Гурӯҳе аз ёрони Паёмбар (Салому дуруди Аллоҳ бар ӯ бод) назди Паёмбари Худо омаданд ва аз ӯ дар бораи шак ва васвасаҳои бузурге, ки дар дили худ эҳсос мекарданд ва аз сабаби зишт будани онҳо аз ба забон оварданашон танаффур доштанд, пурсиданд. Паёмбар (Салому дуруди Аллоҳ бар ӯ бод) гуфтанд: Ончи дар дили шумо шӯъла мезанад ва боис шудааст, ки дар баробари ончи шайтон дар дилатон андохта аст истодагарӣ карда ва аз ба забон овардани он худдорӣ мекунед, имони холис ва яқин аст, ки ин худ нишонае аз роҳ наёфтани Шайтон ба дилҳои шумост, бар хилофи касоне, ки Шайтон бар дилҳои онҳо мусаллат гашта дар баробари он ҳеҷ чорае надоранд.

• Баёни заъфи Шайтон дар баробари муъминон ва баёни инки танҳо қодир ба васваса аст.
• Бовар накардан ба васвасаҳое, ки дар нафси инсон мегузарад, зеро он аз ҷониби Шайтон аст.
• Васвасаи Шайтон осебе бар шахси мӯъмин намерасонад, аммо бояд аз васвасаҳои шайтонӣ ба Худо паноҳ барад ва аз он худдорӣ кунад.
• Мусалмон набояд дар мавриди ончи боиси шак дар динаш мешавад сукут кунад, балки бояд дар ин бора (аз аҳли илм) бипурсад.