চাহাবাসকলৰ এটা সঁজাতি দল নবী চাল্লাল্লাহু আলাইহি অছাল্লামৰ ওচৰলৈ আহি তেওঁলোকৰ অন্তৰত উদ্ভৱ হোৱা গুৰুতৰ সংশয় সম্পৰ্কে সুধিলে, যিটো বিষয় মুখেৰে উচ্চাৰণ কৰাও গুৰুতৰ অপৰাধ, ইমান নিকৃষ্ট তথা বৰ্জনীয়। তেতিয়া তেখেত চাল্লাল্লাহু আলাইহি অছাল্লামে ক'লেঃ তোমালোকে যিটো অনুভৱ কৰিছা সেইটোৱে হৈছে স্পষ্ট ঈমান তথা প্ৰকৃত য়াকীন, যি য়াকীনে তোমালোকক তোমালোকৰ অন্তৰত উদ্ভৱ হোৱা চয়তানৰ অচঅছাৰ পৰা ৰক্ষা কৰে, আৰু এনেকুৱা কথা মুখেৰে উচ্চাৰণ কৰিবলৈও তোমালোকক বাধা দিয়ে, যিটোক তোমালোকে নিজে গুৰুতৰ অপৰাধ হিচাপে গণ্য কৰা। সেইকাৰণে চয়তানে তোমালোকৰ অন্তৰত ঠাই কৰিব পৰা নাই। আনহাতে যাৰ অন্তৰত চয়তানে ঠাই কৰিছে, সি এনেকুৱা কথা কোৱাৰ পৰা কোনো বাধা অনুভৱ নকৰে।

• হাদীছটোত মুমিনসকলৰ ক্ষেত্ৰত চয়তানৰ দুৰ্বলতাৰ বিষয়ে বৰ্ণনা কৰা হৈছে। কাৰণ চয়তানে তেওঁলোকক অচঅছাহ দিয়াৰ বাহিৰে আন কোনো ক্ষেত্ৰতে একো কৰিব নোৱাৰে।
• মনত উদ্ভৱ হোৱা সংশয় আদিক প্ৰশ্ৰয় দিয়া তথা সেইটোক মানি লোৱা উচিত নহয়। কাৰণ সেইটো হৈছে চয়তানৰ কুমন্ত্ৰণা।
• চয়তানৰ কুমন্ত্ৰণাই মুমিনক কোনো ধৰণৰ ক্ষতি কৰিব নোৱাৰে। তথাপিও চয়তানৰ কুমন্ত্ৰণাৰ পৰা আল্লাহৰ ওচৰত আশ্ৰয় প্ৰাৰ্থনা কৰা উচিত। লগতে এনেকুৱা কুণন্ত্ৰণাক প্ৰশ্ৰয় দিয়া উচিত নহয়।
• দ্বীন সম্পৰ্কীয় কোনো বিষয়ত সমস্যাৰ সন্মুখীন হ'লে কোনো মুছলিমৰ বাবেই মনে মনে বহি থকা উচিত নহয়, বৰং সেই বিষয়ে সুধি লোৱা উচিত।

1. মুখ্য পৃষ্ঠা
2. আক্বীদাহ
3. সৰ্বশক্তিমান আল্লাহৰ প্ৰতি ঈমান
4. হাদীছ

1. মুখ্য পৃষ্ঠা
2. আক্বীদাহ
3. নাম আৰু ইয়াৰ বিধান
4. ঈমানৰ বৃদ্ধি আৰু হ্রাস
5. হাদীছ

• ঈমানৰ সত্তৰতকৈও অধিক অথবা ষাঠিতকৈও অধিক শাখা-প্ৰশাখা আছে। তাৰে ভিতৰত সৰ্বশ্ৰেষ্ঠ শাখাটো হৈছে লা ইলা-হা ইল্লাল্লাহ কোৱা, আৰু সৰ্বনিম্ন শাখাটো হৈছে পথৰ পৰা কষ্টদায়ক বস্তু আঁতৰাই দিয়া।...
• চয়তান তোমালোকৰ ওচৰলৈ আহি কুমন্ত্ৰণা দি কয় যে, এইটো কোনে সৃষ্টি কৰিছে? সেইটো কোনে সৃষ্টি কৰিছে? অৱশেষত কয় যে, তোমাৰ প্ৰতিপালকক কোনে সৃষ্টি কৰিছে? যদি এনেকুৱা কোনো কথা কাৰো মনত উদ্ভৱ হয় তেন্তে সি আল্লাহৰ ওচৰত আশ্ৰয় প্ৰাৰ্থনা কৰা উচিত, আৰু এনে...
• যিয়ে আল্লাহৰ সৈতে শ্বিৰ্ক নকৰাকৈ মৃত্যুবৰণ কৰিছে তেওঁ জান্নাতত প্ৰৱেশ কৰিব আৰু যিয়ে আল্লাহৰ সৈতে শ্বিৰ্ক কৰি মৃত্যুবৰণ কৰিছে, সি জাহান্নামত প্ৰৱেশ কৰিব।...
• সকলো ধৰণৰ প্ৰশংসা সেই মহান সত্ত্বাৰ বাবে, যিয়ে চয়তানৰ এনেকুৱা চক্ৰান্ত তথা কুমন্ত্ৰণাক কল্পনাতেই সীমাবদ্ধ কৰি ৰাখিছে।...