Nabigu -naxariis iyo nabadi korkiisa ha ahaatee- wuxuu sheegay in markuu qofka muslimku la tukado jamac salaadiisu ka fadli badan tahay salaada uu guriga ama suuqa ku tukado dhowr iyo labaatan jeer ama darejo. Ka dibna wuxuu sheegay sababta arintaa: waa marka uu wayso qaato qofku waysadiisana wanaajiyo ee uu masaajidka u dhaqaaqo, isaga oo salaada uun u jeedadiisu tahay, tallaabo kasta oo uu xagga masaajidka u qaado Illaahay inuu derejo ku siinaayo oo kor loogu qaadayo, lagaga tiraayana dambi, Marka uu masaajidka galo ee uu fadhiisto isaga oo salaad ku sugaaya, wuxuu helayaa oo u soconaya ajarka qof salaad kujira, malaa'igtuna way u ducaysaa inta uu fadhiyo goobta uu ku tukaday, iyadoo dhahaysa: "Allahayow u dambi dhaaf, Allahayow u naxariiso, Allahayow ka toobad aqbal" sidaabay ugu ducaynaysaa inta aanay waysadu ka jabin, ama aanu ku kicin wax dadka iyo malaa'igtuba dhibsanayaan.

• Salaadda qofku ku tukado gurigiisa ama suuqa way ka ansaxaysaa, laakiin wuxuu ku dambaabayaa ka tagida uu ka tagay jamaca cudrdaar la`aan.
• Salaadda jamaca oo masaajid lagu tukado ayaa ka fadli badan salaadda qofku keligi ku tukado shan ama lix ama toddoba iyo labaatan darajo.
• Shaqooyinka ay malaa'igtu qabato waxaa ka mid ah ducada ay mu'uminiinta u ducaynayso.
• masaajidka oo wayso qab lagu tago ajar wayn bay leedahay.

1. home
2. Fiqiga iyo usuushiisa
3. Fiqiga Cibaadaadka
4. Salaada
5. Fadliga Salaada Jamaacada iyo Axkaanteeda
6. Xadiis

• Aadaanka Salaada ma maqashaa? wuxuu yiri: haa, wuxuu Rasuulku ku yiri: (ajiib )