لپ کے برابر ہوتا ہے۔ لیکن حب معاویہ رضی اللہ عنہ خلیفہ کی حیثیت سے مدینہ آئے اور شامی گیہوں کى کثرت ہوگئى، تو انھوں نے خطبہ دیا اور فرمایا: میں سمجھتا ہوں کہ شام کی دو مد (نصف صاع) گیہوں ایک صاع کھجور کے برابر ہے۔ چنانچہ لوگوں نے ان کے اس قول پر عمل کرنا شروع کر دیا۔ لیکن ابو سعید خدری رضی اللہ عنہ نے فرمایا: جہاں تک میری بات ہے تو میں زندگی بھر زکاۃ فطر اسی طرح نکالتا رہوں گا، جس طرح اللہ کے رسول صلی اللہ علیہ و سلم کے دور میں نکالا کرتا تھا۔

• اس حدیث کے اندر یہ بتایا گیا ہے کہ اللہ کے نبی صلی اللہ علیہ و سلم کے دور میں صدقۂ فطر کھانے کی چيز کا ایک صاع نکالا جاتا تھا۔ جنس اور قیمت خواہ کچھ بھی ہو۔
• انسانوں کی ہر غذا صدقہ فطر کے طور پر نکالى جا سکتى ہے۔ حدیث میں چار اصناف کا ذکر خصوصیت کے ساتھ اس لیے آیا ہے کہ نبی صلی اللہ علیہ وسلم کے زمانے میں یہی اصناف لوگوں کی غذا تھیں۔
• فطرہ میں غذا کی بجائے پیسہ اور نقد نکالنا جائز نہیں ہے۔
• نووی شرح مسلم میں کہتے ہيں: جب صحابہ کے اندر اختلاف ہو جائے، تو ان میں سے کسی کا قول کسی سے اولی نہيں ہو سکتا۔ ایسے میں ہمیں کوئی دوسری دلیل تلاش کرنی ہوگی۔ چنانچہ ہم پاتے ہيں کہ احادیث اور قیاس اس بات پر متفق ہيں کہ دیگر کھانے کی چيزوں کی طرح گیہوں کا ایک صاع ہونا بھی ضروری ہے۔ اس لیے اس پر اعتماد کرنا واجب ہے۔
• ابن حجر کہتے ہيں: ابو سعید خدری رضی اللہ عنہ کی یہ حدیث بتاتی ہے کہ ان کے اندر اتباع سنت، آثار کو مضبوطی سے پکڑے رہنے اور نص کے ہوتے ہوئے اجتہاد کرنے سے گریز کرنے کا جذبہ کس قدر موجزن تھا۔ یہاں یہ یاد رہے کہ معاویہ رضی اللہ عنہ کا اجتہاد اور لوگوں کی موافقت اس بات کی دلیل ہے کہ اجتہاد کرنا جائز اور قابل ستائش ہے، لیکن اگر نص موجود ہو تو اس کا کوئی اعتبار نہيں ہے۔

1. صفحہ رئیسی
2. فقہ و اصولِ فقہ
3. فقہِ عبادات (عبادات سے متعلق شرعی مسائل)
4. زکوۃ
5. صدقہ فطر
6. حدیث

• اللہ کے رسول ﷺ نے صدقۂ فطر مسلمان غلام اور آزاد، مرد اور عورت، چھوٹے اور بڑے (سب پر) ایک صاع کھجور یا ایک صاع جَو فرض قرار دیا ہے اور حکم دیا ہے کہ اسے نماز عید کے لیے لوگوں کے نکلنے سے پہلے پہلے ادا کر دیا جائے۔...
• مسلمان پر اس کے غلام اور گھوڑے میں زکوۃ نہیں ہے۔