Zama n wa, sẽn yi Nabiyaamã sahaabsẽ wã, -Wẽnd pʋʋsg la A tɩlgr be a yĩnga-, n sok-a, bũmb ning sẽn mi n paamd bãmb tagsgo, sẽn yaa yεl bεda, sẽn yɩɩd noor goama, a wẽnga la bãmb meng sẽn ka rat-a wã keelem, tɩ Nabiyaamã -Wẽnd pʋʋsg la A tɩlgr be a yĩnga- yεεl-ba, ad yãmb sẽn paamd bũmb ning y sũy wã, yaa yẽ meng la liimaoongã meng vẽenega, yãmb sẽn tusd n na n yiis sʋɩtãanã sẽn lobd bũmb ning yãmb sũy wã, la yãmb kɩɩsd rẽnda, n ka rat n na n gom-a ne y noy wã, la ad a sʋɩtãana, a ka paam yãmb sũy wã n ta ye, rẽnd yõsga ne ned ning a sʋɩtãan sẽn paam n kẽ b rãmb sũy wã, t’a ka paam liimaoong n na n tus-a wã, bãmb ka get tɩ woto yaa yel bedr ye.

• Hadiisã wilgda a sʋɩɩtãan sẽn yaa valanga sɩd-kũunã rãmb nengẽ, bala a ka tõog n na n kẽes-b yuus-yuus pʋgẽ ye.
• Hadiisã wilgdame tɩ ned ra sak n sɩdge, la a reeg bũmb ning yẽ yõorã sẽn wat n tagsd yεl nins sẽn yaa yuus-yuuse, tɩ bala yaa sẽn yi a sʋɩɩtãan nengẽ.
• Hadiisã wilgdame t’a sʋɩɩtãan yuus-yuusã ka namsd sɩd-kõta, la a sõmbame n kos gũudum ne Wẽnde, n yi a sʋɩɩtãan yuus-yuusã, la a bas yuus-yuusã maanego.
• Hadiisã wilgdame tɩ ka sõmb ne lɩslaam t’a sĩnd bũmb ninga sẽn maan yẽnda gẽdga a dĩinã pʋgẽ wã ye, sõmba ne-a t’a sok a yell n bãnge.